DEDAGANGAN KANG ORA RUGI – Khutbah Jumat Bahasa Jawa

Naskah Khutbah Jumat BAHASA JAWA Dewan Dakwah Bantul
Edisi 003/Tahun III/2023

Ingin mendapatkan materi Khutbah Jumat?

Group WhatsApp : https://chat.whatsapp.com/LLH6iduekXrCVt4tsszX7I

Naskah lengkap dari awal bisa dibuka di Channel Telegram : https://t.me/khutbah_DDII_Bantul

DEDAGANGAN KANG ORA RUGI
Dening : Ust Rahmat Safarudin

Khutbah I

إِنَّ اْلحَمْدَ لِلّهِ نَحْمَدُهُ وَ نَسْتَعِيْنُهُ وَ نَسْتَغْفِرُهُ، وَ نَعُوْذُ بِاللهِ مِنْ شُرُورِ أَنْفُسِنَا وَ مِنْ سَيِّئاَتِ أَعْمَالِناَ. مَنْ يَهْدِ اللهُ فَلاَ مُضَلَّ لَهُ، وَمَنْ يُضْلِلْ فَلاَ هَا دِيَ لَهُ.
أَشْهَدُ أَنْ لاَ إِلهَ إِلاَ الله وَحْدَهُ لاَ شَرِيْكَ لَهُ، وَ أَشْهَدُ أَنَّ مُحَمَدًا عَبْدُهُ وَرَسُولُهُ.
الَّلهُمَّ صَلِّ وَ سَلِّمْ وَ بَارِكْ عَلىَ نَبِيِّناَ مُحَمَّد وَ عَلىَ اٰلِهِ وَ صَحْبِهِ أَجْمَعِيْنَ.
أَمَّا بَعْدُ فَياَعِبَادَ اللهِ. أُصِيْكُمْ وَإَيّايَ بِتَقْوَى اللهِ فَقَدْ فَازَ المُتَّقُوْنَ
قَالَ اللهُ تَعَالَى فِي الْقُرْآنِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ.
يَا أَيُّهَا الَّذِينَ آَمَنُوا هَلْ أَدُلُّكُمْ عَلَى تِجَارَةٍ تُنجِيكُم مِّنْ عَذَابٍ أَلِيمٍ ﴿١٠﴾ تُؤْمِنُونَ بِاللَّهِ وَرَسُولِهِ وَتُجَاهِدُونَ فِي سَبِيلِ اللَّهِ بِأَمْوَالِكُمْ وَأَنفُسِكُمْ ذَلِكُمْ خَيْرٌ لَّكُمْ إِن كُنتُمْ تَعْلَمُونَ ﴿١١﴾

Ma’asyiral muslimin rahimakumulllah
Saestunipun gesang ingkang kita lampahi menika kadosdene wujuding ‘dol-tinuku” utawi dedagangan. Menawi ing salebeting gesang kita nindakaken kesaenan, pramila kita ugi bakal nampi ing kesaenan. Dene menawi kita tumindak awon, pramila temtu kemawon ingkang badhe dipun tampi ing gesangipun ugi kasil ingkang awon. Alloh SWT paring pemut:

فَمَن يَعْمَلْ مِثْقَالَ ذَرَّةٍ خَيْراً يَرَهُ ﴿٧﴾ وَمَن يَعْمَلْ مِثْقَالَ ذَرَّةٍ شَرّاً يَرَهُ ﴿٨﴾
“Sopo wong kang tumindak kabecikan sabobote ‘lebu’, yekti dheweke bakal nampa piwalese. Lan sopo wong kang tumindak olo sabobote ‘lebu’ yekti dheweke uga bakal nama piwalese”. (Qs Al Zalzalah: 7-8)

Saben tumindaking manungsa nyekapi betahing gesang saestunipun minangka “dedagangan” utawi bisnis. Pramila Allah SWT paring pandangu ing manungsa, ngajak kagem dedagangan kanthi tetembungan ingkang sanget endah amrih umat manungsa remen kangge nggatosaken lan purun nindakaken:

يَا أَيُّهَا الَّذِينَ آَمَنُوا هَلْ أَدُلُّكُمْ عَلَى تِجَارَةٍ تُنجِيكُم مِّنْ عَذَابٍ أَلِيمٍ ﴿١٠﴾
“He wong kang padha iman, opo siro gelem Ingsun paringi pituduh ing anane dedagangan kang bisa nylametake siro saka siksa (neraka) kang abot?” ( Qs. Ash Shaf: 10)

Kados pundi dados ndamel remen, kanthi wontenipun dedagangan ingkang umumipun tiyang sami grengseng nindak-aken, katambah saget mbebasaken utawi nyingkiraken saking bebayaning siksa neraka ingkang nggegirisi? Allah paring firman:

تُؤْمِنُونَ بِاللَّهِ وَرَسُولِهِ وَتُجَاهِدُونَ فِي سَبِيلِ اللَّهِ بِأَمْوَالِكُمْ وَأَنفُسِكُمْ ذَلِكُمْ خَيْرٌ لَّكُمْ إِن كُنتُمْ تَعْلَمُونَ ﴿١١﴾
“(yaiku) siro iman marang Allah lan Rasule, lan jihad ing dalane Allah kanthi arta bandhan lan jiwaniro. Mengkono iku kang luwih becik tumrap siro yen siro mangerteni,” Qs. Ash Shaf: 11)

Ma’asyiral muslimin rahimakumulllah
Kados pundi caranipun Allah SWT dedagangan kaliyan umat manungsa?

Sepisan, kanthi wujud kadosdene “utang-piutang”.

Perkawis menika nalika kita ngedalaken infak kagem ndherek nyengkuyunh program-program syiar ingkang kathah mbekta kemaslahatan ing masyarakat, pramila arta bandha ingkang dipun wedalaken menika dipun etang kadosdene caos piutang dhumateng Allah, lan ing tembenipun bakal dipun konduraken dening Allah kanthi jumlah ingkang tikel-matikel kathahipun

إِن تُقْرِضُوا اللَّهَ قَرْضاً حَسَناً يُضَاعِفْهُ لَكُمْ وَيَغْفِرْ لَكُمْ وَاللَّهُ شَكُورٌ حَلِيمٌ ﴿١٧﴾
“Menawa siro ngaturake ‘potangan’ kang becik marang Allah, mangka yekti bakal nikel-nikelake piwalese tumrap siro lan paring pangapuro ing siro .Lan Allah Maha paring Piwales Lan Maha Welas asih.“ (QS: At-Taghabun [64]:17).

Ma’asyiral muslimin rahimakumulllah
Kaping kalih, Allah paring pilihan kadosdene ‘transaksi’ dedagangan (dol-tinuku) utawi bisnis:

إِنَّ اللّهَ اشْتَرَى مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الجَنَّةَ يُقَاتِلُونَ فِي سَبِيلِ اللّهِ فَيَقْتُلُونَ وَيُقْتَلُونَ وَعْداً عَلَيْهِ حَقّاً فِي التَّوْرَاةِ وَالإِنجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللّهِ فَاسْتَبْشِرُواْ بِبَيْعِكُمُ الَّذِي بَايَعْتُم بِهِ وَذَلِكَ هُوَ الْفَوْزُ الْعَظِيمُ ﴿١١١﴾
“Satemene Allah wis mundhut tumrap wong-wong mukmin saka dhiri lan arta bandhane kanthi maringake suwarga kanggo dheweke. Wong-wong mukmin iku perang ing dedalane Allah; banjur padha unggul utawa gugur. (Iku minangka) janji kang bener saka Allah ing kitab Taurat, Injil lan Al Quran. Lan sopo wong kang luwih anggone netepi janji tinimbang Allah? Mangka siro kabeh padha gumbiro-a kanthi dedaganganiro iku; lan iku mujudake kamenangan kang agung.” (QS At-Taubah [9]: 111)

Monggo dipun penggalih, Allah bakal mbayar anggenipun dedagangan kaliyan kita kanthi ajining suwarga !

Dene tumrap tiyang ingkang mboten iman, lan malah namung nuruti hawa nepsu kadonyan, pramila piyambakipun saestunipun ugi sampun nindakaken dedagangan, nanging kanthi lampah ingkang mboten bakal ndamel bathi (bejo). Perkawis menika dipun sebat ing Al -Qur’an :

أُوْلَـئِكَ الَّذِينَ اشْتَرُوُاْ الضَّلاَلَةَ بِالْهُدَى فَمَا رَبِحَت تِّجَارَتُهُمْ وَمَا كَانُواْ مُهْتَدِينَ ﴿١٦﴾
“Wong-wong kang mengkono iku kang wis tuku perkara sasar kanthi pituduh, mangka ora bakal antuk bebathen ing dedagangane lan dheweke ora antuk pituduh” (Qs. Al Baqarah: 16)

Kita dipun-emutaken bilih gesang ing ndonya menika saestu sigeg (singkat) dene alam akhirat menika abadi (langgeng).

بَلْ تُؤْثِرُونَ الْحَيَاةَ الدُّنْيَا ﴿١٦﴾ وَالْآخِرَةُ خَيْرٌ وَأَبْقَى ﴿١٧﴾
“Nanging siro milih panguripan kadonyan, dene panguripan akhirat iku luwih becik lan luwih langgeng.” (Qs al A’la: 16-17)

Saestunipun saben tiyang gesang menika minangka pedagang ingkang sesambungan dagangipun kaliyan Allah SWT. Sedaya modal usaha asalipun saking Allah, wiwit saking gesangipun piyambak, kasampurnan badan, akal, kesehatan, kepinteran, pamawas lan sanes-sanesipun. Manungsa namung kantun ngrumat lan ndunungaken modal menika minangka pawitan, kados pundi saget dados ngasilaken bebathen ingkang ageng lan sakathah-kathahipun.

Lan sedaya perkawis menika dipun cathet kanthi rapi lan teliti.

وَكُلُّ شَيْءٍ فَعَلُوهُ فِي الزُّبُرِ ﴿٥٢﴾ وَكُلُّ صَغِيرٍ وَكَبِيرٍ مُسْتَطَرٌ ﴿٥٣﴾
“Lan sakabehe perkara kang padha ditindak-ake dicathet ing buku cathetan. Lan sakabehe perkara kang cilik utawa gedhe iku ditulis” (QS Al-Qamar [54]: 52-53)

Samangke, sasampunipun sedaya umat manungsa dipun kempalaken ing dinten kiamat, pramila saben-saben tiyang bakal nampi cathetan kasebat, lan dados pertandha ing kasil ipun usaha ing salebeting geang ingkang sampun kelampah.

Ma’asyiral muslimin rahimakumulllah
Minangka tiyang iman, kita kedah tansah emu ting perkawis menika. Pramila kita kedah nggadhahi kawaspadan anggenipun nglampahi gesang menika, sampun ngantos kajrumus ing golonganipun tiyang ingkang dedaganganipun nandhang rugi.

إِنَّ الَّذِينَ يَتْلُونَ كِتَابَ اللَّهِ وَأَقَامُوا الصَّلَاةَ وَأَنفَقُوا مِمَّا رَزَقْنَاهُمْ سِرّاً وَعَلَانِيَةً يَرْجُونَ تِجَارَةً لَّن تَبُورَ ﴿٢٩﴾
“Satemene wong-wong kang tansah maca kitab Allah lan njejegake shalat dan lan mblanja-ake sebagian rejeki kang wis Ingsun (allah) paringake ing dheweke, opo kanthi sesidheman utawa blaka suta, wong-wong mau ngarep-arep anane dedagangan kang ora nandhang rugi.” (QS Faathir [35]: 29)

Sepinten kathahipun tiyang ingkang saget kasil pikantuk bebathen anggenipun dedagangan kaliyan gusti Allah? Kamangka Allah sampun paring kabar ing bab menika lan mbiwara-aken piwucalipun dhumateng “mitra bisnis” –ipun inggih manungsa. Perkawisipun, menopo kita badhe dedagangan kanthi saestu ngagem cara ingkang leres lan paling sae lan saestu anggenipun kepengin pikantuk bebathen ingkang paling ageng?

Mekaten khutbah ing siang menika mugi manfaat tumrap kita sedaya.

بَارَكَ اللهُ لِي وَلَكُمْ فىِ اْلقُرأنِ اْلعَظِيْمِ، وَنَفَعَنِي وَإِيَاكُمْ بِمَافِيْهِ مِنَ الاٰيَاتِ وَالذِّكْرَ اْلحَكِيْمِ، وَ تَقَبَّلَ مِنيِّ وَ مِنْكُمْ تِلاَوَتَهُ إِنَّهُ هُوَ الَسمِيْعُ اْلعَلِيْمُ

Khutbah II

اَلْحَمْدُ ِللهِ وَكَفٰى، وَسَلاَمٌ عَلٰى عِبَادِهِ الَّذِيْنَ اصْطَفٰى.
أَشْهَدُ أَنْ لاَ إِلهَ إِلَّا اللهُ وَحْدَهُ لاَ شَرِيْكَ لَهُ. وَأَشْهَدُ أَنّ مُحَمّدًا عَبْدُهُ وَرَسُوْلُهُ لاَ نَبِيَّ بَعْدَهُ.
اَللهُمَّ صَلِّ وَسَلّمْ عَلٰى سَيِّدِنَا مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن
أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ
إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا.
اَللّهُمَّ صَلِّ وَ سَلِّمْ عَلَى سَيِّدِنَا وَ حَبِيْبِنَا مُحَمَّدٍ وَّعَلَى اَلِه وَ سَائِرِ الصَّحَابَةِ وَ التَّابِعِيْنَ وَمَنْ تَبِعَهُمْ بِاِحْسَانِ اِلَى يَوْمِ الدِّيْنِ
اللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدُّعَاءِ.
اللَّهُمَّ إِنَّا نَسْأَلُكَ الْهُدَى وَالتُّقَى وَالعَفَافَ وَالغِنَى.
اَللَّهُمَّ أَصْلِحْ لَنَا دِيننَا اَلَّذِي هُوَ عِصْمَةُ أَمْرِنَا وَأَصْلِحْ لَنَا دُنْيَا نَا اَلَّتِي فِيهَا مَعَاشنَا وَأَصْلِحْ لَنَا آخِرَتَنَا اَلَّتِي إِلَيْهَا مَعَادنَا وَاجْعَلْ اَلْحَيَاةَ زِيَادَةً لَنَا فِي كُلِّ خَيْرٍ وَاجْعَلْ اَلْمَوْتَ رَاحَةً لَنَا مِنْ كُلِّ شَرٍّ.
رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ.
رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ.