Naskah Khutbah Jumat BAHASA JAWA Dewan Dakwah BantulEdisi 051/Tahun II/2022
Ingin mendapatkan materi Khutbah Jumat?
🟢 Group WhatsApp 1️⃣ : https://chat.whatsapp.com/GYrsFLncgFdBP0NyCIGYe2
🔵 Naskah lengkap dari awal bisa dibuka di Channel Telegram : https://t.me/khutbah_DDII_Bantul
HAKIKAT REJEKI
Dening: ust. A. Alfian Muzakki
Khutbah Pertama
اَلْحَمْدُ للهِ وَكَفَى، وَأُصَلِّيْ وَأُسَلِّمُ عَلَى سَيِّدِنَا مُحَمَّدٍ الْمُصْطَفَى، وَعَلَى آلِهِ وَأَصْحَابِهِ أَهْلِ الْوَفَا. أَشْهَدُ أَنْ لَّا إلهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ
اَللَّهُمَّ صَلِّ عَلَى سيدنا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّييْنِ.
أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ, قال الله تعالى: اَعُوْذُ بِاللهِ مِنَ الشَّيْطَانِ الرَّجِيْمِ. يَا أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ.
وَمَا مِنْ دَاۤبَّةٍ فِى الْاَرْضِ اِلَّا عَلَى اللّٰهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا ۗ كُلٌّ فِيْ كِتٰبٍ مُّبِيْنٍ (هود: ٦)
Ma’asyiral muslimin rahimakumullah,
Ing salebeting gesang menika saben tiyang nindakaken pakaryan ingkang maneka warna kagem nggayuh rejeki. Menapa saestunipun rejeki menika?
Umumipun kita tansah maknani minangka kasiling nyambut damel ingkang wujud bandha donya utawi arta. Kamangka, tembung rejeki dipun pendhet asalipun saking Basa Arab “rizqun’ ingkang suraosipun minangka “sedaya perkawis ingkang saget dipun pendhet manfaat utawi pigunanipun.
Kanthi mekaten, pramila rejeki wujudipun mboten namung arta bandha, nanging sedaya ingkang wonten lan dipun gadhahi dening manungsa ingkang saget dipu pendhet manfaat pgunanipun, kadosdene : wekdal, ngelmu, kesehatan, ketrampilan, kulawarga, masyarakat, kamardhikan, katentreman lan sanes-sanesipun.
Sedaya menika minangka kanugrahanipun Allaj ingkang saget dipun raosaken titah ing ndonya kanthi wilangan ingkang tanpa bates. Pramila Allah ngendika ing Al-Qur’an :
وَإِن تَعُدُّواْ نِعْمَةَ اللّهِ لاَ تُحْصُوهَا إِنَّ اللّهَ لَغَفُورٌ رَّحِيمٌ ﴿١٨﴾
“Lan menawa sira ngetung-etung ni`mat Allah, yekti sira ora bakal bisa ngetung akehe,. Satemene gusti Allah yekti Maha paring Pangapura lan Welas asih.” (Qs an Nahl: 18)
Awit saking menika, sumangga kita sageta pinter-pinter anggenipun ngaturaken raos syukur, jalaran kita asring ‘nembe ngraosaken minangka rejeki’ nalikanipun perkawis menika suda utawi ical.
Nalika kita nandhang sakit, kita nembe emut nikmatipun badan sehat ingkang minangka rejeki ingkang ageng sanget. Wekdal wonten bencana alam kita nandhang kuwatos lan ajrih, nembe emut nikmatipun rejeki wujud raos aman lan ayem tentrem lan sanes-sanesipun.
Ma’asyiral muslimin rahimakumullah,
Satunggaling ulama ageng ing Mesir, Syekh Al Mutawalli As-Sya’rawi ngendika bilih rejeki menika wonten werni sekawan inggih menika:
المَالُ هُوَ أَدْنَى دَرَجَاتِ الرِّزْقِ
- Arta bandha (Maal), minangka rejeki ingkang paling asor
و العَافِيَةُ أَعْلَى دَرَجَاتِ الرِّزْقِ
- Afiyah (sehat lahir batos), minangka rejeki igkang paling inggil (ageng)
و صَلَاحُ الأَبْنَاءِ أَفْضَلُ أنْوَاعِ الرِّزْقِ
- Putra ingkang sholeh (shalihu abna) minangka rejeki ingkang paling utami
و رِضَا رَبِّ العَالَمِينَ فَهُوَ تَمَامُ الرِّزْقِ
- Pikantuk ridha Allah minangka rejeki ingkang paling sampurna.
Kadangkala kita langkung nengenaken ing arta bandha tinimbang werni tiga sanesipun, malah ngantos mboten perduli : menapa to dipun gayuh kanthi lampah ingkang halal utawi haram !
Perkawis menika dipun ngendika-aken dening Rasulullah SAW ing satuggaling hadits saking al-Bukhari lumantar Abu Hurairah r.a.:
يَأْتِي عَلَى النَّاسِ زَمَانٌ لاَ يُبَالِي الْمَرْءُ مَا أَخَذَ مِنْهُ أَمِنَ الْحَلاَلِ أَمْ مِنْ الْحَرَامِ
“Bakal teka ing umat manungsa anane sawijing jaman (nalika) pawongan wis ora perduli maneh saka ngendi dheweke nnduweni bandha, opo saka dalan kang halal utawa haram.” [HR. al-Bukhari].
Hadits menika ngemutaken, ing bab kadospundi kawontenan tiyang ing akhir zaman, piyambakipun sampun mboten perduli ing kados pundi lampahipun pikantuk arta bandha, menapa kanthi lampah halal utawi haram. Mboten perduli ing bab sae-utawi awon, ingkang penting bandha saget dipun gayuh.
Ma’asyiral muslimin rahimakumullah,
Allah sampun paring pemut amrih kita nyingkiri lampah ingkang bathil (lepat), lan supados namung ngupadi kanthi lampahing rejeki ingkang halal:
يَا أَيُّهَا الَّذِينَ آمَنُوا لَا تأكلوا أَمْوَالَكُمْ بَيْنَكُمْ بِالْبَاطِلِ إِلَّا أَنْ تَكُونَ تِجَارَةً عَنْ تَرَاضٍ مِنْكُمْ
“He wong kang padha iman, sira ojo padha memangan arta bandha ing antarane sira kanthi laku kang bathil, kejaba tindakna kanthi laku dedagangan kang dilambari rasa lega lilaning ati ing antarane sira” [Quran An-Nisa: 29]
Kejawi menika, ing kasunyatan padintenan gesang kita manggihi wontenipun tiyang kadospundi lampahipun ngupadi rejeki lan mblanja-aken arta bandha, kaperang wonten sekawan werni:
- Caranipun ngupadi halal, lajeng dipun gina-aken kagem nyekapi betahing gesang ingkang halal
- Caranipun ngupadi halal, nanging dipun agem kangge tumindak ingkang haram
- Caranipun ngupadi haram, lan dipun maksud kangge nyekapi gesang ingkang halal
- Caranipun ngupadi haram, lan dipun gina-aken kangge nuruti hawa nepsu utawi tumindak haram
Saestu, kita samesthinipun mbudidaya milih lampah cara sepisan, inggih ngupadi kanthi cara halal lan dipun gina-aken kangge nyekapi perkawis ingkang halal ugi.
Ma’asyiral muslimin rahimakumullah,
Ing satunggal hadits dipun riwayataken , bilih ing dinten kiamat mbenjang saben tiyang bakal dipun pundhuti tanggel jawab ing perkawis arta bandhanipu, saking pundi piyambakipun pikantuk bandha lan sampun dipun agem kangge menapa:
لَا تَزُولُ قَدَمَا عَبْدٍ يَوْمَ الْقِيَامَةِ حَتَّى يُسْأَلَ عَنْ عُمُرِهِ فِيمَا أَفْنَاهُ، وَعَنْ عِلْمِهِ فِيمَ فَعَلَ، وَعَنْ مَالِهِ مِنْ أَيْنَ اكْتَسَبَهُ وَفِيمَ أَنْفَقَهُ، وَعَنْ جِسْمِهِ فِيمَ أَبْلَاه
“Sikil sawijining kawula ora bakal mingset ing dina kiamat, sahingga dheweke ditakoni : perkara umur, wis entek kanggo ngapa, perkara ngelmu, wis ngamal tumindak apa; ing perkara bandha, saka ngendi dheweke deduwen lan diblanja-ake kanggo ngapa, lan perkara badan wadage, wis kanggo tumindak apa wae dguna-ake.” (HR. at-Tirmidzi, ad-Darimi, lan al-Baihaqi)
Allah paing nugraha rezeki tumrah sedaya kawulanipun ingkang purun mbudidaya. Rezeki ingkang Allah paringaken mboten namung ing papan tertemtu, nanging waradin ngebaki sa-ngalam ndonya. Kados pangendikanipun Allah ing al-Quran surat Al-Mulk ayat 15:
هُوَ الَّذِي جَعَلَ لَكُمُ الْأَرْضَ ذَلُولًا فَامْشُوا فِي مَنَاكِبِهَا وَكُلُوا مِنْ رِزْقِهِ ۖ وَإِلَيْهِ النُّشُورُ
“Panjenengane Allah kang wis ndadek-ake kanggo sira anane bumi supaya diambah, mangka padha tekanono ing sakabehing papan, lan panganen saperangan rejeki peparinge Allah. Lan mung ing ngersane Allah sira kabeh bakal dikumpulake (bali).”
Ma’asyiral muslimin rahimakumullah,
Perkawis ingkang saestu perlu dipun emut lan dipun yakini, inggih menika bilih saestunipun Allah sampun paring jaminan rejeki ing sedaya kawulanipun, lan babar pisan mboten bakal ‘kijolan’ utawi ‘salah alamat’.
وَمَا مِنْ دَاۤبَّةٍ فِى الْاَرْضِ اِلَّا عَلَى اللّٰهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا ۗ كُلٌّ فِيْ كِتٰبٍ مُّبِيْنٍ (هود: ٦)
“Lan ora ono sawiji wae titah kang lumaku ing bumi, kejaba kabeh iku dijamin rejekine dening Allah. Panjenengane priksa papann dununge lan papan simpenane. Kabeh iku katulis Kitab kang nyata (Lauh Mahfuzh)” (QS Hud: 6).
Perkawis menika saestu perlu dipun yakini, jalaran mboten sekedhik tiyang ingkang nganggep bilih tiyang sanes menika saget minangka pepalang tumrap rejekinipun tiyang sanes. Saumpami ing perkawis saingan dedagangan, nggayuh jabatan, utawi karir politik lansanes-sanesipun
Rasulullah shallallahu ‘alaihi wasallam paring dhawuh:
إِنَّ رُوْحَ الْقُدْسِ نَفَثَ فِي رُوْعِيْ أَنَّ نَفْسًا لَنْ تَمُوْتَ حَتَّى تَسْتَكْمِلَ رِزْقَهَا فَاتَّقُوْا اللهَ وَأَجْمِلُوْا فِي الطَّلَبِ (رواه الحاكم والبيهقي وأورده القضاعي في مسند الشهاب بلفظه)
“Satemene Jibril wis nggawa wahyu ing atiku, menawa sawijining pawongan ora bakal mati sahingga dheweke nampa rejekine kanthi sampurna, mangka paryoga sira padha laku marang Allah, lan ngupadi rejeki kanthi laku kang sae“ (HR al-Hakim, al-Baihaqi, lan dipun sebataken dening al-Qudha’i ing Musnad asy Syihab kanthi lafaz-ipun).
Saestunipun, ingkang paling wigatos nalika kita sampun nggadhahi arta bandha inggih menika kados pundi anggenipun nggina-aken kagem perkawis ingkang halal. Saperangan dipun agem nyekapi betahing gesang padintenan, saperangan malih dipun simpen minangka cadangan keperluan kulawarga utawi kagem warisan, lan ingkang langkung wigatos inggih menika dipun bllanja-aken minangka amal sholeh kagem sangu akhirat.
Mekaten khutbah ing siang menika, mugi saget dados pemut lan sarana kagem muhasabah ing akhir taun 2022 menika. Salajengipun mugi kta nggadhahi raos ‘optimisme’ ing taun 2023 mbenjang kangge langkung sregep lan grengseng nglampahi panggesangan ingkang tansah dipun lambari husnuzhan dhumateng Allah lan ‘etos kerja’ ingkang ageng kangge ngupadi rejeki saking Allah SWT.
أَقُوْلُ قَوْلِيْ هٰذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ
Khutbah II
الْحَمْدُ لِلّٰهِ رَبِّ الْعَالَمِيْنَ، وَبِهِ نَسْتَعِيْنُ عَلَى أُمُوْرِ الدُّنْيَا وَالدِّيْنِ،
أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمِّدًا عَبْدُهُ وَرَسُوْلُهُ،
اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ
أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ
إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا.
اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، وَبَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، فِي العَالَمِيْنَ إِنَّكَ حَمِيْدٌ مَجِيْدٌ،
اللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدُّعَاءِ.
اللَّهُمَّ إِنَّا نَسْأَلُكَ الْهُدَى وَالتُّقَى وَالعَفَافَ وَالغِنَى.
اَللَّهُمَّ أَصْلِحْ لَنَا دِيننَا اَلَّذِي هُوَ عِصْمَةُ أَمْرِنَا وَأَصْلِحْ لَنَا دُنْيَا نَا اَلَّتِي فِيهَا مَعَاشنَا وَأَصْلِحْ لَنَا آخِرَتَنَا اَلَّتِي إِلَيْهَا مَعَادنَا وَاجْعَلْ اَلْحَيَاةَ زِيَادَةً لَنَا فِي كُلِّ خَيْرٍ وَاجْعَلْ اَلْمَوْتَ رَاحَةً لَنَا مِنْ كُلِّ شَرٍّ.
رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ.
رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ.