Naskah Khutbah Jumat BAHASA JAWA Dewan Dakwah BantulEdisi 045/Tahun II/2022
Ingin mendapatkan materi Khutbah Jumat?
🟢 Group WhatsApp 4️⃣ : https://chat.whatsapp.com/HuyMTmy9wVn2vdG1HRQMSw
🔵 Naskah lengkap dari awal bisa dibuka di Channel Telegram : https://t.me/khutbah_DDII_Bantul
💻 Naskah lengkap dari awal : https://drive.google.com/drive/folders/11ZcffhlMqe-KdNXEshz1UUOhQ4Ik132l?usp=sharing
NGUPADI SATRIANING NEGARA
Dening : Ust. Rahmat Abdullah
Khutbah I
إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهْ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ.
أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ.
الَّلهُمَّ صَلِّ وَسَلِّمْ وَبَارِكْ عَلَى نَبِيِّنَا مُحَمَّدٍ وَعَلَى آلِهِ وَعَلَى خُلَفَائِهِ الرَّاشِدِيْنَ الْمَهْدِيِّيْنَ وَأَصْحَابِهِ أَجْمَعِيْنَ
أما بعد : فيَا أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ.
وَجَاهِدُوا فِي اللَّهِ حَقَّ جِهَادِهِ هُوَ اجْتَبَاكُمْ وَمَا جَعَلَ عَلَيْكُمْ فِي الدِّينِ مِنْ حَرَجٍ مِّلَّةَ أَبِيكُمْ إِبْرَاهِيمَ هُوَ سَمَّاكُمُ الْمُسْلِمينَ مِن قَبْلُ وَفِي هَذَا لِيَكُونَ الرَّسُولُ شَهِيداً عَلَيْكُمْ وَتَكُونُوا شُهَدَاء عَلَى النَّاسِ فَأَقِيمُوا الصَّلَاةَ وَآتُوا الزَّكَاةَ وَاعْتَصِمُوا بِاللَّهِ هُوَ مَوْلَاكُمْ فَنِعْمَ الْمَوْلَى وَنِعْمَ النَّصِيرُ
Ma’asyiral Muslimin rahimakumullah,
Gesang menika sarwa kebak ing godha lan rubeda, sahingga kita kedah mbudidaya amrih manggih wilujeng lan begja mulya. Wiwit saking ngupaya kacekapan panggesangan padintenan saben dhiri pribadhi, njejegaken lampah gesanging kulawarga,sarta nbangun masyarakat, bangsa lan negari.
Satunggaling gegayuhan utawi panjangka mboten badhe gampil ginayuh kados dene nemu barang tiban, nanging kedah dipun kupiya-aken kanthi ngetog daya karosan perjuangan lan pangorbanan ingkang ageng sanget. Kados pangendikanipun para winasis ‘jer basuki mawa beya”. Kanthi mekaten bakal ndadosaken setunggaling perkawis menika nggadhahi bobot ajinipun.
Negari kita menika tetep saged ngadeg ing kawontenan aman, tata titi tentrem dumugi wekdal menika jalaran wontenipun ‘perjuangan lan pangorbanan’ saking para pahlawan. Para pahlawan sampun paring piwucal ing bab wigatosipun ‘perjuangan, pangorbanan, ajining dhiri sarta kamulyaning gesang. Asmanipun para pahlawan karaos ngganda arum, lan saben-saben tiyang rumaos mongkog, marem, lan bombong awit sedaya wujud sumbang sih perjuangan, jiwa kaprawiran lan pangorbananipun.
Lampah temenipun ing salebeting perjuangan lan pangorbanan menika jumbuh kaliyan dhawuhing agami:
وَجَاهِدُوا فِي اللَّهِ حَقَّ جِهَادِهِ هُوَ اجْتَبَاكُمْ وَمَا جَعَلَ عَلَيْكُمْ فِي الدِّينِ مِنْ حَرَجٍ مِّلَّةَ أَبِيكُمْ إِبْرَاهِيمَ هُوَ سَمَّاكُمُ الْمُسْلِمينَ
“Lan sira nindakno jihad ing dedalane Allah kanthi jihad kang sabenere. Panjenengane Allah wis milih ing sira, lan ora bakal ndadek-ake ing sira sawijining agama ing kahanan sumpeg. (Midherek-o) agama leluhur-ira (nabi) Ibrahim. Panjenengane (Allah) wis paring tetenger ing sira minangka wong muslim saka jaman biyen,” (Qs. Al Hajj: 78).
Kita ing alam kamardikan lan dunia modern ingkang sinebat era globalisasi menika saget marisi piwucal luhur saking para pahlawan, kapencdhet minangka piandel kangge nggayuh panjangkaning bangsa. Jalaran ing saben jaman bakal ngadhepi ‘tantangan’ ingkang wujudipun benten nanging agenging bebaya mboten langkung asor kabandhing ing jaman perang kamardikan.
Ma’asyiral Muslimin rahimakumullah,
Sambotenipun wonten tiga (3) piwucal luhur igkang dipun warisaken dening para pahlawan tumrap kita sedaya, inggih menika:
Sepisan, teguh ngugemi piwucal minangka piandel (istiqomah). Para pahlawan kita menika nampi kanugrahan penggalih ingkang teguh, kiyat, sahingga tansah istiqamah salebeting berjuang lan mboten gampil kagodha dening pambujuking penjajah. Bab menika selaras kaliyan pengendikanipun Allah:
فَاسْتَقِمْ كَمَا أُمِرْتَ وَمَن تَابَ مَعَكَ وَلَا تَطْغَوْا ۚ إِنَّهُ بِمَا تَعْمَلُونَ بَصِيرٌ
“Mangka tetepo siro lumaku ing dlan kang bener, koyo dene wis kadhawuhake marang siro lan ugo wong kang wis mertobat bebarengan ing siro lan siro ojo ngliwati bates. Sak temene panjenengane Allah moho prikso ing opo kang siro tindakake.“ (QS Hud: 112).
Sepinten kathahipun tiyang ingkang awalipun katon minangka pejuang ingkang kebak patuladhan lan kados mboten wonten ingkang nandingi. Nanging lumampah owah gingsiring wekdal “idealisme”-nipun wiwit luntur lan piyambakipun dados perkawis ingkan dhamel ruwetipun bangsa. Mboten minangka solusi ananging malah nuwuhaken polusi
Tiyang-tiyang naliko njabat, nggadhahi kelenggahan engkang penting dan kinormat , jebul malih dados pengkhianat. Na’udzubillahi min dzalik.
Minangka setunggaling ikhtiyar batin, kito perlu kathah ndonga engkang masyhur lan kaserat ing Al Qur’an Surat Ali Imran ayat 8:
رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً ۚ إِنَّكَ أَنتَ ٱلْوَهَّابُ
“Duh Gusti Allah , mugi paduko mboten ndadosaken ing ati kulo kapilut dumatrng lampah sasar saksampunipun paduko paring pitedhah ing kulo. Lan mugi maringono nugrohon, rohmat ing kulo saking paduko, saestu paduko dzat ingkeng moho paring nugroho.”
Ma’asyiral Muslimin rahimakumullah,
Kaping kalih, watak kaprawiran. Ing jaman rumiyin, ingkang ndamel ajrih poro penjajah inggih meniko watak kaprawiranipun poro pejuang ing saklebetipun perang. Senajan namung kanthi gaman bambo runcing lan senjoto tradisional, dene poro penjajah nggina-aken senjoto modern, meriam lan tank, nanging poro pejuang mboten ajrih utami mundur senajan namung sak langkah. Watak kaprawiran meniko kedah saget kito warisi ing salebetinpun njagi lan ngisi kamardhikan menika kanthi lampah optimis lan wantun ngadhepi tantangan masa depan kanthi nggadhahi jiwa ingkang kiyat.
Allah ngendika ing QS Ali ‘Imran ayat 139:
وَلَا تَهِنُوا وَلَا تَحْزَنُوا وَأَنتُمُ الْأَعْلَوْنَ إِن كُنتُم مُّؤْمِنِينَ
“Siro ojo nduweni watak ringkih (jirih) lan ojo sedih kamangka siro iku dadi wong kang luhur derajat kalungguhanne menowo siro minangko wong kang iman.”
Negeri meniko mbetahaken barisan pejuang ingkang nggadhahi jiwo kaprawiran , tangguh lan kiyat tekatipun. Sanest jinis tiyang ingkang jirih , ringkih lan khianat. Kanthi mekaten betah watak ingkang mboten ajrih dhateng resiko sakit, panandang utawi beboyo pati.
Ma’asyiral Muslimin rahimakumullah,
Kaping tiga, inggih sabar kagem nggayuh panjangka. Kita mangertos bilih poro pahlawan anggenipun berjuang mbote namung etangan setunggal utawi kalih dinten. Poro pejuang sakcoro sambung sinambug (estafet) nglampahi perjuangan atusan tahun sangking generasi setunggal lan candhakipun. Mboten wonten raos nglokro utawi pedhot ing pangajeng-ngajeng kangge nggayuh kamardikan. Sabar ateges raos kiyat kangge nanggung awratipun panandang lan tetep mbudidaya nindakaken kesaenan mboten mendel utawi pasrah.
Piwucal kesabaran meniko sanget perlu dipun terapaken ing saklebeting perjuangan ngisi kamardikan. Wiwit sabar tumrap poro putra anggenipun sinau ing pendidikan, sabar naliko nyambut damel tumrap poro tiyang sepuh lan sabar ngadhepi sak wernaning tantangan perubahan jaman tumrap sedaya unsur masyarakat.
Kesabaran meniko persasat obat utawi jamu. Pait raosipun naliko ngicipi nanging akhiripun badhe karaos manis. Paitipun obat karaos naliko ing ilat nanging khasiyatipun badhe manis nyebar manfangati sak kojur badan. Mekaten ugi sifat sabar, badhe kraos pait ing awalipun, nanging bakal kraos manis ing akhir. Saestu bejo tiyang-tiyang ingkang saget nahan diri sangking godhaning howo nepsu lan sabar ing saben tindak lampahipun.
Sabar dados salah satunggaling perkawis kangge nggayuh panjongko ,Allah ngendiko :
يَا أَيُّهَا الَّذِينَ آمَنُواْ اصْبِرُواْ وَصَابِرُواْ وَرَابِطُواْ وَاتَّقُواْ اللّهَ لَعَلَّكُمْ تُفْلِحُونَ ﴿٢٠٠﴾
“He wong kang iman, sira padha lakuo sabar lan kuwatno sabar-iro lan tetepo siap sumadiyo lan takwao siro marang Allah, amrih siro antuk kabejan.” (Qs. Ali ‘Imran: 200) Menawi kito saget nglenggahi jejering pribadi ingkang sabar Allah bakal nesrani ing kito kadosdene pangendikanipun :
وَاللّٰهُ يُحِبُّ الصّٰبِرِيْن
“Lan Allah nresnani marang wong-wong kang sabar.” (QS Ali Imran: 146)
Lampah teguh, prawiro lan sabar meniko saget kita tuladha minangka piwucal saking para pahlawan. Bangsa kita tansah ngantu-antu lairipun para putra wiranem ingkang bakal mimpin lan lumebet kompetisi dunia global soho mapag ngadhepi masa depan.
Namung tiyang ingkang nggadhahi jiwa kaprawiran kepahlawanan ingkang bakal saget mbekta majengipun bangsa menika, lajeng bakal jumeneng minangka ‘pemenang’.
Sumangga kita sami nyiapaken sedaya rekadaya kira kangge caos sumbangsih tumrap bangsa lan negari kita minangka wujud pangejawantahan gesangipun tiyang muslim. Mugi kita saget nindakaken kanthi sae. A-miin
أَقُوْلُ هَذَا القَوْلَ وَأَسْتَغْفِرُ اللهَ لِيْ وَلَكُمْ وَلِسَائِرِ المُسْلِمِيْنَ مِنْ كُلِّ ذَنْبٍ فَاسْتَغْفِرُوْهُ يَغْفِرْ لَكُمْ إِنَّهُ هُوَ الغَفُوْرُ الرَحِيْمُ
\Khutbah II
الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ
لَقَدْ جَاءَتْ رُسُلُ رَبِّنَا بِالْحَقِّ وَنُودُوا أَنْ تِلْكُمُ الْجَنَّةُ أُورِثْتُمُوهَا بِمَا كُنْتُمْ تَعْمَلُونَ
أَشْهَدُ أَن لاَّ إِلَهَ إِلاَّ الله وَحْدَهُ لَا شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ صَلَّى اللهُ عَلَيْهِ وَعَلَى آلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنَ
يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
الَّلهُمَّ صَلِّ وَسَلِّمْ وَبَارِكْ عَلَى نَبِيِّنَا مُحَمَّدٍ وَعَلَى آلِهِ وَعَلَى خُلَفَائِهِ الرَّاشِدِيْنَ الْمَهْدِيِّيْنَ وَأَصْحَابِهِ أَجْمَعِيْنَ وَمَنْ سَارَ عَلَى نَهْجِهِمْ وَطَرِيْقَتِهِمْ إِلَى يَوْمِ الدِّيْنِ.
اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ
اَللَّهُمَّ رَبَّنَا اغْفِرْ لَنَا ذُنُوبَنَا وَإِسْرَافَنَا فِي أَمْرِنَا وَثَبِّتْ أَقْدَامَنَا وَانْصُرْنَا عَلَى الْقَوْمِ الْكَافِرِينَ
اَلَّلهُمَّ أَصْلِحْ لَنَا دِيْنَنَا الَّذِي هُوَ عِصْمَةُ أَمْرِنَا وَ أَصْلِحْ لَناَ دُنْيَانَا الَّتِي فِيْهَا مَعَاشُنَا وَأَصْلِحْ لَنَا آخِرَتَنَا الَّتِي فِيْهَا مَعَادُنَا وَاجْعَلِ الْحَيَاةَ زِيَادَةً لَنَا فِي كُلِّ خَيْرٍ وَاجْعَلِ الْمَوْتَ رَاحَةً لَنَا مِنْ كُلِّ شَرٍّ.
رَبَّنَا لاَ تُؤَاخِذْنَآإِن نَّسِينَآ أَوْ أَخْطَأْنَا رَبَّنَا وَلاَ تَحْمِلْ عَلَيْنَآإِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَالاَطَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ.
والحمد لله رب العالمين