Naskah Khutbah Jumat BAHASA JAWA Dewan Dakwah BantulEdisi 039/Tahun II/2022
Ingin mendapatkan materi Khutbah Jumat?
🟢 Group WhatsApp 1️⃣
https://chat.whatsapp.com/GYrsFLncgFdBP0NyCIGYe2
🟢 Group WhatsApp 4️⃣ : https://chat.whatsapp.com/HuyMTmy9wVn2vdG1HRQMSw
🔵 Naskah lengkap dari awal bisa dibuka di Channel Telegram : https://t.me/khutbah_DDII_Bantul
💻 Naskah lengkap dari awal : https://drive.google.com/drive/folders/11ZcffhlMqe-KdNXEshz1UUOhQ4Ik132l?usp=sharing
NGUPADI URIP KANG BAROKAH
Dening : Ust. Abdul Hakim Lc
Khutbah I
إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهُ، وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ. أَشْهَدُ أَنَّ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ
اَللَّهُمَّ صَلِّ وَسَلِّمْ عَلَى نَبِيِّنَا وَرَسُوْلِنَا مُحَمَّدٍ صَلَّى ا للهُ عَلَيْهِ وَسَلَّمَ وَعَلَى آلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ
فَيَا عِبَادَ اللهِ، اُوْصِيْكُمْ وَاَيَّايَ بِتَقْوَى اللهِ وَطَاعَتِهِ لَعَلَّكُمْ تُفْلِحُوْنَ. يَا أَيُّهَا الَّذِينَ آَمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
يَا أَيُّهَا الَّذِينَ آَمَنُوا اتَّقُوا اللَّهَ وَقُولُوا قَوْلًا سَدِيدًا ، يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا
Ma’asyiral Muslimin rahimakumullah.
Alhamdulillahi rabbil ‘alamin, puji syukur sumangga tansah kita konjuk-aken dhumateng Allah SWT ingkang sampun paring kathah nugraha kanikmatan, sahingga saat menika kita taksih pianringan kesarasan lan umur panjang; mekaten ugi saget nindaki ibadah shalat Jumat ing masjid ingkang mulya menika. Mugi kanthi raos sykur menika, Allah ta’ala kepareng badhe paring tambahing nugraha ing kita sedaya. Amiin.
Shalawat lan salam mugi katur dhumateng Rasulullah Muhammad SAW lumeber tumrap kulawarga, para sahabat sarta sedaya umat ingkang tansah setya mituhu ndereki piwucal sunnahipun dumugi ing akhir zaman.
Salajengipun, keparenga kawula minangka khatib ngajak dhumateng sedaya jamaah, linangkung tumrap dhiri pribadi kula piyambak, sumangga kita sesarengan tansah mbudidaya nambah raos iman lan takwa dhumateng Allah, inggih kanthi nindak-aken dhawuh saha nilar ingkang dados awisanipun.
Ma’asyiral Muslimin rahimakumullah.
Saestunipun perkawis ingkang langkung wigatos ing salebeting gesang ita menuka inggih ingkang dipun sebat “barokah”. Jalaran, gesang ingkang mboten mangggihaken barokah saestu namungkados dene panggesangan ingkang semu. Senadyan arta bandha ‘ngglarah’, griya ingkang megah, kendaraan sarwa mewah, nanging sedaya menika mboten wonten maknanipun yen tanpa barokah.
Menapa to berkah menika ?
Selaras kaliyan asal tembungipun, berkah saking basa Arab “al-Barakatu” ingkang tegesipun: tuwuh, tambah, lan tikel ngrembaka lan tansaya matambah-tambah.
Para ulama njelasaken bilih ingkang dipun maksud berkah inggih menika ziyadatul khair; tansaya tambahipun kesaenan. Pramila ingkang sanget perlu dados kawigatosan inggih menika menapa ingkang kita tindakaken ing saben pakaryan badhe manggihaken kaberkahan? Menapa kita badhe saget pikantuk kesaenan ingkang sipat kadonyan, utawi ingkang langkung agung malih inggih kesaenan akhirat?
Kaberkahan saestu mujudaken perkawis ingkang perlu dipun tengenaken (prioritas) tumrap tiyang iman. Pramaila kita saget priksa, kados pundi Rasulullah SAW paring piwucal ing sedaya perkawisipun amrih tansah sinarta kaberkahan.
Nalika sesami muslim pinanggih, saling ngucapkaen salam, ingkang ngemu suraos kaberkahan :
ٱلسَّلَامُ عَلَيْكُمْ وَرَحْمَةُ ٱللَّٰهِ وَبَرَكَاتُهُ
“Mugi kawilujengan dipun tetepaken tumrap panjenengan, sinartan rahmat Allah lan barokahipun-Allah”
Mekaten ugi nalika dhahar lan ngunjuk, nikah, nampi nugraha putra, lan sanes-sanesipun.. sedaya dipun donga-aken amrih nampi barokah.
Ma’asyiral Muslimin rahimakumullah.
Kaberkahan samesthinipun tansah nyawiji ing saben tumindakipun tiyang iman, jalaran minangka perkawis ingkang kedah dipun padosi lan dipun gayuh. Menawi kita saget nggayih satunggaling perkawis, nanging tanpa dipun sartani kaberkahan, pramila menika namung badhe nambahi tebih saking Allah ta’ala.
Pramila, pertandha yen satunggaling tiyang sampun kecalan kaberkahan ing gesangipun inggih mennika : gesang kadonyanipun tambah, nanging mboten tambah caketipun dhumateng Allah. Saumpami wonten tiyang sugih arta bandha, nanging nggadhahi watak cethil, wonten tiyang ingkang sukses (misuwur) nanging justru tambah ‘umuk’ adigang-adigung, tansaya caket kadonyanipun – nanging tansaya tebih akhiratipun. Menika-lah pertandha tiyang ingkang kecalan kaberkahan ing salebeting gesang
مَنِ ازْدَادَ عِلمًا وَلَمْ يَزْدَدْ هُدىً لَمْ يَزْدَدْ مِنَ اللهِ إِلّا بُعْدًا
“Sapa wong kang tambah ilmune nanging ora tambah pituduh (iman), yekti dheweke tansaya tambah adoh saka ngersane Gusti Allah”
Sahingga menawi nggadhahi ilmu ingkang tansaya tambah, naming malah tansaya tebih dhumateng Allah, pramila menika dados pertandha ilmu ingkang mboten barokah
Dene kaberkahan ing gesang menika kathah wujudipun. Saget ingkang kanthi wujud raga, arta bandha, wekdal (umur), kulawarga lan keturunan, lan ngelmu. Kaberkahan ing gesang saestu minangka nugrahaning Ilahi, pramila mboten saget dipun etang kanthi ukuran alat lan matematika ingkang saget dipun tingali kathah utawi sekedhik.
Yen Allah shubhanahu wata’ala sampun paring berkah ing umur, pramila gesangipun badhe tansah dipun lampahi kanthi ketaatan lan ngraosaken manfaat saking amal saleh ipun ingkang sipatipun langgeng tanpa pedhot, sahingga kados dene gesang atusan taun.
Ma’asyiral Muslimin rahimakumullah.
Kados pundi lampahipun nggayih kaberkahan ing gesang ?
Sepisan, takwa dhumateng Allah Ta’ala.
Takwa mujudaken cara ingkang paling sae kagem nggayuh kaberkahan gesang, lan Allah sampun paring satunggaling janji badhe paring kaberkahan dhumateng tiyang takwa ing piyambakipun , kulawarga lan malah dumugi negari ing papan piyambakipun dumunung. Allah Ta’ala ngendika:
وَلَوۡ أَنَّ أَهۡلَ ٱلۡقُرَىٰٓ ءَامَنُواْ وَٱتَّقَوۡاْ لَفَتَحۡنَا عَلَيۡهِم بَرَكَٰتٖ مِّنَ ٱلسَّمَآءِ وَٱلۡأَرۡضِ وَلَٰكِن كَذَّبُواْ فَأَخَذۡنَٰهُم بِمَا كَانُواْ يَكۡسِبُونَ
“Saumpama penduduk negeri-negeri iman lan takwa, yekti ingsun Allah bakal paring tumrap dheweke akeh barokah saka langit lan bumi, naming yen dheweke padha selak (maido) (ayat-ayat Ingsun) iku, mangka Ingsun bakal nyiksa ing dheweke jalaran saka tumindake.” (QS. Al-A’raf: 96)
Ayat menika njelasaken bilih sebab tumurunipun berkah saking Allah inggih kanthi lampah takwa; inggihj taat ing dhawuhipun Allah lan mituhu ing panjenenganipun ing sedaya perkawis, lan sebab tumurunipun azab inggih jalaran lampah maksiat lan duraka.
Kita perlu emut, bilih kaberkahan menika tumurunipun saking Allah, lan cara nggayuhipun kanthi mituhu ing dhawuh-ipun.
Ma’asyiral Muslimin rahimakumullah.
Kaping kalih, nyinau al-Quran lan tadabbur (mendhet) piwucalipun.
Al-Quran minangka sumber kaberkahan gesang umat manungsa, Allah sampun ndadosaken pitedah kangge nggayuh karaharjan ndonya lan akhirat. Allah Ta’ala paring dhawuh:
وَهَٰذَا كِتَٰبٌ أَنزَلۡنَٰهُ مُبَارَكٞ فَٱتَّبِعُوهُ وَٱتَّقُواْ لَعَلَّكُمۡ تُرۡحَمُونَ
“Lan Al-Quran iku minangka kitab kang Ingsun tumurunake kang diberkati, mangka padha midherek-a ing al Qur’an, lan supaya padha laku takwa amrih sira nampa rahmat.” (QS. Al-An’am: 155)
Ing ayat sanesipun Allah Ta’ala ngendika:
كِتَٰبٌ أَنزَلۡنَٰهُ إِلَيۡكَ مُبَٰرَكٞ لِّيَدَّبَّرُوٓاْ ءَايَٰتِهِۦ وَلِيَتَذَكَّرَ أُوْلُواْ ٱلۡأَلۡبَٰبِ
“Iki sawijining kitab kang Ingsun Allah tumurunake marang sira, kebak ing berkah supaya wong-wong padha nggatek-ake ing ayat-ayate, lan supaya padha antuk piwulang wong kang padha nduweni nalar.” (QS. Shad: 29)
Syaikh Abdurrahman as-Sa’di njelas-aken perkawis ayat menika ing tafsiripun, bilih kaberkahan ingkang miangka sipatipun al-Quran nedahaken yen ing salebetipun al-Qur’an menika “ngandhut” kathah ing kesaenan; ilmu ingkang jembar, pitedah saking lampah sasar, miangka tamba (obat) saking penyakit, pepadhang ing ‘mberat’ pepeteng, pramila kanthi nyinau (tadabbur) ing piwucalipun kita sedaya bakal pikantuk kaberkahanipun.
Ma’asyiral Muslimin rahimakumullah.
Kaping tiga, ndonga nyuwun kaberkahan.
Amrih kita saget nggayuh kaberkahan inggih menika nyenyuwun kanthi donga dhumateng Allah Ta’ala, saget kanthi ndonga piyambak utawi nyuwun pitulung donga sakeing pyayi sanes ingkang sholeh.
Kados dene ingkang dipun tindak-aken dening Ummu Sulaim, ibu saking sahabat Anas bin Malik radhiyallahu ‘anhu. Nalika Anas umur 10 taun, lan Kanjeng Nabi Muhammad shalallahu ‘alaihi wa salam nembe rawuh ing Madinah, pramila piyambakipun mbekta si-Anas menika sowan dhumateng kanjeng Nabil an nyuwun amrih dipun donga-aken. Pramila kanjeng Nabi shalallahu ‘alaihi wa salam ndonga:
اللَّهُمَّ بَارك فِي مَاله ووَلَده، وأطل عمره، واغفر ذَنبه
“Ya Allah, mugi Paduka paring berkah arta bandha lan putranipun, dipun paring panjang umur lan dipun apunten dosanipun.”
Rasulullah SAW sampun paring tuntunan ing kita amrih tansah ndedonga nyuwun kaberkahan dhumateng Allah ing sedaya amal tumindak kita. Kanthi kaberkahan menika gesang kita badhe karaos langkung endah, nikmat lan kebah ing kesaenan.
Mekaten khutbah ing siang menika mugi manfaat. Amiin
بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ قَوْلِيْ هَذَا وَأَسْتَغْفِرُ اللهَ لِيْ وَلَكُمْ وَلِسَائِرِ الْمُسْلِمِيْنَ مِنْ كُلِّ ذَنْبٍ فَاسْتَغْفِرُوْهُ إِنَّهُ هُوَ الْغَفُوْرُ الرَّحِيْمُ
Khutbah II
اَلْحَمْدُ لِلَّهِ الَّذِيْ أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَكَفَى بِاللَّهِ شَهِيداً. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمِّدًا عَبْدُهُ وَرَسُوْلُهُ. اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الْقِيَامَةِ
أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ
إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، وَبَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، فِي العَالَمِيْنَ إِنَّكَ حَمِيْدٌ مَجِيْدٌ، وَارْضَ اللَّهُمَّ عَنْ خُلَفَائِهِ الرَّاشِدِيْنَ، وَعَنْ أَزْوَاجِهِ أُمَّهَاتِ المُؤْمِنِيْنَ، وَعَنْ سَائِرِ الصَّحَابَةِ أَجْمَعِيْنَ، وَعَنْ المُؤْمِنِيْنَ وَالمُؤْمِنَاتِ إِلَى يَوْمِ الدِّيْنِ، وَعَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ.
اللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدُّعَاءِ.
اللَّهُمَّ إِنَّا نَسْأَلُكَ الْهُدَى وَالتُّقَى وَالعَفَافَ وَالغِنَى.
اَللَّهُمَّ أَصْلِحْ لَنَا دِيننَا اَلَّذِي هُوَ عِصْمَةُ أَمْرِنَا وَأَصْلِحْ لَنَا دُنْيَا نَا اَلَّتِي فِيهَا مَعَاشنَا وَأَصْلِحْ لَنَا آخِرَتَنَا اَلَّتِي إِلَيْهَا مَعَادنَا وَاجْعَلْ اَلْحَيَاةَ زِيَادَةً لَنَا فِي كُلِّ خَيْرٍ وَاجْعَلْ اَلْمَوْتَ رَاحَةً لَنَا مِنْ كُلِّ شَرٍّ.
رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ.
رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ.