Naskah Khutbah Jumat BAHASA JAWA Dewan Dakwah BantulEdisi 049/Tahun II/2022
Ingin mendapatkan materi Khutbah Jumat?
🟢 Group WhatsApp 4️⃣ : https://chat.whatsapp.com/HuyMTmy9wVn2vdG1HRQMSw
🔵 Naskah lengkap dari awal bisa dibuka di Channel Telegram : https://t.me/khutbah_DDII_Bantul
💻 Naskah lengkap dari awal : https://drive.google.com/drive/folders/11ZcffhlMqe-KdNXEshz1UUOhQ4Ik132l?usp=sharing
OJO DURAKA MARANG BAPA BIYUNGMU !
dening: Ust Fahmi Nurudin
Khutbah I
الحَمْدُ لِلّٰهِ الْمَلِكِ الدَّيَّانِ، وَالصَّلَاةُ وَالسَّلَامُ عَلَى مُحَمَّدٍ سَيِّدِ وَلَدِ عَدْنَانَ، وَعَلَى آلِهِ وَصَحْبِهِ وَتَابِعِيْهِ عَلَى مَرِّ الزَّمَانِ
وَأَشْهَدُ أَنْ لَّا إِلهَ إِلَّا اللهُ وَحْدَهُ لَا شَرِيْكَ لَهُ الْمُنَـزَّهُ عَنِ الْجِسْمِيَّةِ وَالْجِهَةِ وَالزَّمَانِ وَالْمَكَانِ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الَّذِيْ كَانَ خُلُقَهُ الْقُرْآنُ
أَمَّا بَعْدُ، عِبَادَ الرَّحْمٰنِ، فَإنِّي أُوْصِيْكُمْ وَنَفْسِي بِتَقْوَى اللهِ المَنَّانِ، الْقَائِلِ فِي كِتَابِهِ الْقُرْآنِ:
وَقَضٰى رَبُّكَ اَلَّا تَعْبُدُوْٓا اِلَّآ اِيَّاهُ وَبِالْوَالِدَيْنِ اِحْسٰنًاۗ اِمَّا يَبْلُغَنَّ عِنْدَكَ الْكِبَرَ اَحَدُهُمَآ اَوْ كِلٰهُمَا فَلَا تَقُلْ لَّهُمَآ اُفٍّ وَّلَا تَنْهَرْهُمَا وَقُلْ لَّهُمَا قَوْلًا كَرِيْمًا وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُلْ رَّبِّ ارْحَمْهُمَا كَمَا رَبَّيٰنِيْ صَغِيْرًاۗ
Ma’asyiral Muslimin rahimakumullah,
Kuwajiban ingkang paling ageng sasampunipun nindak-aken wajibipun dhumateng Allah Subhanahu wa Ta’ala lan Rasululllah Shalallahu Alaihi Wassalam inggih menika nyampurna-aken hak kuwajiban dhumateng tyang sepuh, inggih bapak lan ibu kita. Perkawis menikadipun dhawuhaken dening Allah ing Al-Qur’an :
وَاعْبُدُوا اللهَ وَلاَتُشْرِكُوا بِهِ شَيْئًا وَبِالْوَالِدَيْنِ إِحْسَانًا
“Sembahen Gusti allah lan sira ojo nyakuto-ake Panjenengane kelawan apa wae; lan sira tumindaka kabecikan marang wong tuwa sakeloronira.” (An-Nisa’: 36)
Ing ayat sanes, Allah ngendika,
وَوَصَّيْنَا اْلإِنسَانَ بِوَالِدَيْهِ إِحْسَانًا حَمَلَتْهُ أُمُّهُ كُرْهًا وَوَضَعَتْهُ كُرْهًا
“Ingsun paring dhawuh ing manungsa supaya tumindak becik (ngabekti) marang wong tuwane, ibune wis ngandhut ing dheweke kanthi rekasa (abot), lan nglairake uga kanthi rekasa (abot).” (Al-Ahqaf: 15)
Ma’asyiral Muslimin rahimakumullah,,
Ing ayat menika, Allah Subhanahu wa Ta’ala paring piwucal bilih mekaten ageng wigatosipun ngabekti dhumateng tiyang sepuh (bapa biyung) – kanthi dipun jlentreh-aken ing kados pundi pangurbanan utawi labih labetipun tiyang sepuh, khususipun ibu tumrap putranipun.
Pramila sampun samesthinipun tumrap satunggaling putra kangge ngabekti dhumateng tiyang sepuh, jalaran agengipun lelabuh lan pangurbanan ingkang mboten winates. Minangka putra kedah saget ngabekti, lan sampun ngantos ndamel sakit ing penggalihipun tiyang sepuh.
Ing saweneh hadis dipun sebataken, nalika wonten satunggaling sahabat nyuwun priksa dhumateng kanjeng Nabi Muhammad Shalallahu Alaihi Wassalam ing perkawis amalan ingkang paling dipun tresnani dening Allah, Pramila kanjeng Nabi ngendika,
الصَّلَاةُ عَلَى وَقْتِهَا، ثُمَّ بِرُّ الْوَالِدَيْنِ، ثُمَّ الْجِهَادُ فِي سَبِيلِ اللهِ
“Salat ing wektune, banjur ngabekti ing wong tua sakeloron, banjur jihad ing dedalane Allah.”(HR. Muslim)
Ketingal cetha ing hadis menika perkawis wigatosipun ngabekti dhumateng tiyang sepuh, sahingga kanjeng Nabi Shalallahu Alaihi Wassalam ngantos amalan menika dipun sebat langkung rumiyin tinimbang jihad fi sabilillah.
Ma’asyiral Muslimin rahimakumullah,,
Para ulama ngendika bilih menawi salah satunggal saking tiyang sepuh ndahwuhaken ing putranipun saperlu tumindak ing perkawis mubah, utawi sewalikipun amrih nilaraken; dipun sunataken dhumateng para putranipun supados midherek ing kersanipun menika. Nanging menawi penggalihipun bapa biyung lajeng nandhang sedih, wirang utawi shock yen putranipun wanton nglawan (nglanggar), pramila ing wekdal kasebat saget dados wajib kagem mindherek tiyang sepiih ing perkawis ingkang mubah menika.
Rasulullah shallallahu ‘alaihi wasallam paring pemut:
رِضَا اللهِ فِيْ رِضَا الْوَالِدَيْنِ وَسَخَطُهُ فِيْ سَخَطِهِمَا
“Ridla Allah gumantung ing ridla-ne wong tuwa sakeloron, lan bebendune allah gumantung ing bebendune wog tuwa sakeloron” (HR al-Hakim, ath Thabarani lan al-Baihaqi ing Syu’ab al-Iman).
Agungipun kautaman ngabekti dhumateng tiyang sepuh menika dipun isyarat-aken kanthi dhawuhipun Allah ingkang nyandhingaken antawisipun hak Allah kaliyan hak tiyang sepuh.
Allah Subhanahu wa Ta’ala paring dhawuh,
﴿وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا﴾
“Lan Allah wis paring dhawuh amrih sira ojo nyembah saliyane panjenengane Allah, lan amrih sira tumindak becik(ngabekti) marang ibu bapakmu kanthi sabecik-becike.” (QS. Al-Isra’: 23)
Ma’asyiral Muslimin rahimakumullah,,
Pancen wonten kathah saking para tiyang sepuh ingkang mboten kepengin ndamel repot ing putra-putranipun, pingin saget mendiri. Nanging kita kedah emut bilih wonten Sebagian saking para tiyang sepih menika ingkang saestu sampun ringkih, sanget betah kawigatosan, lan pangayoman kita, linangkung malih menawi sampun wiwit pikun, jompo. Ing saat ingkang mekaten kita kedah cancut tali wanda tumandang damel minangka wujud ngabekti dhumateng tiyang sepuh.
Menawi tiyang sepuh sampun dumugi usia lanjut lan ing salebeting kahanan ingkang saestu ringkih, Allah paring dhawuh :
﴿إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا﴾
“Menawa salah sawiji ing antarane kekarone, utawa sakelorone nganti tumeka ing umur dawa ing sajroning pangrumatira, mangka ojo pisan-pisan sira ngucap kanthi ucapan “ah” lan sira ojo nyentak ing wong tuwa mau, lan ucapno marang wong tuwa ucapan kang mulya (luhur)” (QS. Al-Isra’: 23)
Sampun ngantos kita lena nelantaraken toiyang sepuh kita dipun rumat dening tiyang sanes, kit akedah emut bilih tiyang sepuh menika saget dados “pintu suwarga” tumrap kita. Pramila, menapa to malah badhe kita paringaken dhumateng tiyang sanes?
Ma’asyiral Muslimin rahimakumullah,
Para ulama ngendika bilih kalimat أُفٍّ (‘ah’) minangka ucapan ingkang paling entheng (gampil) dipun ucapkaen ing bahasa Arab, ingkang nedahaken raos wegah, jengkel utawi mangkel; lan mboten wonten tetembungan sanes ingkang langkung entheng tibnimbang menika.
Tegesipun, nalikanipun wonten tiyang ngrumat tiyang sepuhipun lan ngalami kahanan ingkang mboten ngremenaken jalaran solah bawa toyang sepuhipun, Pramila sampun ngantos ngetingalaken raos wegah, jengkel lan mangkel ing piyambakipun.
Linangkung malih, sampun ngantos putra menika kumowantun mbentak ing tiyang sepuh. Nanging prayoginipun ngucap kanthi ucapan ingkang sae, lembah manah, kebak ing raos kurmat.
Allah Subhanahu wa Ta’ala ngendika :
﴿وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا﴾
“Lan asorno dhirimu tumrap dheweke sakeloron, kanthi kebak rasa welas asih, lan ucapno: Dhuh Gusti Allah, mugi paduka paring kawelasan ing kekalihipun, kadosdene tiyang sepuh kula menika asih tresna ing kula nalika tasih alit.” (Qs. Al Isra: 24)
Ma’asyiral Muslimin rahimakumullah,,
Ngabekti dhumateng tiyang sepuh minangka amalan agung ingkang sanget dipun tresnani dening Allah. Pramila tumindak duraka (kumowantun, daksiyo) dhumateng tiyang sepuh ugi minangka dosa ingkang sanget ageng – ingkang sanget dipun bendu dening Allah. Kanjeng Nabi Muhammad Shalallahu Alaihi Wassalam ngendika,
أَلاَ أُخْبِرُكُمْ بِأَكْبَرِ الكَبَائِر؟ قَالُوا: بَلَى يَا رَسُولَ اللَّهِ، قَالَ: الإِشْرَاكُ بِاللَّهِ، وَعُقُوقُ الوَالِدَيْنِ
“Apa gelem ingsun jarwani ing sira anane dosa kang paling gedhe?” Para sahabat matur, ‘Kasinggihan nggih Rasulullah’. Nabi ngendika, ‘Tumindak syirik marang Allah lan duraka marang wong tuwa sakelorone.”(HR. Bukhari)
Akhir wekdal kapengker kita mbokmenawi miring kabar wontenipun kasus tiyang ingkang sampun dipun damel wuta “penggalihipun” kanthi wentala mejahi ing tiyang sepuh lan sedherekipun piyambak. Bab menika saestu nedahaken satunggaling putra ingkang sanget duraka ! Agami Islam sampun njlentrehaken, bilih sekedar kanthi ucapan “ah” kemawon sampun minangka tumindak duraka, menapa malih ngantos ‘moro tangan’ ndamel sakit badan wadag, linangkung ngantos dumugi mejahi! Na’udzu billahi min dzalik…
Sinten kemawon ingkang sampun tumindak duraka dhumateng tiyang sepuhipun, mangka piyambakipun sampun mbukak lawanging neraka jahanam kanthi sak amba-ambanipun. Pramila, sampun ngantos kita tumindak ndamel sakit ing manah tiyang sepuh kita kanthi tumindak menapa kemawon.
Ma’asyiral Muslimin rahimakumullah,,
Peparing lan pangorbanan tiyang sepuh kita saestu agung sanget, lan kita mboten bakal saget nebus kanthi arta bandha pinten mawon kathahipun; senadyan kita nyambut damel kanthi sengkut lan nelaskaen sedaya wekdal lan umur gesang kita. Pramila caranipun caos piwales, mboten wonten sanes kanthi ngabekti lan ngrumat kanthi ingkang rekadaya ingkang paling sae ingkang saget kita tindakaken.
Malah, senadyan tiyang sepuh kekalih benten keyakinan (agamai) sarta ndhawuhaken ing perkawis awon utawi dosa ageng ngantos nyakuto-aken Allah, Pramila agami dhawuhaken amrih kita mboten midherek kersanipun tiyang sepuh; nanging kedah tetep nyrawungi lan tumindak kesaenan salebeting perkawis kadonyan
وَإِن جَاهَدَاكَ عَلى أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا وَصَاحِبْهُمَا فِي الدُّنْيَا مَعْرُوفاً
“Lan menawa wong tuwamu sakeloron meksa awakmu kanggo nyakuto-ake Ingsun kelawan sawijining perkara kang sira orang mengerteni ing bab iku, mangka sira aja manut ing dheweke, lan tetepo srawung ing bab kadonyan marang dheweke kanthi becik.” (Qs. Luqman: 15)
Mugi-mugi kita tansah saget mulya-aken tiyang sepuh kita, sarta dipun tebihaken saking sipat duraka ingkang dipun laknat menika.. Amiin.
بَارَكَ اللهُ لِي وَلَكُمْ فِي الْقُرْآنِ الْعَظِيْمِ. وَنَفَعَنِي وَاِيِّاكُمْ بِمَا فِيْهِ مِنَ الآيَاتِ وَالذِّكْرِ الْحَكِيْمِ. وَتَقَبَّلَ الله مِنِّي وَمِنْكُمْ تِلاوَتَهُ اِنَّهُ هُوَ السَّمِيْعُ الْعَلِيْمُ
Khutbah II
اَلحَمْدُ للهِ الّذي هَدَانَا سُبُلَ السّلاَمِ، وَأَفْهَمَنَا بِشَرِيْعَةِ النَّبِيّ الكَريمِ،
اَشْهَدُ اَنْ لاَ اِلهَ اِلاَّ اللهُ وَحْدَهُ لاَ شَرِيْكَ لَهُ وَاَشْهَدُ اَنَّ مُحَمَّدًا عَبْدُهُ وَرَسُوْلُهُ .وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ
فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَزَجَر
وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا
اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ
اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ الأَحْيَاءِ مِنْهُمْ وَاْلأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ.
رَبَّنَا ظَلَمْنَا اَنْفُسَنَا وَاِنْ لَّمْ تَغْفِرْ لَـنَا وَتَرْحَمْنَا لَـنَكُوْنَنَّ مِنَ الْخٰسِرِيْنَ
رَبَّنَا هَبْ لَـنَا مِنْ اَزْوَاجِنَا وَذُرِّيّٰتِنَا قُرَّةَ اَعْيُنٍ وَّاجْعَلْنَا لِلْمُتَّقِيْنَ اِمَامًا
اللَّهُمَّ إِنَّا نَسْأَلُكَ حُسْنَ الْخَاتِمَة.
رَبَّنَا اغْفِرْ لَنَا ذُنُوبَنَا وَإِسْرَافَنَا فِي أَمْرِنَا وَثَبِّتْ أَقْدَامَنَا وَانْصُرْنَا عَلَى الْقَوْمِ الْكَافِرِينَ.
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَاما
رَبَّنَآ اٰتِنَا فِى الدُّنْيَا حَسَنَةً وَّفِى الْاٰخِرَةِ حَسَنَةً وَّ قِنَا عَذَابَ النَّار ُ
وَالْحَمْدُ للهِ رَبِّ العَالَمِيْنَ