Naskah Khutbah Jumat BAHASA JAWA Dewan Dakwah BantulEdisi 037/Tahun II/2022
Ingin mendapatkan materi Khutbah Jumat?
🟢 Group WhatsApp 4️⃣ : https://chat.whatsapp.com/HuyMTmy9wVn2vdG1HRQMSw
🔵 Naskah lengkap dari awal bisa dibuka di Channel Telegram : https://t.me/khutbah_DDII_Bantul
💻 Naskah lengkap dari awal : https://drive.google.com/drive/folders/11ZcffhlMqe-KdNXEshz1UUOhQ4Ik132l?usp=sharing
Ojo Ngremehake Amal
Dening: Ust. Malik Saifudin, Lc
Khutbah I
اَلْحَمْدُ ِللهِ الّذي هَدَانَا سُبُلَ السّلاَمِ، وَأَفْهَمَنَا بِشَرِيْعَةِ النَّبِيّ خَيْرِ الْاَنَامِ،
أَشْهَدُ أَنْ لاَ إِلهَ إِلَّا اللهُ وَحْدَهُ لاَ شَرِيْكَ لَهُ. وَأَشْهَدُ أَنّ مُحَمّدًا عَبْدُهُ وَرَسُوْلُهُ لاَ نَبِيَّ بَعْدَهُ.
اَللهُمَّ صَلِّ وَسَلّمْ عَلٰى سَيِّدِنَا مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن. اَمَّا بَعْدُ،
فَيَا عِبَادَ اللهِ، اُوْصِيْكُمْ وَاَيَّايَ بِتَقْوَى اللهِ وَطَاعَتِهِ لَعَلَّكُمْ تُفْلِحُوْنَ. يَاأَيّهَا الّذَيْنَ آمَنُوْا اتّقُوا اللهَ حَقّ تُقَاتِهِ وَلاَ تَمُوْتُنَّ إِلاّ وَأَنْتُمْ مُسْلِمُوْنَ
قَالَ اللهُ تَعَالَى فِي الْقُرْآنِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ.
وَقُلِ ٱعْمَلُوا فَسَيَرَى ٱللَّهُ عَمَلَكُمْ وَرَسُولُهُۥ وَٱلْمُؤْمِنُونَ ۖ وَسَتُرَدُّونَ إِلَىٰ عَٰلِمِ ٱلْغَيْبِ وَٱلشَّهَٰدَةِ فَيُنَبِّئُكُم بِمَا كُنتُمْ تَعْمَلُونَ
Ma’asyiral muslimin rahimakumullah
Alhamdulillah, sedaya puji kunjuk dhumateng Allah SWT, Dzat ingkang sampun paring kathah nikmat lan kanugrahanipun ing kita sedaya sahingga wekdal menika kita tetep ing salebeting iman – Islam, lan saget nindaki ibadah shalat Jum’at ing masjid ingkang mulya menika. Shalawat lan salam kita aturaken mugi katetepno dhumateng kanjeng Nabi Muhammad saw, utusanipun Allah ingkang ngasta rahmat tumrap saisining alam ndonya.
Salajengipun, keparenga kawula minangka khatib ngajak, dhumateng awak kula piyambak lan sedaya jamaah, sumangga kita sesarengan tansah nambah raos iman takwa dhumateng Allah SWT kanthi nindak-aken dhawuh lan nilar ingkang dados awisanipun.
Ma’asyiral muslimin rahimakumullah
Saestunipun gesang kita ing alam donya menika badhe kalebet nggadhahi piguna utawi muspra menika gumantung ing amal tumindak, menapa kalebet tumindak kesaenan (amal shaleh) utawi piawon (amal sayyi’ah). Allah swt paring firman:
إِنَّا جَعَلْنَا مَا عَلَى الْأَرْضِ زِينَةً لَّهَا لِنَبْلُوَهُمْ أَيُّهُمْ أَحْسَنُ عَمَلاً ﴿٧﴾
“Satemene Ingsun allah wis ndadek-ake apa kang ana ing bumi minangka pepaes, saperlu Ingsun paring pacoban sapa wong kang aplingbecik amal tumindake.” (Qs. Al Kahfi: 7)
Kita minangka tiyang iman, kedah tansah ndadosaken piwucaling al-Qur’an minangka pandom, bilih sedaya ingkang dipun tindak-aken umat manungsa bakal diparingi piwales tanpa wonten ingkang kecicir.
فَمَن يَعْمَلْ مِثْقَالَ ذَرَّةٍ خَيْراً يَرَهُ ﴿٧﴾ وَمَن يَعْمَلْ مِثْقَالَ ذَرَّةٍ شَرّاً يَرَهُ ﴿٨﴾
“Sapa wong kang nindak-ake amal kabecikan saumpama gedhene dzarrah, yekti bakal sumurup ing piwalese. Lan sapa wong kang nindak-ake amal olo saumpama gedhene dzarrah, yekti uga bakal sumurup ing piwalese.” (Qs. Az Zalzalah: 7-8)
Ma’asyiral muslimin rahimakumullah
Tiyang iman samesthinipun ngisi wekdal gesangipun aknthi amal tumindak ingkang nuwuhaken kesaenan minangka amal shaleh, senadyan namung ketingal alit (sepele). Sebab, gesang kita bakal nandhang rugi menawi tanpa dipun isi kanthi amal shaleh.
Kita temtu emut surat Al ‘Asher ingkang populer:
وَالْعَصْرِ ﴿١﴾ إِنَّ الْإِنسَانَ لَفِي خُسْرٍ ﴿٢﴾ إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴿٣﴾
“Demi wektu. Satemene umat manungsa iku yekti nandhang kapitunan (rugi), kejaba wong kang padha iman lan ngamal shaleh lan aweh pepeling supaya netepi ing bebener lan aweh pepelinng supaya netepi laku shabar.”
Rasulullah shallallahu ‘alaihi wa sallam ing setunggaling hadis saking Abu Dzar radhiyallahu ‘anhu, paring dhawuh:
“لاَ تَحْقِرَنَّ مِنَ الْمَعْرُوْفِ شَيْئاً، وَلَوْ أَنْ تَلْقَى أَخَاكَ بِوَجْهٍ طَلْقٍ.” أَخْرَجَهُ مُسْلِمٌ.
“Yekti, sira ojo nganggep remeh ing sawijining kabecikan opo wae, senadyan sira ketemu marang sedulurmu kanthi praupan kang sumeh.” (Hadis riwayat Imam Muslim)
Ma’asyiral muslimin rahimakumullah
Sedaya ingkang kita gadhahi utawi kita sandhang ing dhiri kita saestunipun minangka pawitan (modal) kangge nabung (ivestasi) amrih dados amal shaleh, menapa to wujud tenaga, arta bandha, utawi ngelmu. Sebab mbenajang bakal dumugi wekdalipun sedaya amal ingkang kita tindak-aken ing alam ndonya menika badhe dipun pundhuti tanggel jawabipun ing dinten kiamat.
يَوْمَ تَأْتِي كُلُّ نَفْسٍ تُجَادِلُ عَنْ نَفْسِهَا وَتُوَفَّىٰ كُلُّ نَفْسٍ مَا عَمِلَتْ وَهُمْ لَا يُظْلَمُونَ
“(Elinga) ing anane dina (nalika) saben-saben kawula bakal ngadhep (ing Allah) kanggo mbela dhiri (tanggungjawab ing amale), lan tumrap saben kawula bakal disampurna-ake piwalese saka sakabehe amal kang padha ditindak-ake.,lan dheweke ora dianiaya.” (QS:An-Nahl: 111).
Mekaten ugi wonten angendikan sanes,
يَوْمَ تَجِدُ كُلُّ نَفْسٍ مَا عَمِلَتْ مِنْ خَيْرٍ مُحْضَرًا وَمَا عَمِلَتْ مِنْ سُوءٍ تَوَدُّ لَوْ أَنَّ بَيْنَهَا وَبَيْنَهُ أَمَدًا بَعِيدًا ۗ وَيُحَذِّرُكُمُ اللَّهُ نَفْسَهُ ۗ وَاللَّهُ رَءُوفٌ بِالْعِبَادِ
“ana dina iku saben kawula bakal ngadhepi sakabehe amal kabecikan, mengkono uga amal olo kang wis ditindak-ake ; dheweke kepengin saumpama bisa antarane dheweke lan dina iku ana ing jaman kang adoh, Gusti Allah paring pepeling ing sira kabeh ing perkara siksane. Dene gusti Allah maha welas asih ing kawulane.” (QS:Ali Imran: 30).
Ma’asyiral muslimin rahimakumullah
Ing salebetipun ngamal tumindak, asring kita menika rumaos grengseng (semangat), namung ugi kadhangkala dados wegah utawi aras-arasen (memeng).
Kadosmenika jumbuh kaliyan pangendikanipun Rasulullah shallallahu ’alaihi wa sallam ,
وَلِكُلِّ عَمِلٍ شِرَّةٌ ، وَلِكُلِّ شِرَّةٍ فَتْرَةٌ ، فَمَنْ يَكُنْ فَتْرَتُهُ إِلَى السُّنَّةِ ، فَقَدِ اهْتَدَى ، وَمَنْ يَكُ إِلَى غَيْرِ ذَلِكَ ، فَقَدْ ضَلَّ
”SetiaSaben amal iku mesthi ana wektune grengseng. Lan nalika grengseng uga ana wektune futur (wegah). Sapa winng kang nalikane rasa wegahe isih ana ing sajroning sunnah (pituduh) Nabi shallallahu ’alaihi wa sallam, mangka dheweke tetep antuk pituduh (iman). Nanging sapa wong kang metua saka pituduhmau, yekti dheweke wis tumindak nyimpang (nalisir).” (HR At Thabarani : Al Mu’jam al Kabir)
Awit saking menika, pramila kita perlu “ngencang” dihiri kita amrih saget tansah njagi amal kesaenan senadyan keiungal entheng lan ‘kuwawi’ nindak-aken sahingga senadyan ing kahanan awrat lan repot – kita tetep saget nindak-aken. Saumpami sholat sunat rawatib, infak sedekah, sarta amalan kagem mbiyantu sanak-sedherek kanan-kiring ing kita srawungi ing padintenan.
Saking ’Aisyah –radhiyallahu ’anha-, ngendika nilih Rasulullah shallallahu ’alaihi wa sallam paring dhawuh,
أَحَبُّ الأَعْمَالِ إِلَى اللَّهِ تَعَالَى أَدْوَمُهَا وَإِنْ قَلَّ
”Amalan kang paling ditresnani dening Allah Ta’ala yaiku amalan kang ajeg ditindak-ake senadyan mung sethithik.” (HR Muslim)
Ma’asyiral muslimin rahimakumullah
Ewo semanten, wonten saperangan tiyang ingkang nganggep remeh (sepele) ing lampah dosa lan maksiat. Wonten ugi ingkang ngremehaken dosa-dosa ingkang dipun anggep alit. Allah ngawisi ing kita sami sapejagong, makempal lan kekancan raket kaliyan tiyang ingkang remen tumindak dosa lan ngremehaken lampah maksiat. Langkung malih menawi tiyang kasebat malah ngajak tumindak dosa
فَلَا تَقْعُدْ بَعْدَ الذِّكْرَىٰ مَعَ الْقَوْمِ الظَّالِمِينَ
“Mangka sira ojo padha lungguh jejagongan kelawan wong kang padha laku zhalim sawise sira eling (anane dhawuh iki).” (QS:Al-An’am: 68).
Ngremehaken dosa-dosa alit saestu kalebet tumindak ingkang mbebayani. Sebab bakal ndamel risak ing ati. Mandhapaken boboting iman. Lan bakal nyeret ing lampah dosa sanes, sahingga tiyang bakal kajrumus ing lampah dosa ageng lan saget dhumawah ing kufur. Na’udzubillahi min dzalik.
وَوُضِعَ الْكِتَابُ فَتَرَى الْمُجْرِمِينَ مُشْفِقِينَ مِمَّا فِيهِ وَيَقُولُونَ يَا وَيْلَتَنَا مَالِ هَٰذَا الْكِتَابِ لَا يُغَادِرُ صَغِيرَةً وَلَا كَبِيرَةً إِلَّا أَحْصَاهَا ۚ وَوَجَدُوا مَا عَمِلُوا حَاضِرًا ۗ وَلَا يَظْلِمُ رَبُّكَ أَحَدًا
“Lan nalika diselehake kitab, banjur sira sumurup ing wong kang padha tumindak luput nandhang wedi ing apa kang katulis ing njerone (kita iku), lan dheweke ngucap: “Aduh cilaka awakku, kitab apa iki, ora ono perkaara kang cicir saka perkara kang cilik utawa gedhe , kejaba wis katulis sakabehe; lan dheweke menangi apa wae kang padha ditindak-ake ana ing tulisan iku. Lan Allah pangeranira ora tumindak nganiaya sapa wae kawulane”.” (QS:Al-Kahfi: 49).
Ma’asyiral muslimin rahimakumullah
Tiyang ingkang ngremehaken amalan alit dangu-dangu saget dhumawah ngremehaken amalan ingkang ageng. Para ulama nyebataken bilih pakulinan tumindak dosa alit bakal gampil tnapa dipun raos njalari setunggaling tiyang kejrumus ing lampah dosa ageng. Awit saking menika tiyang iman kedah ningali lan emut dhumateng sifat agung lan luhuripun sifat allah ingkang dipun ‘maksiati’. Sanes nganggep ing alit utawi agengipun lampah dosa menika. Menawi tiyang sami emut bilih piyambakipun nggadhahi sesembahan inggih allah ingkang tansa mriksani ing kawulanipun., saestu tiyang bakal nggadhahi raos isin lan pakewuh bakal tumindak dosa.
Kanjeng Nabi saw ngendika, nalikanioun dipun suwuni priksa dening malaikat Jibril ing perkawis ihsan,
مَا الْإِحْسَانُ قَالَ أَنْ تَخْشَى اللَّهَ كَأَنَّكَ تَرَاهُ فَإِنَّكَ إِنْ لَا تَكُنْ تَرَاهُ فَإِنَّهُ يَرَاكَ
“Menapa ihsan menika?” Nabi ngendika, “Sira wedi marang Allah kaya-kaya sira bisa sumurup ing Allah. Lan sira ora bakal bisa sumurup ing Allah, nanging panjenengane allah priksa marang sira.” (HR. Muslim).
Ibnu Mas’ud radhiyallahu’anhu paring pemut,
“إِنَّ الْمُؤْمِنَ يَرَى ذُنُوبَهُ كَأَنَّهُ قَاعِدٌ تَحْتَ جَبَلٍ يَخَافُ أَنْ يَقَعَ عَلَيْهِ، وَإِنَّ الْفَاجِرَ يَرَى ذُنُوبَهُ كَذُبَابٍ مَرَّ عَلَى أَنْفِهِ فَقَالَ بِهِ هَكَذَا. قَالَ أَبُو شِهَابٍ بِيَدِهِ فَوْقَ أَنْفِهِ”
“Sawijing wong mukmin nyawang ing dosa-dosane nganggep kayadene dheweke lagi lungguh ing sangisore gunung lan rumangsa kuwatir yen gunung iku bakal jugrug nibani dheweke. Dene wong laku dosa,dheweke nyawang ing dosane kaya dene ‘laler’ kang mabur (liwat) ing sangarepe irunge sinambi ngucap “mangkene”.
Ibnu Syihab nafsiraken: yaiku ngobahake tangane ing ngarep irung kanggo nggusah laler mau”. (al Bukhari)
Ma’asyiral muslimin rahimakumullah
Satunggaling wekdal Anas bin Malik radhiallahu ‘anhu nate ngendika ing sebagian muridipun,
“إِنَّكُمْ لَتَعْمَلُونَ أَعْمَالًا هِيَ أَدَقُّ فِي أَعْيُنِكُمْ مِنْ الشَّعَرِ، إِنْ كُنَّا لَنَعُدُّهَا عَلَى عَهْدِ النَّبِيِّ صَلَّى اللَّهُ عَلَيْهِ وَسَلَّمَ مِنْ الْمُوبِقَاتِ”.
“Satemene kowe kadhangkala tumindak dosa kang dianggep luwih cilik tinimbang wiji gandum, kamangka ing jamane kanjeng Nabi shallallahu’alaihiwasallam, aku padha nganggep iku minangka dosa gedhe kang bakal ngrusak” (al Bukhari).
Bab mekaten jalaran agengipun sesrepan ngelmu para sahabat ing kaluhuran lan kamulyanipun Allah ingkang langkung sampurna. Pramila dosa alit tumrap para shabat – yen dipun emut kaliyan sifat kamulyanipun Allah – bakal dados ageng.
Wonten satunggaling perkawis ing satengahing masyarakat ingkang mboten dipun mangertosi, bilih dosa alit kasunyatanpun saget “malih” (owah) dados dosa ageng. Bab menika jalaran dosa alit menika asring lan kathah dipun lampahi sahingga ngumpul kados gunung ageng; utawi pancen tingkat tumindaking doa panecen kalebet dosa ingkang ageng.
Perkawis ing njalari inggih menika: ngremehaken ‘panutuping dosa’ lan welas asihipun Allah; inggih nalika tiyang ingkang tumindak dosa ‘kasengsem’ ing sifat welas asihipun Allah anggenipun nutupi utawi ngapunten dosa. Salajengipun ‘njaga-aken” kawelasanipun Allah bilih mbenjang Allah ugi bakal paring pangapunten ing dosanipun, sahingga kanthi gampil ngremehaken tumindak dosa, lan dipun niyati mbenjang bakal mertiobat.
Ma’asyiral muslimin rahimakumullah
Tiyang ingkang mekaten mboten rumaos bilih bab mekaten sastunipun minangka caranipun allah paring “inah” tumrap manungsa. Malah piyambakipun nganggep yen Allah menika sanget nresnani ing dhirinipun lan paring hak istimewa – kados dipun sekarep. Bab mekaten mirip kaliyan sipatipun tiyang Yahudi lan Nasrani ingkang ngucap,
“نَحْنُ أَبْنَاءُ اللَّهِ وَأَحِبَّاؤُهُ”
“Aku iki minangka putra-putrane Allah lan dadi katresnane”. (QS. Al-Ma’idah : 18).
Perkawis menika justru bakal ndadosaken tiyang kajrumus ing panguwaosing setan kangge ngremeheaken tumindak dosa. Na’udzubillahi min dzalik.
Mekaten khutbah ing siang menika, mugi-mugi kita saget mendhet hikmah piwucalipun; sahingga saget nenuntun dhiri kita kangge ngamal shaleh senadyan dipun wiwiti saking perkawis inkang alit. Amiin.
بَارَكَ الله لِيْ وَلَكُمْ فِي الْقُرْآنِ الْكَرِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ الْآيَاتِ وَالذِّكْرِ الْحَكِيْمِ. أَقُوْلُ قَوْلِيْ هذا وَأَسْتَغْفِرُ اللهَ لِيْ وَلَكُمْ
Khutbah II
اَلْحَمْدُ لِلَّهِ الَّذِيْ أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَكَفَى بِاللَّهِ شَهِيداً
أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمِّدًا عَبْدُهُ وَرَسُوْلُهُ
اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الْقِيَامَةِ
أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ
إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا.
اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، وَبَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، فِي العَالَمِيْنَ إِنَّكَ حَمِيْدٌ مَجِيْدٌ، وَارْضَ اللَّهُمَّ عَنْ خُلَفَائِهِ الرَّاشِدِيْنَ، وَعَنْ أَزْوَاجِهِ أُمَّهَاتِ المُؤْمِنِيْنَ، وَعَنْ سَائِرِ الصَّحَابَةِ أَجْمَعِيْنَ، وَعَنْ المُؤْمِنِيْنَ وَالمُؤْمِنَاتِ إِلَى يَوْمِ الدِّيْنِ، وَعَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ.
اللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدُّعَاءِ.
اللَّهُمَّ إِنَّا نَسْأَلُكَ الْهُدَى وَالتُّقَى وَالعَفَافَ وَالغِنَى.
اَللَّهُمَّ أَصْلِحْ لَنَا دِيننَا اَلَّذِي هُوَ عِصْمَةُ أَمْرِنَا وَأَصْلِحْ لَنَا دُنْيَا نَا اَلَّتِي فِيهَا مَعَاشنَا وَأَصْلِحْ لَنَا آخِرَتَنَا اَلَّتِي إِلَيْهَا مَعَادنَا وَاجْعَلْ اَلْحَيَاةَ زِيَادَةً لَنَا فِي كُلِّ خَيْرٍ وَاجْعَلْ اَلْمَوْتَ رَاحَةً لَنَا مِنْ كُلِّ شَرٍّ.
رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ.
رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ.