Naskah Khutbah Jumat BAHASA JAWA Dewan Dakwah BantulEdisi 042/Tahun II/2022
Ingin mendapatkan materi Khutbah Jumat?
🟢 Group WhatsApp 1️⃣
https://chat.whatsapp.com/GYrsFLncgFdBP0NyCIGYe2
🟢 Group WhatsApp 4️⃣ : https://chat.whatsapp.com/HuyMTmy9wVn2vdG1HRQMSw
🔵 Naskah lengkap dari awal bisa dibuka di Channel Telegram : https://t.me/khutbah_DDII_Bantul
💻 Naskah lengkap dari awal : https://drive.google.com/drive/folders/11ZcffhlMqe-KdNXEshz1UUOhQ4Ik132l?usp=sharing
OJO SERAKAH
Dening : Ust. Muhammad Habibi
Khutbah I
الْحَمْدُ لِلّٰهِ رَبِّ الْعَالَمِيْنَ، وَبِهِ نَسْتَعِيْنُ عَلَى أُمُوْرِ الدُّنْيَا وَالدِّيْنِ،
أَشْهَدُ أَنْ لَا إِلٰهَ إِلَّا الله وَحْدَه لَاشَرِيْكَ لَهُ الْمَلِكُ الْحَقُّ اْلمُبِيْن. وَأَشْهَدُ أَنَّ سَيِّدَنَا مُحَـمَّدًا عَبْدُهُ وَرَسُوْلُهُ صادِقُ الْوَعْدِ اْلأَمِيْن.
وَالصَّلَاةُ وَالسَّلَامُ عَلَى أَشْرَفِ اْلأَنْبِيَاءِ وَالْمُرْسَلِيْنَ، نَبِيِّنَا مُحَمَّدٍ صَلَّى اللهُ عَلَيْهِ وَسَلَّمَ وَعَلَى اٰلِهِ وَأَصْحَابِهِ وَالتَّابِعِيْنَ وَمَنْ تَبِعَهُمْ بِإِحْسَانٍ إِلىَ يَوْمِ الدِّيْنِ،
أَمَّا بَعْدُ فَيَا أَيُّهَا الْحَاضِرُوْنَ. اِتَّقُوا اللهَ حَقَّ تُقَاتِهِ وَلَا تَمُوْتُنَّ إِلَّا وَأَنْتُمْ مُسْلِمُوْنَ. فَقَالَ اللهُ تَعَالَى وَمَا الْحَيَاةُ الدُّنْيَا إِلاَّ لَعِبٌ وَلَهْوٌ وَلَلدَّارُ الآخِرَةُ خَيْرٌ لِّلَّذِينَ يَتَّقُونَ أَفَلاَ تَعْقِلُونَ
Ma’asyiral muslimin, rahimakumullah.
Umat manungsa midherek kodratipun tansah kepengin nuruti karemenan gesang kados ingkang dipun ngendika-aken Allah ta’ala ing Al-Qur’an:
زُيِّنَ لِلنَّاسِ حُبُّ الشَّهَوَاتِ مِنَ النِّسَاء وَالْبَنِينَ وَالْقَنَاطِيرِ الْمُقَنطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالأَنْعَامِ وَالْحَرْثِ ذَلِكَ مَتَاعُ الْحَيَاةِ الدُّنْيَا وَاللّهُ عِندَهُ حُسْنُ الْمَآبِ
“Digawe endah ing mripating manungsa nduweni kasenengan marang pepinginan anane wanita, anak, lan arta bandha kang akeh saka jinising emas, perak, jaran pinilih, kewan ingon lan sawah pategalan. Iku minangka kasenengan ing urip kadonyan, lan ing ngersane Allah ono papan bali kang (luwih) becik (suwarga) (Qs. Ali ‘Imran: 14)
Mekaten menika hawa nepsunipun umat manungsa, nggadhahi kathah pepinginan lan karemenan gesang. Dene perkawis menika pancen wajar, lan lumrah. Namung kemawon kita dipun emutaken ing piwucal agami bilih sedaya menika minangka karemenan sekedhap lan sampun ngantos kita leno. Sebab ing ngersanipun Allah mbenjang wonten piwales ganjaran ingkang linangkung ageng lan langgeng tumrapipun tiyang ingkang iman.
Ma’asyiral muslimin, rahimakumullah.
Kasunyatanipun, kathah tiyang ingkang leno lan kapilut ing gebyaring godha kadonyan menika, sahingga sami ‘jor-joran’ pamer kasugihan kanthi maneka cara. Tiyang sami ketungkul kangge memonceran nuruti karemenan gesang awit kasilipun bab kadonyan menika.
اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الْأَمْوَالِ وَالْأَوْلَادِ
“Siro padha mangerti-o, yekti panguripan donya iku mung minangka dedolanan lan perkara kang gawe leno, pepaes lan memonceran ing antarane siro, lan padha ngumuk-ake perkara arta bandha lan anak,” (Qs. Al Hadid: 20)
Tiyang-tiyang kafir mobten nggadhahi gegambaran ing gesang aalam akhirat, dene donya menika minangka gegayuhanipun ingkang pokok (dipun tengenaken). Pramila perkawis ingkang tansah dipun penggalih lan dipun upayrekadaya inggih menika: kados pundi saget gesang kanthi uur ingkang panjang lan kebak bandha donya, sahingga kasembadan sedaya pepenginanipun
وَلَتَجِدَنَّهُمْ أَحْرَصَ النَّاسِ عَلَى حَيَاةٍ وَمِنَ الَّذِينَ أَشْرَكُواْ يَوَدُّ أَحَدُهُمْ لَوْ يُعَمَّرُ أَلْفَ سَنَةٍ وَمَا هُوَ بِمُزَحْزِحِهِ مِنَ الْعَذَابِ أَن يُعَمَّرَ وَاللّهُ بَصِيرٌ بِمَا يَعْمَلُونَ ﴿٩٦﴾
“Lan yekti siro bakal nemu ing dheweke, pawongan kang paling serakah ing urip kadonyan, malah luwih serakah maneh saka wong kang musyrik. Dheweke kepengin supaya diwenehi uri[ sewu taun, kamangka umur kang dawa iku babar pisan ora bisa nyingkiri saka pasiksan neraka. Allah Maha Priksa ing apa kang padha ditindak-ake.” (Qs Al Baqarah: 96)
Ma’asyiral muslimin, rahimakumullah.
Saking sahabat Ka’ab bin Malik radhiyallahu ‘anhu, piyambakipun matur, “Rasulullah shallallahu ‘alaihi wa sallam ngendika:
مَا ذِئْبَانِ جَائِعَانِ أُرْسِلَا فِيْ غَنَمٍ بِأَفْسَدَ لَهَا مِنْ حِرْصِ الْمَرْءِ عَلَى الْمَالِ وَالشَّرَفِ لِدِيْنِهِ
“Ono loro (2) asu ajag kang diumbar ing satengahing kumpulan wedhus, ora luwih ngrusak tinimbang sipating serakah manungsa marang bandha lan kalungguhan kang bakal ngrusak ing agamane.” (HR. at-Turmudzi, Ahmad, ad-Darimi, Ibnu Hibban, ath-Thabrani, dan selainnya).
Saking Abu Hurairah Radhiyallahu anhu, bilih kanjeng Nabi Shallallahu ‘alaihi wa sallam ngendika:
قَلْبُ الشَّيْخِ شَابٌّ عَلَىٰ حُبِّ اثْنَتَيْنِ : طُوْلُ الْـحَيَاةِ وَحُبُّ الْمَالِ
“Atine wong kang wis tuwa bakal tansah kerasa enom ing sajroning ndhemeni ing perkara loro, yaiku : urip kanthi umur panjang lan seneng ing bandha donya. (HR. Bukhari lan Muslim)
Umumipun, perkawis ingkang paling dipun pengini manungsa inggih gesang llanggeng, pramila sanget kepengin panjang umur. Manungsa ugi remen ing arta bandha, jalaran bandha menika minangka jaminan kangge nyekapi sawernaning karemenan ingkang dipun pengini.
Ma’asyiral muslimin, rahimakumullah.
Ing hadits sanes, Rasulullah shallallahu ‘alaihi wa sallam ngendika:
لَوْ أَنَّ لِابْنِ آدَمَ وَادِيًا مِنْ ذَهَبٍ أَحَبَّ أَنْ يَكُونَ لَهُ وَادِيَانِ، وَلَنْ يَمْلَأَ فَاهُ إِلَّا التُّرَابُ، وَيَتُوبُ اللهُ عَلَى مَنْ تَابَ
“Yekti, saumpana sawijining anak Adam nduweni sawijining jurang saka emas , yeti dheweke banget kepengin nduweni maneh jurang emas cacah loro. Oraana kang bisa ngebaki ing cangkeme, kejaba lemah (mati). Banjur Allah ngapura marang wong kang gelem tobat.” (HR. Al-Bukhari lan Muslim).
Mboten wonten ingkang saget nyandheg utawi nolak ing sipat serakah (dremba), ambisi utawi angen-angenipun, kejawi namung pati. Pramila umat manungsa kadhawuhan mertobat dhumateng Allâh Azza wa Jalla saking sipat serakah utawi dremba menika.
Lan asring sanget sipat serakah (tamak) menika njurung tiyang kangge tumindak dosa, wiwit saking ngapusi, nyolong jupuk, ngrampas, nyogok, korupsi, adu-adu, fitnah lan ngantos tega mejahi tiyang.
Wonten pejabat nindakaken korupsi, politisi nyogok ing pemilu, pemborong tumindak manipulasi nalika nggarap proyek, meres / malak (pungutan liar). Mekaten ugi, tyang umum wonten ingkang ‘ngunthet” tanah warisan utawi ngantos tega mejahi sedherek /kulawarganipun piyambak; na’udzu billahi min dzalik.
Ma’asyiral muslimin, rahimakumullah.
Gesang kanthi mbekta kathahing sipat serakah bakal ndadosaken tiyang namung badhe ngraos ‘buneg’, kadosdene Imam Ibnul Qayyim rahimahullah ngendika:
مُـحِبُّ الدُّنْيَا لَا يَنْفَكُّ مِنْ ثَلَاثٍ: هَمٌّ لَازِمٌ، وَتَعَبٌ دَائِمٌ، وَحَسْرَةٌ لَا تَنْقَضِى
“Wong kang dhemen ing kadonyan ora bisa uwal sangka telung perkara, yiaku: (1) rasa sedhih (buneg) kang ajeg, (2) rasa kesel (lungkrah) kang tanpa mandheg, lan (3) rasa getun kang ora bakal ilang (ing kitab Ighâtsatul Lahafân)
Lan Allah sampun njlentrehaken hakikat gesang kadonyan menika ing pangendikanipun:
وَمَا الْحَيَاةُ الدُّنْيَا إِلَّا مَتَاعُ الْغُرُورِ
“Dene panguripan kadonyan ini ora liya kejaba minangka kasenengan kang nggawe leno.” (Qs. Al Hadid: 20)
Lan tanpa dipun raos, dumugi akhiripun moncering kadonyan menika njrumusaken manungsa manggihi ajal (pejah)-ipun.
أَلْهَاكُمُ التَّكَاثُرُ ﴿١﴾ حَتَّىٰ زُرْتُمُ الْمَقَابِرَ ﴿٢﴾
“Memonceran urip wis nggawe leno ing siro, nganti siro mlebu ing alam kubur. (QS at Takatsur: 1-2)
Satunggaling wekdal, Malaikat Jibril a.s. manggihi Rasulullah shallallahu ‘alaihi wasallam lan ngendika:
يَا مُحَمَّدُ عِشْ مَا شِئْتَ فَإِنَّكَ مَيِّتٌ، وَأَحْبِبْ مَنْ شِئْتَ فَإِنَّكَ مُفَارِقُهُ
“He Muhammad, uripo sa-karepmu (sa-senengmu), yekti kowe bakal mati. Lan tresnanono wong kang siro pengini, yekti siro bakal pisah kelawan dheweke” (HR al-Hakim).
Hadits menika pering pemut ing kita, senadyan kados menapa bebasipun manungsa nglampahi gesang, nanging akhirinpun namung badhe pejah. Saestu, gesang ing ndonya menika namung sigeg (singkat).
Ma’asyiral muslimin, rahimakumullah.
Saestu, donya menika namung minangka papa kangge ngamal ngibadah lan gegancangan kangge nyaket dhumateng Allah. Donya Dunia minangka sarana kangge wangsul, marak sowan ing ngersanipun Allah. Yen kita nyawang wonten tiyang ingkang mekaten ‘mongkog’ lan sami mameraken katahing arta bandha utawi anak; prayogi dipun tanggapi kanthi nandhingi ing amalan pangibadah ingkang sae.
Wonten saweneh pangendikan wicaksana saking Imam Al Hasan Al Bashri ingkang sanget perlu dipun agem ing manah:
إِذَا رَأَيْتَ الرَجُلُ يُنَافِسُكَ فِي الدُّنْيَا فَنَافِسُهُ فِي الْآخِرَةُ
“Menawa kowe nyawang wong kang ngungguli awakmu ing bab kadonyan, mangka ganti unggulono dheweke ing bab amal akhirat.” (Latho-if Al Ma’arif, Ibnu Rajab Al Hambali)
Salajengipun, kadospundi lampah gampilipun kagem kita sedaya ngadhepi gesang kadonyan menika ?
1) makarya, ngamal midherek kabisan kita ingkang paling sae; salajengipun hasilipun dipun syukuri lan rumaos cekap kanthi ingkang dipun tampi
2) tansah emut, bilih gesnag ing ndonya menika namung sigeg (sedhela, singkat) sanes minangka tujuan akhir
3) saben nampi rejeki menapa kemawon wujudipun, (saumpami: arta bandha, ilmu, jabatan /kalenggahan, lan sanesipun), dipun agem sageta dados sangu utawi tabungan amal ing akhirat
Ma’asyiral muslimin, rahimakumullah.
Ingkang pungkasan, prayogi kita tansah ndedonga ingkang kathah, kanthi donga ingkang dipun tuntunaken dening Rasulullah SAW:
اللَّهُمَّ أَعِنِّى عَلَى ذِكْرِكَ وَشُكْرِكَ وَحُسْنِ عِبَادَتِكَ
“Dhuh Gusti Allah, mugi paring pitulung ing kawula saget tansah emut (dzikir) dhateng Paduka, lan syukur ing Paduka, ugi saget ngibadah kanthi sae dhumateng Paduka”
اللَّهُمَّ إِنِّي أَسْأَلُكَ اْلهُدَى وَالتُّقَى وَاْلعَفَافَ وَاْلغِنَى
“Dhuh Gusti Allah, kawula nyuwun pitedah (hidayah), takwa, iffah, kamulyan, lan kacekapan” (HR Muslim).
Mekaten atur khutbah ing siang menika, mugi manfaat. Lan saget dados pemut ing kita sedaya amrih mboten gampil kapilut ing godhaning gesang kadonyan; sageta tetep istiqomah anggenipun cecepengan ing paugeran syariating agami.
بَارَكَ الله لِيْ وَلَكُمْ فِي الْقُرْآنِ الْكَرِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ الْآيَاتِ وَالذِّكْرِ الْحَكِيْمِ. أَقُوْلُ قَوْلِيْ هذا وَأَسْتَغْفِرُ اللهَ لِيْ وَلَكُمْ
Khutbah II
الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ.
أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمِّدًا عَبْدُهُ وَرَسُوْلُه . اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ
أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ
إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمً .اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، وَبَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، فِي العَالَمِيْنَ إِنَّكَ حَمِيْدٌ مَجِيْدٌ،
اللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدُّعَاءِ.
اللَّهُمَّ إِنَّا نَسْأَلُكَ الْهُدَى وَالتُّقَى وَالعَفَافَ وَالغِنَى.
اَللَّهُمَّ أَصْلِحْ لَنَا دِيننَا اَلَّذِي هُوَ عِصْمَةُ أَمْرِنَا وَأَصْلِحْ لَنَا دُنْيَا نَا اَلَّتِي فِيهَا مَعَاشنَا وَأَصْلِحْ لَنَا آخِرَتَنَا اَلَّتِي إِلَيْهَا مَعَادنَا وَاجْعَلْ اَلْحَيَاةَ زِيَادَةً لَنَا فِي كُلِّ خَيْرٍ وَاجْعَلْ اَلْمَوْتَ رَاحَةً لَنَا مِنْ كُلِّ شَرٍّ.
رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ.
رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ.