Naskah Khutbah Jumat BAHASA JAWA Dewan Dakwah BantulEdisi 020/Tahun III/2023
Ingin mendapatkan materi Khutbah Jumat?
🟢 Group WhatsApp 2️⃣ : https://chat.whatsapp.com/JwOZ6ZelLUx5BTam0cYhFn
🔵 Naskah lengkap dari awal bisa dibuka di Channel Telegram : https://t.me/khutbah_DDII_Bantul
REFORMASI: BECIKNO AWAKMU
Dening : ust. Muslih A. Karim
Khutbah I
الْحَمْدُ لِلَّهِ الَّذِي هَدَانَا لِهَاذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ .أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّداً عَبْدُهُ وَرَسُوْلُهُ. اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن
فَيَا اَيُّهَا الْحَاضِرُوْنَ، اِتَّقُوْا اللهَ حَقَّ تُقَاتِهِ وَلَاتَمُوْتُنَّ اِلَّا وَأَنْتُمْ مُسْلِمُوْنَ .قَالَ الله تَعَالَى أَعُوْذُ بِاللهِ مِنَ الشَّيْطَانِ الرَّجِيْمِ .يَا أَيُّهَا الَّذِيْنَ ءَامَنُوا اتَّقُوا اللهَ وَقُوْلُوْا قَوْلاً سَدِيْدًا. يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوْبَكُمْ وَمَنْ يُطِعِ اللهَ وَرَسُوْلَهُ فَقَدْ فَازَ فَوْزًا عَظِيْمًا
Ma’asyiral muslimin rahimakumullah,
Islam minangka agami ingkang “solutif”, tegesipun tansah paring margi kangge ngluwari perkawis ruwet rentenging gesangipun umat manungsa. Saben ngadhepi perkawis lan mbebayani gesang, agami Islam bakal ngrampungi tanpa nilar tilas ingkang ndamel piawon utawi karisakan. Allah SWT paring firman:
اللّهُ وَلِيُّ الَّذِينَ آمَنُواْ يُخْرِجُهُم مِّنَ الظُّلُمَاتِ إِلَى النُّوُرِ وَالَّذِينَ كَفَرُواْ أَوْلِيَآؤُهُمُ الطَّاغُوتُ يُخْرِجُونَهُم مِّنَ النُّورِ إِلَى الظُّلُمَاتِ أُوْلَـئِكَ أَصْحَابُ النَّارِ هُمْ فِيهَا خَالِدُونَ ﴿٢٥٧﴾
“Allah minangka pemimpin tumrap wong kang padha iman; Panjenengane ngluwari wong iman saka pepeteng urip (kafir) tumuju cahya pepadhang (iman). Lan wong-wong kafir, pemimpine yaiku syaitan, kang ngluwari dheweke saka cahya pepadhang (iman) tumuju pepeteng (kafir). Wong-wong mau dadi ahli neraka; dheweke langgeng mapan ing njerone”. (QS al Baqarah: 257)
Ma’asyiral muslimin rahimakumullah,
Ing salebeting sejarah sumebaring agami Islam, sampun kathah ingkang mangertos bilih rumiyin masyarakat Arab dipun kenal ngalami jaman jahiliyah. Sawernaning lampah awon lan risak dipun lampahi. Wiwit laku mabuk-mabukan, ngabotohan, remen perang, fanatic suku lan golongan, ugi nyembah braholo ing mawerni-werni wujudipun. Prasasat gesng menika peteng ndhedhet, tanpa sumunaring cahya pepedhang.
Sanalika agami Islam tumurun, pramila perkawis menika enggal dipun gantos kanthi sumunaring cahya ingkang padhang njinglang. Masyarakat ingkang rumiyin sami cengkah memungsuhan saget manunggal kanthi ‘gendera iman’
لَوْ أَنفَقْتَ مَا فِي الأَرْضِ جَمِيعاً مَّا أَلَّفَتْ بَيْنَ قُلُوبِهِمْ وَلَـكِنَّ اللّهَ أَلَّفَ بَيْنَهُمْ إِنَّهُ عَزِيزٌ حَكِيمٌ ﴿٦٣﴾
“Saumpama siro mblanja-ake sakabehing bandha kang ono ing bumi, yekti siro ora bakal bisa manunggalake atine wong-wong akeh; nanging Gusti allah piyambak kang wis nyawijek-ake atinene wong-wong iku. Satemene Panjenengane Allah Maha Gagah Prakosa lan maha Wicaksana. (QS Al Anfal : 63)
Kahanan mekaten mirip kaliyan ing negari kita, Indonesia. Nalika nembe kajajah salebetipun atusan taun kahananipun kocar-kacir mboten nyawiji. Salajengipun kanthi rahmat saking Allah SWT saget mmanunggal lan dipun impugn minangka satunggaling bangsa , ingkang ing tembenipun lahir minangka negari ingkang dipun sebat NKRI.
Ma’asyiral muslimin rahimakumullah,
Agami Islam paring piwucal ing kita amrih gesang menika tansah dipun enggalaken, lan sampun ngantos pasrah dhumateng kahanan. Kita sedaya minangka pribadi utawi dados anggotaning masyarakat utawi bangsa ing ndonya kedah nggadhahi penggalih ing wigatosipun nindakaken reformasi (perbaikan) diri menika.
Jumbuh kaliyan swasana reformasi lan kebangkitan nasional ing saat menika, greget ingkang mekaten perlu kita krembaka-aken. Allah SWT paring pemut bilih nasib gesangipun saben tiyang mboten bakal wonten owah-owahan, kejawi yen tiyang menika nindak-aken owah-owahan ini dhiri pribadinipun. Bab menika kasebat ing firman Allah:
إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وَإِذَا أَرَادَ اللّهُ بِقَوْمٍ سُوءاً فَلاَ مَرَدَّ لَهُ وَمَا لَهُم مِّن دُونِهِ مِن وَالٍ ﴿١١﴾
“Satemene Allah ora bakal ngowahi kahanan sawijining kaum, sahingga dheweke ngowahi kahanan kang ono ing awake dhewe. Lan menawa Allah ngersa-ake kahanan olo tumrap sawijining kaum, mangka ora ono kang bisa nolak; lan babar pisan ora ono kang bisa dadi pengayon kejaba panjenengane Allah.” (QS Ra’du: 11)
Reformasi diri utawi bebecik awak ingkang dipun maksud inggih menika perkawis “nalar (penggalih) utawi mindset !
Swasana utawi kahanan ingkang kita adhepi, saumpami ing kahanan ingkang awon, sampun ngantos dipun pisuhi utawi dipun getuni.; nanging menika minangka satunggaling pacoban: kados pundi kita bakal ngadhepi lan tumindak. Allah paring dhawuh:
إِنَّا جَعَلْنَا مَا عَلَى الْأَرْضِ زِينَةً لَّهَا لِنَبْلُوَهُمْ أَيُّهُمْ أَحْسَنُ عَمَلاً ﴿٧﴾
“Satemene ingsun Allah wis ndadek-ake apa kang ana ing bumi minanga pepaes, amrih ingsun Allah paring pacoban ing manungsa: endi kawula kang paling becik amal tumindake.” (QS al Kahfi: 7)
Ma’asyiral muslimin rahimakumullah,
Kita gesang ing salebeting mawerni-werni kahanan, dene kita ugi sampun dipun paring sangu kanthi wontenipun penggalih (ati) akal lan hawa nepsu. Sedaya minangka “modal” kangge ngadhepi perkawis gesang menika.
Menawi kita dumunung ing lingkungan ingkang sampun sae, pramila perlu nagturaken syukur awit kesaenanipun. Nanging menawi wontenipun lingkungan ingkang awon, adat lan budaya masyarakatipun risak, pramila kedah dipun singkiri, sampun ngantos kita midherek (ela-elu); lan malah yen saget dipun cegah lan dipun kendel-aken. Rasulullah SAW paring sabda
لَا تَكُونُوا إِمَّعَةً تَقُولُونَ: إِنْ أَحْسَنَ النَّاسُ أَحْسَنَّا، وَإِنْ ظَلَمُوا ظَلَمْنَا، وَلَكِنْ وَطِّنُوا أَنْفُسَكُمْ إِنْ أَحْسَنَ النَّاسُ أَنْ تُحْسِنُوا، وَإِنْ أَسَاءُوا فَلَا تَظْلِمُوا
“siro ojo dadi wong kang seneng ela-elu, kang ngucap, “Yen wong-wong tumindak becik, mula aku uga melu tumindak becik; lan yen wong-wong tumindak zhalim (aniaya) mula aku uga zhalim.” Nanging padha kuwatno antebing atimu, menawa wong akeh tumindak becik, siro uga tummindak becik; dene menawa wong akeh padha tumindak olo, siro ojo tumindak zhalim.” (HR: Tirmidzi).
Ing salebeting al-Qur’an kita ugi dipun emutaken:
وَإِن تُطِعْ أَكْثَرَ مَن فِي الأَرْضِ يُضِلُّوكَ عَن سَبِيلِ اللّهِ إِن يَتَّبِعُونَ إِلاَّ الظَّنَّ وَإِنْ هُمْ إِلاَّ يَخْرُصُونَ ﴿١١٦﴾
“Lan yen siro nuruti akeh-akhee wong ing bumin yekti wong-wong iku bakal nyasarake siro saka dalanr Allah. Wong-wong mau mung nuruti pangira-ira wae, lan dheweke ora liya mung ngapusi marang Allah.” (QS Al An’am: 116)
Ma’asyiral muslimin rahimakumullah,
Allah SWT ugi paring panjurung amrih kados pundi ing salebeting gesang menika saben tiyang amrih remen gegancangan (berlomda; age-age) ing tumindak kesaenan.
وَلِكُلٍّ وِجْهَةٌ هُوَ مُوَلِّيهَا فَاسْتَبِقُواْ الْخَيْرَاتِ أَيْنَ مَا تَكُونُواْ يَأْتِ بِكُمُ اللّهُ جَمِيعاً إِنَّ اللّهَ عَلَى كُلِّ شَيْءٍ قَدِيرٌ ﴿١٤٨﴾
“Lan saben umat nduweni kiblat dhewe. kang dheweke ngadhep (minangka pandom). Mangka prayoga siro padha gegancangan ing laku kabecikan. Ing ngendi wae papan siro dumunung yekti Allah bakal ngumpulake siro (ing dina kiamat). Satemene Allah Maha Kuwasa tumrap sakabehing perkara.” (QS Al Baqarah 148)
Ing salebeting gesang menika kita kedah nggadhahi krenteg (tekad) kanagge ngamal shaleh ingkang sakathah-kathahipun, amrih saget manfaat dhateng sesami, kados dhawuhipun Rasulullah SAW:
وَخَيْرُ النَّاسِ أَنْفَعُهُمْ لِلنَّاسِ
“Lan sabecik-beciking wong yaiku kang paling akeh manfaate tumrap wong liyane.” (HR. Ath-Thabarani )
Gesangipun tiyang mukmin samesthinipun kebak ing raos kangge ngathah-ngatahaken kesaenan (amal shaleh); sahingga piyambakipun nampi kathah manfaat, mboten ndamel rugi tiyang sanes. Nabi Shallallahu ‘Alaihi Wasallam paring sabda:
خَيْرُكُمْ مَنْ يُرْجَى خَيْرُهُ وَيُؤْمَنُ شَرُّهُ
“Sabecik-becike wong ing antarane siro yaiku wong kang paling diarep-arep tumindak becike, lan (wong lliya) rumangsa aman (tentrem) saka tumindake kang olo.” (HR. At-Tirmidzi no. 2263).
Ing hadits menika saestu sampun gamblang, kadospundi tumindakipun tiyang mukmin sageta tansah nuwuhaken raos aman lan tentrem tumrap tiyang sanes. Sampun ngantos justru kita dados tiyang ingkang dipun singkiri, dipun tolak lan dipun sengiti tiyang, jalaran tumindak ingkang ndamel rugi masyarakat. Bab menika dumados nalika tiyang sanes rumaos kuwatir, ajrih lan ajrih awit tumindak kita ingkang nuwuhaken bebaya.
Mekaten atur khutbah ing siang menika mugi mbekta manfaat, lan kita saget nindakaken reformasi (ndandani) dhiri dados satunggaling tiyang ingkang paring manfaat, sarta saget nyipta-aken katentreman klan raos aman tumrap tiyang sanes ing kanan-kiring kita. Amiin
أَقُوْلُ قَوْلِيْ هٰذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ
Khutbah II
الْحَمْدُ لِلّٰهِ رَبِّ الْعَالَمِيْنَ، وَبِهِ نَسْتَعِيْنُ عَلَى أُمُوْرِ الدُّنْيَا وَالدِّيْنِ، أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمِّدًا عَبْدُهُ وَرَسُوْلُهُ، اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ
أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ
إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا.
اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، وَبَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، فِي العَالَمِيْنَ إِنَّكَ حَمِيْدٌ مَجِيْدٌ،
اللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدُّعَاءِ.
اللَّهُمَّ إِنَّا نَسْأَلُكَ الْهُدَى وَالتُّقَى وَالعَفَافَ وَالغِنَى.
اَللَّهُمَّ أَصْلِحْ لَنَا دِيننَا اَلَّذِي هُوَ عِصْمَةُ أَمْرِنَا وَأَصْلِحْ لَنَا دُنْيَا نَا اَلَّتِي فِيهَا مَعَاشنَا وَأَصْلِحْ لَنَا آخِرَتَنَا اَلَّتِي إِلَيْهَا مَعَادنَا وَاجْعَلْ اَلْحَيَاةَ زِيَادَةً لَنَا فِي كُلِّ خَيْرٍ وَاجْعَلْ اَلْمَوْتَ رَاحَةً لَنَا مِنْ كُلِّ شَرٍّ.
رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ.
رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ.