NGGAYUH KABUNGAHAN BEBARENGAN KULAWARGA

Naskah Khutbah Jumat BAHASA JAWA Dewan Dakwah BantulEdisi 026/Tahun III/2023

Ingin mendapatkan materi Khutbah Jumat?

🟢 Group WhatsApp 2️⃣ : https://chat.whatsapp.com/JwOZ6ZelLUx5BTam0cYhFn

🔵 Naskah lengkap dari awal bisa dibuka di Channel Telegram : https://t.me/khutbah_DDII_Bantul

NGGAYUH KABUNGAHAN BEBARENGAN KULAWARGA
Dening : Ust. M. Fajar Sidik

اَلْحَمْدُ ِللهِ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَكَفَى بِاللَّهِ شَهِيداً
أَشْهَدُ أَنْ لاَ إِلهَ إِلَّا اللهُ وَحْدَهُ لاَ شَرِيْكَ لَهُ. وَأَشْهَدُ أَنّ مُحَمّدًا عَبْدُهُ وَرَسُوْلُهُ لاَ نَبِيَّ بَعْدَهُ.
اَللهُمَّ صَلِّ وَسَلّمْ عَلٰى سَيِّدِنَا مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن. اَمَّا بَعْدُ، فَيَا عِبَادَ اللهِ، اُوْصِيْكُمْ وَاَيَّايَ بِتَقْوَى اللهِ وَطَاعَتِهِ لَعَلَّكُمْ تُفْلِحُوْنَ.
يَاأَيّهَا الّذَيْنَ آمَنُوْا اتّقُوا اللهَ حَقّ تُقَاتِهِ وَلاَ تَمُوْتُنَّ إِلاّ وَأَنْتُمْ مُسْلِمُوْنَ
قَالَ اللهُ تَعَالَى فِي الْقُرْآنِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ.
يٰٓاَيُّهَا الَّذِيْنَ اٰمَنُوْا قُوْٓا اَنْفُسَكُمْ وَاَهْلِيْكُمْ نَارًا وَّقُوْدُهَا النَّاسُ وَالْحِجَارَةُ عَلَيْهَا مَلٰۤىِٕكَةٌ غِلَاظٌ شِدَادٌ لَّا يَعْصُوْنَ اللّٰهَ مَآ اَمَرَهُمْ وَيَفْعَلُوْنَ مَا يُؤْمَرُوْنَ

Ma’asyiral Muslimin Rahimakumullah,
Saat menika kita taksih ing salebeting wekdal hari raya Qurban, sae sanget kita gina-aken kagem paring kawigatosan ageng tumrap perkawis kulawarga, menapa malih nembe kemawon wonten prastawa “Hari Keluarga” ing tanggal 29 Juni kapengker.

Ing antawisipun nikmat ingkang kedah kita syukuri ing salebeting gesang menika inggih wontenipun kulawarga, ingkang minangka papan sepisanan tumrap kita sedaya pikantuk piwucal gesang salebting bebrayan. Saben tiyang mesthi wonten pepenginan nggadhahi kulawarga ingkang saget dados papan nggegulang dhiri lan pasinaon bab panggesangan, sinambi dados papan mirunggan kagem ngaso, kanthi dipun sartani esem lan geguyon kebak ing kabingahan, lan kahanan harmonis ing padintenanipun.

Dumadosipun bangsa saestu kedadosan saking kumpulanipun kulawarga-kulawarga, sahingga saget dipun sebat bilih kulawarga menika minangka pondasinipun bangsa. Menawi kahananing kulawarga menika sami rukun, ayem tentrem, pramila mekaten ugi kahananipun bangsa. Nanging suwalikipun, menawi kahananipun kulawarga ‘horeg’, ruwet utawi amburadul, pramila saget dipun pesthik-aken biloh kahananing bangsa nembe nandhang masalah awrat.

Kulaarga ideal saestunipun inggih kulawarga ingkang ayem tentrem, harmonis lan kebak kabingahan. Ayem tentrem jalaran dipun lambari raos asih tresna. Harmonis keranten pesrawungan antawisipun suami-isteri, tiyang sepuh lan putra saget rumaket lan njangkepi. Bingah amergi panjangka saking anggota kulawarga saget ginayuh lan kacekapan.

Ma’asyiral Muslimin Rahimakumullah,
Ing salebeting hadits dipun sebataken bilih ngurus utawi nyekapi kabetahan kulawarga kanthi lampah ingkang sae mujudaken perkawis ingkang kedah dipun tengenaken dening tiyang muslim:

عَنْ عَائِشَةَ رضي الله عنها قَالَتْ قَالَ رَسُولُ اللَّهِ صلى الله عليه وسلم
خَيْرُكُمْ خَيْرُكُمْ لأَهْلِهِ وَأَنَا خَيْرُكُمْ لأَهْلِى
“Aisyah radhiyallāhu ‘anhā matur, ‘Rasulullah saw paring sabda, ‘Sabecik-becike wong ing antarane sira yaiku wong kang paling bacik marang kulawargane, lan Ingsun (nabi) minangka wong kang paling becik marang kulawargaku.’” (HR Tirmidzi)

Hadits menika nedahaken bilih perkawis nyekapi betahing kulawarga dados bab ingkang dipun tengenaken minangka “prioritas”. Kathah pria lan wanita sukes lan sembada, tangguh tuwuhipun sakinh kulawarga ingkang harmonis;mekaten ugi mboten sekedhik lare ingkang nggayuh prestasi asalipun saking kulawarga ingkang bakoh.

Ma’asyiral Muslimin Rahimakumullah,,
Ing salebeting kulawarga ingkang bakoj, para tiyang sepuh paring kawigatosan ingkang ageng tumrap “masa depan” putra lan wayahipun. Bab mekaten kados ingkang ing kitab suci Al-Qur’an:

حَتَّى إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ

“Lan nalika umure tekan patang puluh tau, dheweke ndonga: “Dhuh Allah, mugi paring pitedah ing kawula saget tansah ngaturaken syukur ing nikmat peparing Paduka ing kawula, lan ing tiyang sepuh kawula kekalihipun, lan mugi kawula saget nindak-aken amal saleh ing Paduka ridhai; mugi Paduka kersa paring kesaenan tumrap putra wayah kawula. Saestu kawula mertobat dhumateng Paduka Allah, lan saestu kawula kalebet golonganipun tiyang ingkang midherek (pasrah)”. (Qs. Al Ahqaf 15)

Ma’asyiral Muslimin Rahimakumullah,,
Kados pundi lampahipun nggayuh kulawarga ingkang harmonis lan tangguh?
Sepisan, Kulawarga dipun dhasari kanthi piwucaling agami.

Kulawarga ingkang madeg kanthi pondasi agami ingkang sae. Sedaya naggota kulawarga nggadhahi raos tansah emut nindak-aken piwucaling agami. Para putra dipun dhidhik kenal lan remen ing agaminipun, sebab menika minangka kuwajibanipun tiyang sepuh. Menawi mboten sanggup, para tiyang sepuh prayoginipun pasrah dhumateng para guru, ustadz utawi kyai ingkang mampu ngleksana-ken tugas menika.Ingkang mekaten dados dhawuhipun Al-Qur’an ing Surat at-Tahrim (66) ayat 6:

يٰٓاَيُّهَا الَّذِيْنَ اٰمَنُوْا قُوْٓا اَنْفُسَكُمْ وَاَهْلِيْكُمْ نَارًا وَّقُوْدُهَا النَّاسُ وَالْحِجَارَةُ
“Hei wong kang padha iman, jaganen awakmu lan kulawrgamu saka bebayani geni neraka, kang urup-urupe kedaden saka manungsa lan watu…” (QS. at-Tahrim [66]: 6)

Temtu kemawon mboten cekap namung kanthi ucapan piwucal, nanging para tiyang sepuh kedah tansah ngguawenthah, ngawat-awati, niti priksa leresipun akidah, pengamalan ibadah lan adab utawi etika padintenanipun anak.

Ma’asyiral Muslimin Rahimakumullah,
Kaping kalih, para tiyang sepuh kedah dados panutan utawi patuladhan nyata tumrap anak. Sae menika ing tindak lampah pedintenan, nalika ngamalaken piwucaling agami, utawi ing satengahing kulawarga lan pesrawungan masyarakat.

Menawi tiyang sepuh ndahwuhi anak supados sholat jamaah ing masjid, mesthu kemawon jalaran tiyang sepih ugi tindak ing masjid. Menawi tiyang sepuh kepingin putranipun dados sholeh, pramila tiyang sepuh ugi nedahaken kanthi tumindak “kados pundi tumindak sholeh padintenan ing satengahing kulawarganipun.
Satunggaling patuladan utawi conto amal tumindak ingkang nyata langkung sae tinimbang sewu nasehat. Lan Allah sampun paring pemut amrih kita nggadhahi amal tumindak ingkang selaras kaliyan ucapan (pangendikan).

يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ ﴿٢﴾ كَبُرَ مَقْتاً عِندَ اللَّهِ أَن تَقُولُوا مَا لَا تَفْعَلُونَ ﴿٣﴾
“Hei wong kang padha iman, ngapa sira ngucapkan apa kang ora sira tindak-ake? Banget gedhe dukane ing ngersane Allah dene sira ngucapake apa-apa kang ora ditindak-ake.” (Qs As Shaf: 2-3)

Ma’asyiral Muslimin Rahimakumullah,
Kaping tiga, Tansah ndonga-aken tumrap kulawarga amrih dipun paring margi ingkang gampil, lancar lan kasil ing sawernaning urusan pakaryan, lan kesaenan ing amal tumindakipun.

Kita dipun dhawuhaken amrih tansah ndonga, kadosdene ingkang kaserat ing Al-Qur’an surat al-Furqan ayat 74:

وَٱلَّذِينَ يَقُولُونَ رَبَّنَا هَبْ لَنَا مِنْ أَزْوَٰجِنَا وَذُرِّيَّٰتِنَا قُرَّةَ أَعْيُنٍ وَٱجْعَلْنَا لِلْمُتَّقِينَ إِمَامًا
“Lan wong-wong kang padha matur (ndonga), ‘Dhuh Gusti Allah, mugi paduka paring nugraha ing kawula garwa lan anak turun kawula minangka pepaes ingkang ngremenaken ing peningal, lan kadadosna kawula minangka pemimpin tumrap tiyang-toyang ingkang takwa’,”

Linangkung maleh menawi donga-donga menika dipun sartani kanthi “laku tirakat” kadosdene umumipun tiyang Jawi, utawi riyadlah ing istilah pesantren. Maksudipun inggih kanthi nindakaken amalan ritual kagem nggayuh satunggaling panjangka kagem nyaket (dhdhepe) dhumateng Allah Ta’ala. saumpami kanthi nindak-aken puasa Senin Kamis, shalat ndalu, utawi maos al-Qur’an.

Ingkang kados mekaten miangka wasilah utawi lantaran, ingkang kasilipun bakal dipun tampi dening putra wayah. Allah paring firman ing surat al-Ma’idah (5) ayat 35:

يٰٓاَيُّهَا الَّذِيْنَ اٰمَنُوا اتَّقُوا اللّٰهَ وَابْتَغُوْٓا اِلَيْهِ الْوَسِيْلَةَ وَجَاهِدُوْا فِيْ سَبِيْلِهٖ لَعَلَّكُمْ تُفْلِحُوْنَ ٣٥
“Hei wong kang padha iman, takwa-o sira marang Allah, ngupadi-o wasilah (dalan kanggo nyaket, dhedhepe) marang Panjenengane Allah, lan nindakno jihad ing dedalane Allah amrih sira antuk kabegjan” (QS. al-Ma’idah [5]: 35)

Ma’asyiral Muslimin Rahimakumullah,
Tindak mekaten minangka pambudidaya menawi dipun lampahi dening para tiyang sepuh temtu bakal dados srananipun tuwuh “tali batin” ingkang caket lan kiyat antawisipun tiyang sepuh lan putra.

Awit kadhang kala wonted tiyang sepuh sampun paring panggulawenthah (ndhidhik) kanthi mekaten awrat, nanging tetep kemawon anak menika angel mangertos, mboten perduli, ngeyel (mbandel), malah wonten ingkang nglawan (mengsahi) toying sepuhipn. Ngadhepi perkawis ingkang kados mekaten, prayoginipun para tiyang sepuh “wadul” lan pasrah dhumateng Allah ingkang murba-wasesa, kanthi panyuwun mugi Allah bakal paring pitedah ingkang sak sae-saenipun ing anak kita.
Ing wekdal Idul Qurban saat menika kita saget mendhet ibrah (piwucal), kados pundi nalikanipu kanjeng Nabi Ibrahim as nampi dhawuh saking Allah ta’ala supados nyembelih putranipun, inggih Ismail? Pramila sangputra, igkang sampun nampi piwucal agami ingkang sae lan lambaran asih tresna ingkang cekap, midherek ing dhawuh lan mboten nglawan dhumateng pangendikan utawi dhawuhipun tiyang sepuh. Inggih kados mekaten potret utawi gegambaranipun kulawarga ingkang tangguh.

Mugi-mugi kita tansah pinaringan kulawarga ingkang paling sae saking Allah SWT. Kuawarha ingkang tansah harmonis, tuwuh lan ngrembaka piwulcaling agami, sami tresna-tinresnan, lan tansah njagi setunggal dhumateng sanesipun, tinebih saking laku kasar, sarta saget dados pemimpin tumrap tiyang ingkang sami takwa. Mekaten khutbah ingkang saget kawula aturaken ing saat menika, mugi manfaat. Amin

بَارَكَ اللهُ لِيْ وَلَكُمْ فِي الْقُرْاٰنِ الْعَظِيْمِ وَنَفَعَنِي وَاِيَّاكُمْ بِمَا فِيْهِ مِنَ الْاٰيَاتِ وَالذِّكْرِ الْحَكِيْمِ وَتَقَبَّلَ مِنِّيْ وَمِنْكُمْ تِلَاوَتَهُ اِنَّهُ هُوَ السَّمِيْعُ الْعَلِيْمُ

Khutbah II

الْحَمْدُ لِلّٰهِ رَبِّ الْعَالَمِيْنَ، وَبِهِ نَسْتَعِيْنُ عَلَى أُمُوْرِ الدُّنْيَا وَالدِّيْنِ، أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمِّدًا عَبْدُهُ وَرَسُوْلُهُ، اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ
أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ
إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا.
اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، وَبَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، فِي العَالَمِيْنَ إِنَّكَ حَمِيْدٌ مَجِيْدٌ،
اللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدُّعَاءِ.
اللَّهُمَّ إِنَّا نَسْأَلُكَ الْهُدَى وَالتُّقَى وَالعَفَافَ وَالغِنَى.
اَللَّهُمَّ أَصْلِحْ لَنَا دِيننَا اَلَّذِي هُوَ عِصْمَةُ أَمْرِنَا وَأَصْلِحْ لَنَا دُنْيَا نَا اَلَّتِي فِيهَا مَعَاشنَا وَأَصْلِحْ لَنَا آخِرَتَنَا اَلَّتِي إِلَيْهَا مَعَادنَا وَاجْعَلْ اَلْحَيَاةَ زِيَادَةً لَنَا فِي كُلِّ خَيْرٍ وَاجْعَلْ اَلْمَوْتَ رَاحَةً لَنَا مِنْ كُلِّ شَرٍّ.
رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ.
رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ.l