Naskah Khutbah Jumat BAHASA JAWA Dewan Dakwah BantulEdisi 029/Tahun III/2023
Ingin mendapatkan materi Khutbah Jumat?
🟢 Group WhatsApp 2️⃣ : https://chat.whatsapp.com/JwOZ6ZelLUx5BTam0cYhFn
🔵 Naskah lengkap dari awal bisa dibuka di Channel Telegram : https://t.me/khutbah_DDII_Bantul
MAKNANI AJINING WEKTU
Dening : Ust Slamet Abdurrahman
Khutbah I
أَلْحَمْدُ لِلَّهِ الَّذِي أَنزَلَ السَّكِينَةَ فِي قُلُوبِ الْمُؤْمِنِينَ لِيَزْدَادُوا إِيمَاناً مَّعَ إِيمَانِهِمْ وَلِلَّهِ جُنُودُ السَّمَاوَاتِ وَالْأَرْضِ وَكَانَ اللَّهُ عَلِيماً حَكِيماً
أَشْهَدُ أَنْ لَا إِلَهَ إِلَّا الله وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ،
اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ
فَيَا أَيُّهَا الْحَاضِرُوْنَ، اِتَّقُوْا الله حَقَّ تُقَاتِهِ وَلَا تَمُوْتُنَّ إِلَّا وَأَنْتُمْ مُسْلِمُوْنَ،
قَالَ اللهُ تَعَالَى فِي الْقُرْآنِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ. يَا أَيُّهَا الَّذِينَ آمَنُوا اتَّقُوا اللَّهَ وَلْتَنظُرْ نَفْسٌ مَّا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ
Ma’asyiral muslimin rahimakumullah,
Wekdal menika saestu cepet lumampah, lan saat menika kita sampun lumebet ing taun 1445 H. Islam paring piwucal amrih kita saestu anggenipun ngajeni wekdal. Ing Al Qur’an surat Al-‘Asher, miangka saweneh surat ingkang populer, Allah SWT paring firman:
وَالْعَصْرِ ﴿١﴾ إِنَّ الْإِنسَانَ لَفِي خُسْرٍ ﴿٢﴾ إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴿٣﴾
“Demi wektu. Satemene umat manunsa yekti padha nandhang karugen; kejaba wong kang padha iman lan nindak-ake amal shaleh lan ling-kinelingan supaya netepi ing bebener, lan ling-kinelingan netepi laku shabar.” (Qs. Al ‘Asher: 1-3)
Kenging menapa kita saget nandhang rugi? Jalaran gesang ingkang kita lampahi menika mboten namung kaping pisan lan namung ing ngalam ndoya menika. Sasampunipun gesang ing ndonya menika, umat manungsa bakal dipun bangkitaken lan gesang malih asperlu dipun pundhuti tanggeljawab ing sedaya amal tumindakipun nalika gesang ing ndonya. Sedaya perkawis bakal dipun rampungi kanthi sampurna ! Allah SWT paring pemut ing firman-ipun:
وَاتَّقُواْ يَوْماً تُرْجَعُونَ فِيهِ إِلَى اللّهِ ثُمَّ تُوَفَّى كُلُّ نَفْسٍ مَّا كَسَبَتْ وَهُمْ لاَ يُظْلَمُونَ
“Lan padha jaganen awakmu saka anane azab kang dumadi ing dina (kiamat) kang ing wektu iku sira kabeh pada dibalek-ake marang panguwasane Allah. Banjur saben-saben kawula diparingi piwales kanthi sampurna awit amal kang wis padha katindak-ake, dene dheweke babar pisan ora padha dianiaya (dirugek-ake).” (Qs. Al Baqarah: 281)
Kanthi lambaran iman wontenipun dinten kiamat menika, kita kedah nindak-aken amal shaleh ingkang selaras kaliyan kersanipun Allah, minangka khlaiq; kados dene ingkang dipun asta dening Rasulullah Muhammad SAW.
Ma’asyiral muslimin rahimakumullah,
Ing hadits Abu Bakrah r.a., Rasulullah SAW paring sabda:
خَيْرُ النَّاسِ مَنْ طَالَ عُمُرُهُ وَحَسُنَ عَمَلُهُ، وَشَرُّ النَّاسِ مَنْ طَالَ عُمُرُهُ وَسَاءَ عَمَلُهُ
“Sabecik-becike manungsa yaiku kang dawa umur lan becik amal tumindake. Lan sa-olo-olone manungsa yaiku kang dawa umure lan olo amal tumindake.” (HR. Ahmad, at-Tirmidzi lan al-Hakim)
Kita kedah tansah emut bilih wekdal lan kesempatan kita menika saestu winates, mbokmenawi mboten bakal dhateng malih manggihi ing kita wekdal sanesipun.
Ibnul Qayyim rahimahullah ngendika :
اِضَاعَةُ الوَقْتِ اَشَدُّ مِنَ الموْتِ لِاَنَّ اِضَاعَةَ الوَقْتِ تَقْطَعُكَ عَنِ اللهِ وَالدَّارِ الآخِرَةِ وَالموْتِ يَقْطَعُكَ عَنِ الدُّنْيَا وَاَهْلِهَا
“Nglirwa-ake ing wektu iku luwih olo tinimbang pepati. Jalaran, nglirwa-ake wektu iku bakal medhot-ake saka eling marang ngersane Allah lan alam akhirat. Dene pepati mung medhot ing sira kelawan donya lan penduduke.”
Ma’asyiral muslimin rahimakumullah,
Kathah tiyang ingkang saestu kepengin gesang dangu ing ngalam ndonya, ingkang menika ketingal ing saben wonten lagu ulang taun amrih diparingi panjang umur. Malah Al-Qur’an njlentrehaken, bilih nalika nyawa satunggaling tiyang dipun cabut, piyambakipun saestu kepingin wangsul dipun gesang-aken ing ngalam ndonya malih, supados saget nindakaken amal shaleh.
Allah Ta’ala parig firman,
حَتَّى إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ لَعَلِّي أَعْمَلُ صَالِحًا فِيمَا تَرَكْتُ كَلا إِنَّهَا كَلِمَةٌ هُوَ قَائِلُهَا وَمِنْ وَرَائِهِمْ بَرْزَخٌ إِلَى يَوْمِ يُبْعَثُونَ
“Hingga nalika teka pepati marang sawijining pawongan, dheweke matur: “Dhuh gusti Allah, mugi saget-o kawula dipun wangsulaken (gesang ing ndoya), amrih kula saget tumindak amal shaleh ingkang sampun kula tilaraken. Babar pisan ora bisa! Satemene iku mung dadi ucapan kang dikandha-ake wae. Lan ing sangarepe wong-wong mau ono tembok kang mbatesi nganti tekane dina kiamat.” (QS. Al Mu’minun: 99-100).Islam paring pitedah, amrih kita mboten namung nengga wekdal, tumindak santai (nglaras), kepara malah wegah-wegahan ngamal shaleh. Nanging kita supados sami ngamal kanthi saestu grengseng kagem sangu utawi cecawis ngadhepi gesang ing akhirat. Ibnu ‘Umar ngendika:
إِذَا أَمْسَيْتَ فَلاَ تَنْتَظِرِ الصَّبَاحَ ، وَإِذَا أَصْبَحْتَ فَلاَ تَنْتَظِرِ الْمَسَاءَ ، وَخُذْ مِنْ صِحَّتِكَ لِمَرَضِكَ ، وَمِنْ حَيَاتِكَ لِمَوْتِكَ
“Menawa kowe ono ing wektu sore, ojo nunggu tekane wektu esuk. Menawa kowe ono ing wektru esuk, ojo nunggu wektu sore. Pigunakno wektu sehatmu sadurunge katekanan ing laramu, lan pigunakno wektu uripmu sadurunge katekanan patimu.” (HR. Bukhari )
Ma’asyiral muslimin rahimakumullah,
Wonten saweneh hadis Rasulullah saw minangka ‘pecut’ kagem ngemutaken kita sedaya amrih sami pinter-pinter mendhet manfaat saking sedaya nikmat peparingipun Allah SWT. Saking sahabat Ibnu ‘Abbas radhiyallahu ‘anhuma, Rasulullah saw paring pangendikan:
اِغْتَنِمْ خَمْسًا قَبْلَ خَمْسٍ : شَبَابَكَ قَبْلَ هَرَمِكَ وَ صِحَّتَكَ قَبْلَ سَقَمِكَ وَ غِنَاكَ قَبْلَ فَقْرِكَ وَ فَرَاغَكَ قَبْلَ شَغْلِكَ وَ حَيَاتَكَ قَبْلَ مَوْتِكَ
“Pigunak-no perkara lima sadurunge katekan perkara lima: (1) Wektu enom-mu sadurunge katekan wektu tuwo, (2) Wektu sehatmu sadurunge katekan lara, (3) wektu sugihmu sadurunge katekan miskin, (4) wektu longgarmu adurunge katekan rupeg, (5) wektu uripmu sadurunge katekan ing pati.” (HR. Al Hakim ing kita Al Mustadrok, jilid 4: 341, Hadits menika shahih, midherek syarat Bukhari Muslim).
Ma’asyiral muslimin rahimakumullah,
Imam Syafi’i rahimahullah ngemutaken ing bab pentingipun wekdal kanthi tetembungan mekaten :
“ الْوَقْتُ كَالسَيْفِ اِنْ لَمْ تَقْطَعهُ قَطَعَكَ “
“Wektu ibarat pedang. Menawa sira ora ngguna-ake kanggo ‘mapras’, mangka sira bakal ‘kepapras’ dening wektu.”
Menawi tiyang Barat gadhah unen-unen “time is money” (wektu iku minangka dhuwit). Tiyang iman maknani wekdal minangka kesempatan kagem tumindak amal kabecikan ingkang bakal ndadosaken gesang menika nggayuh aji lan maknaning gesang. Pramila tumrap kita tiyang Islam, wekdal minangka jati dhiri amal gesang kita ( الوقت هو الحياة )
Tumusipun saking raos emut ing bab mekaten, bakal njurung ing kita kepengin tansah tumindak ing kesaenan, lan nilaraken sawernaning perkawis ingkang mboten piguna. Ingkang mekaten kados dhawuh sabdanipun Rasulullah SAW :
مِنْ حُسْنِ إِسْلاَمِ المَرْءِ تَرْكُهُ مَا لاَ يَعْنِيْهِ
“Becike Islam sawijining wong yaiku dheweke ninggalake sakabehing perkara kang ora ono pigunane tumrap awake dhewe” (HR. Tirmidzi)Saben wekdalipun bakal dipun isi kanthi amal ingkang badhe ngasilaken kesaenan, sahingga nuwuhaken ridho saking Allah SWT. Al-Qur’an paring piwucal kados pundi amrih kita sami ngisi wekdal lan maknani gesang menika :
قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ ﴿١٦٢﴾
“Maturo: “”Saestunipun shalat kawula, ibadah kawula, gesang kawula lan pejah kawula namung kagem (pados ridhanipun) Allah, sesembahaning sedaya alam,” (Qs. Al An’am: 162)
Saking tekad ingkang kados mekaten menika kita sedaya dipun jurung sami gegancangan “lomba” anggenipun ngamal shaleh. Inggih tumindak menapa kemawon ingkang mbekta manfaat (migunani).
Ma’asyiral muslimin rahimakumullah,
Tambahing umur, tegesipun kita taksih pinaringan kesempatan kagem tumindak kabecikan. Pramila kita kedah nglampahi gesang menika kanthi kebak raos grengseng (semangat), jalaran menika minangka “sawah pategalan” kita kagem nenandur ing amal kesaenan. Ing saweneh hadits Rasulullah SAW paring sabda,
احْرِصْ عَلَى مَا يَنْفَعُكَ وَاسْتَعِنْ بِاللَّهِ وَلاَ تَعْجِزْ
“Prayoga sira padha grengseng marang sawernaning perkara kang migunani tumrap sira. Padha nyuwuno pitulung marang Allah, lan sira ojo padha nduweni sipat ringkih (wegah).” (HR. Muslim)Mekaten atur khutbah ing siang menika, mugi manfaat tumrap kita sedaya anggenipun lumebet ngawiti taun enggal 1445 H. Amiin.
بَارَكَ الله لِيْ وَلَكُمْ فِي الْقُرْآنِ الْكَرِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ الْآيَاتِ وَالذِّكْرِ الْحَكِيْمِ. أَقُوْلُ قَوْلِيْ هذا وَأَسْتَغْفِرُ اللهَ لِيْ وَلَكُمْ
Khutbah II
اَلْحَمْدُ لِلّهِ رَبِّ اْلعَالَمِيْنَ، وَاْلعَاقِبَةُ لِلْمُتَّقِيْنَ، وَلاَ عُدْوَانَ إِلَّا عَلىَ الظَّالِمِيْنَ. أَشْهَدُ أَنْ لَا إِلهَ إِلاَّ اللهُ وَحْدَهُ لَا شَرِيْكَ لَهُ، الملِكُ اْلحَقُّ اْلُمبِيْنُ، وَأَشْهَدُ أَنَّ مُحمَّدًا عَبْدُهُ وَرَسُوْلُهُ، اْلَمبْعُوْثُ رَحْمَةً لِلْعَالمِيْنَ.
فَيَاأَيُّهاَالْإِخْوَانُ، أُوْصِيْكُمْ وَإِيَايَ بِتَقْوَى اللهِ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُوْنَ.
إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا .اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، وَبَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، فِي العَالَمِيْنَ إِنَّكَ حَمِيْدٌ مَجِيْدٌ،
اللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدُّعَاءِ.
اللَّهُمَّ إِنَّا نَسْأَلُكَ الْهُدَى وَالتُّقَى وَالعَفَافَ وَالغِنَى.
اَللَّهُمَّ أَصْلِحْ لَنَا دِيننَا اَلَّذِي هُوَ عِصْمَةُ أَمْرِنَا وَأَصْلِحْ لَنَا دُنْيَا نَا اَلَّتِي فِيهَا مَعَاشنَا وَأَصْلِحْ لَنَا آخِرَتَنَا اَلَّتِي إِلَيْهَا مَعَادنَا وَاجْعَلْ اَلْحَيَاةَ زِيَادَةً لَنَا فِي كُلِّ خَيْرٍ وَاجْعَلْ اَلْمَوْتَ رَاحَةً لَنَا مِنْ كُلِّ شَرٍّ.
رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ.
رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ.
عِبَادَ اللهِ :إِنَّ اللهَ يَأْمُرُ بِالْعَدْلِ وَالإِحْسَانِ وَإِيْتَاءِ ذِي القُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ