Naskah Khutbah Jumat BAHASA JAWA Dewan Dakwah BantulEdisi 001/Tahun III/2023
Ingin mendapatkan materi Khutbah Jumat?
🟢 Group WhatsApp 3️⃣ : https://chat.whatsapp.com/LLH6iduekXrCVt4tsszX7I
🔵 Naskah lengkap dari awal bisa dibuka di Channel Telegram : https://t.me/khutbah_DDII_Bantul
Anyarno Uripmu !
Dening : Ust Umar Hidayat, M.Ag.
Khutbah I
اَلْحَمْدُ للهِ. اَلْحَمْدُ للهِ الَّذِيْ بَلَغَنَا إِلَى الْعَامِ الْجَدِيْدِ. أَشْهَدُ اَنْ لَا اِلٰهَ اِلَّا اللهُ ذُو الْعَرْشِ الْمَجِيْدِ وَأَشْهَدُ اَنَّ سَيِّدَنَا وَحَبِيْبَنَا مُحَمَّدًا عَبْدُهُ وَرَسُوْلُهُ الَّذِيْ قَوْلُهُ السَّدِيْدُ.
اَللّٰهُمَّ صَلِّ وَسَلِّمْ وَبَارِكْ عَلٰى سَيِّدِنَا مُحَمَّدٍ وَعَلٰى اٰلِهِ وَاَصْحَابِهِ اَجْمَعِيْنَ. اَمَّا بَعْدُ فَيَاأَيُّهَا الْحَاضِرُوْنَ. اِتَّقُوا اللهَ حَقَّ تُقَاتِهِ وَلَا تَمُوْتُنَّ اِلَّا وَأَنْتُمْ مُسْلِمُوْنَ.
قَالَ اللهُ تَعَالَى فِي الْقُرْاٰنِ الْعَظِيْمِ. أَعُوْذُ بِاللهِ مِنَ الشَّيْطَانِ الرَّجِيْمِ بِسْمِ اللهِ الرَّحْمٰنِ الرَّحِيْمِ ,يٰٓاَيُّهَا الَّذِيْنَ اٰمَنُوا اتَّقُوا اللّٰهَ وَلْتَنْظُرْ نَفْسٌ مَّا قَدَّمَتْ لِغَدٍۚ وَاتَّقُوا اللّٰهَۗ اِنَّ اللّٰهَ خَبِيْرٌ ۢ بِمَا تَعْمَلُوْنَ
Jamaah Jumat ingkang minulya,
Puji syukur sumangga kita kunjuk-aken dhumateng ngarso dalem AllahSWT, awit saking berkah, rahmat lan nikmat peparingipun, kita saget pinanggih ing papan lan majelis ingkang kebak barokah menika saperlu nindakaken ibadah sholat jum’at minangka tandha syukur saking sedaya nikmat ingkang kita tampi.
Shalawat lan salam, mugi katur dhumateng kannjeng Nabi Muhammad SAW, lan sedaya kulawarga, tumedhakipun dhumateng para sahabat, sarta pandherekipun, lan kalebet kita sedaya – mugi mbenjang saget pikantuk syafaatipun ing dinten kiamat. Amin ya rabbal alamin.
Minangka khatib, keparenga kawula ngajak dhumateng sedaya jamaah, sumangga kita tansah mbudidaya kanthi saestu anggenipun nambah raos iman takwa dhumateng Allah ta’ala, inggih kanthi nindaki dhawuh timbalanipun, saha nilar ingkang dados awisan-awisanipun.
Jamaah Jumat ingkang minulya,
Saat menika kita sampun dumunung ing taun enggal 2023, sanget sae yen kita gina-aken kangge mriksani malih lelampahan gesang setau kapengker., sedaya amrih ing taun menika kita nggadhahi ‘grengseng’ ingkang enggal lan gumregut, sae ing urusan [ribadi, kulawarga, utawi salebeting pesrawungan ing masyarakat.
Salebeting urusan pribadi, kados pundi kita ngetingalaken raos tanggeljawab anggenipun nyambut damel (makaryo), nggayuh prestasi ingkang nedahaken bobot kualitas dhiri. Mekaten ugi ing perkawis ngibadah, menapa sampun katindak-aken kanthi tertib, runtut lan tertib, tansaya khusyu’ lan tambah kualitasipun.
Dene ing bab kulawarga, kadospundi kita sampun paring kawigatosan, nyekapi kabetahan padintenan, sahingga saget nggayuh tatanan kulawarga idaman ingkang sakinah mawaddah warahmah. Dene ing gesang pesrawungan masyarakat, menapa kita sampun nggadhahi andil, labih labet utawi nggadhahi sumbangsih kagem ndamel majeng masyarakat ?
Menawi sedaya sampun sae, pramila perlu dipun jagi, lan kadospundi saget tambah sae ing wekdal salajengipun. Dene menawi taksih karaos kirang sae, pramila perlu dipun upaya-aken tambah kesaenanipun. Langkung-langkung menawi ketingal gambling cacat utawi awonipun, pramila kita kedah mbucal, lan nggantos kanthi amal kesaenan. Utawi, paling mboten kita sudo (kiragi) mbaka sekedhik, amrih sanes wekdal mboten dipun ambali tumindak ingkang kados mekaten.
Jamaah Jumat ingkang minulya,
Mulat salira mekaten dhedhasar firman Allah SWT ing Al-Qur’an Surat Al-Hasyr ayat 18 menika:
يٰٓاَيُّهَا الَّذِيْنَ اٰمَنُوا اتَّقُوا اللّٰهَ وَلْتَنْظُرْ نَفْسٌ مَّا قَدَّمَتْ لِغَدٍۚ وَاتَّقُوا اللّٰهَۗ اِنَّ اللّٰهَ خَبِيْرٌ ۢ بِمَا تَعْمَلُوْنَ
“He wong kang padha iman, takwa-o sira marang Allah, lan supaya saben pawongan tansah nggatek-ake tumindak kang wis padha dilakoni (ing dina kepungkur) kanggo kabecikaning dina sesukk (ing akhirat); lan padha takwa-o sira marang Allah, satemene Allah Maha priksa ing sakabehe apa wae kang sira tindak-ake”.
Imam Ibnu Katsir ing kitab Tafsir al-Qur’an al-Azhim, njelasaken bilih ingkang dipun maksud “nggatosaken ing tumindak ingkang sampun kelampah” inggih menika mbiji dhiri pribadi saderengipun mbenjang dipun hisab ing dinten kiamat. Perkawis menika kangge ningali, menapa ingkang sampun kita cawisaken minangka sangu kangge marak sowan dhumateng Allah SWT.
Jumbuh kaliyan maknanipun ayat menika, Imam Hasan al Bashri paring nasehat ingkang sae sanget:
مَنْ كَانَ يَوْمُهُ خَيْرًا مِنْ أَمْسِهِ فَهُوَ رَابِحٌ. وَمَنْ كَانَ يَوْمُهُ مِثْلَ أَمْسِهِ فَهُوَ مَغْبُوْنٌ. وَمَنْ كَانَ يَوْمُهُ شَرًّا مِنْ أَمْسِهِ فَهُوَ مَلْعُوْنٌ
“Sapa wong kang ing dina iki luwih becik tinimbang wingi, mangka dheweke klebu golongan wong kang bejo. Sapa wong kang dina iki padha kelawan dina wingi, mangka dheweke klebu golongan wong kang rugi. Lan, sapa wong kang dina iki luwih olo tinimbang dina wingi, mangka dheweke klebu golongan wong kang cilaka.” (HR Al-Hakim).
Jamaah Jumat ingkang minulya,
Tekad kagem nambah kesaenan ing gesang menika saestu perlu dipun budidaya kaum Muslim amrih saget nggayuh ‘kemajuan’ kanthi lambaran iman lan takwa dhumateng Allah SWT. Tekad ingkang mboten namung kangge nggayuh panggesangan kadonyan, nanging ugi wigatosing gesang akhirat, kados pundi kekalihipun saget ginayuh kebak ing kamluyan lan kinurmat.
Sawernaning tumindak padintenan ingkang ketingalipun namung kangge nyekapi kabetahan gesang kadonya saestunipun ugi saget nggadhahi bobot amal akherat menawi kaniyataken kangge pados ridhanipun Allah ta’ala. Menika dados amalan nindak-aken dhawuhipun Allah kanthi nyambut damel ingkang leres lan temen, nyingkiri lampah awon lan ndamel rugi.
Mekaten menika ‘ngenggalaken amal gesang” kita kanthi ndamel kiyat (bakoh) njejegaken niyat, kadosdene sabda Rasulullah shallallahu ‘alaihi wasallam ing salebeting hadits ingkang dipun riwayataken dening Sahabat Umar bin Khattab r.a. :
إِنَّمَا اْلأَعْمَالُ بِالنِّيَّاتِ وَإِنَّمَا لِكُلِّ امْرِئٍ مَا نَوَى
“Saetemene kabeh amal iku gumantung ing noyate; lan satemene saben-saben wong bakal nampa piwales miturut apa kang wis diniyatake” (HR Bukhari – Muslim)
Gesang ingkang kita lampahi menika sedaya kita raosaken ndamel lungkrah, kesel lan kebak pangorbanan. Allah SWT sampun paring dhawuh:
لَقَدْ خَلَقْنَا الْإِنسَانَ فِي كَبَدٍ ﴿٤﴾
“Satemene Ingsun allah wis nyipta umat manungsa ing sajroning kahanan rekasa.” (Qs. Al Balad: 4)
Amrih ing gesang menika kasil pepuntonipun mboten namung sekedhik kangge betahing gesang kadonyan, pramila tumrap tiyang iman kedah dipun “iguh” kanthi masang niyat ingkang langkung inggil (luur) inggih menika minangka wujud pangibadahan ghairu mahdloh. Sampun ngantos kita nindakaken amalan ignkang namung njalari raos lungkrah lan kesel, nanging mboten pikantuk tambahan minangka amal shaleh ing ngersanipun Allah ta’ala.
Jamaah Jumat ingkang minulya,
Tekad kagem ndandosi panggesangan menika dipun dahwuhaken ing piwucal Islam, kadospundi kanthi raos iman kita sedaya saget mawujud minangka tiyang ingkang paling sae amal tumindakipun, ngajak umat manungsa nglampahi gesang ing salebeting raos iman, tumindak ingkang sae, sarta ningkiri saking lampah munkar.
كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ وَلَوْ آمَنَ أَهْلُ الْكِتَابِ لَكَانَ خَيْراً لَّهُم مِّنْهُمُ الْمُؤْمِنُونَ وَأَكْثَرُهُمُ الْفَاسِقُونَ ﴿١١٠﴾
“Sira iku minangka umat kang paling becik kang dilairake tumrap manungsa, ngajak marang tumindak kang becik, lan nyegah saka laku kang munkar, lan amrih iman marang Allah. Sekirane Ahli Kitab padha iman, mesthi iku luwih becik tumrap dheweke; ing antara ne dheweke ana kang iman, dene akeh-akehe padha laku fasik.” (Qs. Ali ‘Imran: 110)
Menawi kita purun mbuka lan ngaca dhumateng sejarah, gangsal welas (15) abad kapengker; nalika donya menika nyemplung ing alam jahiliyah, umat manungsa kapilut ing lampah dosa lan lampah nistha, dumadakan pinanggih pepadhang ngelmu lan pitedah bebener ingkang kaasto ing piwucal Islam ing tlatah kutha Mekkah.
Cahyanipun sumebar sa-ngalam ndonya. Namung ing wekdal ingkang sigeg, watawis tigalikur (23) taun, umat manungsa manggihaken kamulyan ingkang mekaten agung, setunggaling derajat ingkang dereng nate dipun tampi saderengipun.
Menika ndamel kita emu ting wigatosipun midherek dhumateng piwucal ingkang leres (jejeg) ingkang badhe nenuntun ing kawilujengan, kamulyan lan karaharjan gesang. Umat Islam nggayuh ‘kesuksesan’ mbaka setunggal sahingga dumugi pucuking kamulyaning sejarah. Salebeting pinten-pinten abad dangunipun umat Islam saget dados tetunggul ing ndonya lan dados “superpower” ing jaman semanten.
Jamaah Jumat ingkang minulya,
Eman sanget, wekdal kondhang misuwuripun umat Islam sampun telas kacupet. Surutipun umat Islam inggih jalaran kahanan ringkihipun piyambak saking njagi amal kabecikan lan kirang anggenipun pepacak ndandosi dhiri pribadhi. Wonten ugi saking tiyang sanes ingkang pancen dados mengsah lan kepengin ngrisak dhumateng majengipun Islam. Sanesipun malih, perkawis ingkang ndamel trenyuh inggih wontenipun cecongkrahan sesami tiyang Islam lan kirang nggadhahi raos setya tuhu antawisipun umat Islam kangge nyepeng paugeraning agami, khsusipun bab ukhuwah Islamiyah.
Ing pundi papan kathah pinanggih lampah maksiat, dosa, lan piawon ingkang tambah-matambah mekaten kathah kanthi cepet, malah katindak-aken kanthi terang terwaca mboten wonten raos sungkan pakewuh ing tiyang sanes.
Menawi umat manungsa ngliwati bates anggenipun tumindak munkar, pramila bakal kadumugen wontenipun musibah utawi azab kadosdene pangendikanipun Allah SWT ing Al-Qur’an Surat Al-Isra’ ayat 16:
وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُواْ فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيراً ﴿١٦﴾
“Lan menawa Ingsun Allah ngersa-ake nyirna-ake sawijining negeri, mangka Ingsun paring dhawuh ing wong kang urip sarwa moncer (mewah) ing negeri iku (kanggo taat marang Allah) nanging dheweke malah padha laku fasik, mangka wis sapantese dheweke nampa patrapan sangka Ingsun Allah, banjur ingsun sirna-ake negeri iku sirna tanpa sisa”.
Jamaah Jumat ingkang minulya,
Sakmemika, tugas sejarah masa depan umat manungsa saestu ing ngajeng kita, lan sumampir ing pundhak kita sedaya. Menapa ingkang saget kita tindakaken?
Kita sampun ngatos kakungkung ing ‘ndheg ing pangamun-amun’, namung kepengin wangsul ngemut jaman kapengker. Sampun ngantos gadhah raos jirih, ajrih; mboten perlu sedhih. Sumangga kita wangsung nyuwun pitedahing Allah lan rasul. Kita kedah dados pribadhi ingkang nggadhahi raos pandel lan tatag ing manah, optimisme lan husnuzhan dhumateng Allah.
وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ ﴿١٣٩﴾
“Siro ojo nduweni watak ringkih (jirih), lan ojo nduweni rasa sedhih. Kamangka siro iku kawula kang palig mulya drajat kalungguhane, menawa sira pancen dadi wong kang padha iman” (Qs. Ali ‘Imran” 139)
Generasi awal umat Islam sampun dados patuladhan ing kadospundi ndandosi utawi ndamel sae lampah gesang. Tiyang-tiyang menika saget sami madeg lan lumampah gesang kebak ing sifat kamulyan. Pramila, saestunipun kita ugi badhe saget nindak-aken, anging kedah kanthi syarat, inggih menika wontenipun karep utawi krenteg ingkang kiyat dipun westani minangka azam. Wonten unen-unen “Man jadda wajada”, sapa wonge temen, dheweke bakal nemu (kasil) !
Mumpung taksih ing awal taun, sumangga kita sedaya age-age pepacak, miwiti sedaya saking dhiri pribadhi. “ Ibda’ binafsik “. Mugi gusti Allah SWT tansah paring pitedah, kekiyatan lair batos, sarta paring margi ingkang gampil dhumateng kita anggenipun nindakaken. Amiin.
أَقُوْلُ قَوْلِي هَذَا َوَاسْتَغْفِرُ اللهَ لِي وَلَكُمْ وَلِسَائِرِ المُسْلِمِيْنَ إِنَّهُ هُوَ السَمِيْعُ العَلِيْمُ
Khutbah II
اَلْحَمْدُ لِلَّهِ, اَلْحَمْدُ لِلَّهِ حَمْدًا كَثِيْرًا كَمَا أَمَرَ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمِّدًا عَبْدُهُ وَرَسُوْلُهُ
اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الْقِيَامَةِ
أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ
إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا.
اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، وَبَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، فِي العَالَمِيْنَ إِنَّكَ حَمِيْدٌ مَجِيْدٌ، وَارْضَ اللَّهُمَّ عَنْ خُلَفَائِهِ الرَّاشِدِيْنَ، وَعَنْ أَزْوَاجِهِ أُمَّهَاتِ المُؤْمِنِيْنَ، وَعَنْ سَائِرِ الصَّحَابَةِ أَجْمَعِيْنَ، وَعَنْ المُؤْمِنِيْنَ وَالمُؤْمِنَاتِ إِلَى يَوْمِ الدِّيْنِ، وَعَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ.
اللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدُّعَاءِ.
اللَّهُمَّ اجْعَلْ جَمْعَنَا هَذَا جَمْعاً مَرْحُوْماً، وَاجْعَلْ تَفَرُّقَنَا مِنْ بَعْدِهِ تَفَرُّقاً مَعْصُوْماً، وَلا تَدَعْ فِيْنَا وَلا مَعَنَا شَقِيًّا وَلا مَحْرُوْماً.
اللَّهُمَّ إِنَّا نَسْأَلُكَ الْهُدَى وَالتُّقَى وَالعَفَافَ وَالغِنَى.
اللَّهُمَّ أَنْزِلْ عَلَيْنَا مِنْ بَرَكَاتِ السَّمَاء وَأَخْرِجْ لَنَا مِنْ خَيْرَاتِ الأَرْضِ، وَبَارِكْ لَنَا في ثِمَارِنَا وَزُرُوْعِنَا يَا ذَا الْجَلاَلِ وَالإِكْرَامِ.
اَللَّهُمَّ أَصْلِحْ لَنَا دِيننَا اَلَّذِي هُوَ عِصْمَةُ أَمْرِنَا وَأَصْلِحْ لَنَا دُنْيَا نَا اَلَّتِي فِيهَا مَعَاشنَا وَأَصْلِحْ لَنَا آخِرَتَنَا اَلَّتِي إِلَيْهَا مَعَادنَا وَاجْعَلْ اَلْحَيَاةَ زِيَادَةً لَنَا فِي كُلِّ خَيْرٍ وَاجْعَلْ اَلْمَوْتَ رَاحَةً لَنَا مِنْ كُلِّ شَرٍّ.
اَللّهُمَّ لاَ تَجْعَلْ مُصِيْبَتَنَا فِي دِيْنِنَا وَلاَ تَجْعَلِ الدُّنْيَا أَكْبَرَ هَمِّنَا وَلاَ مَبْلَغَ عِلْمِنَا
اَللَّهُمَّ إِنِّي أَسْأَلُكَ فِعْلَ الخَيْرَاتِ، وَتَرْكَ المُنْكَرَاتِ، وَحُبَّ المَسَاكِينِ، وَإِذَا أَرَدْتَ بِعِبَادِكَ فِتْنَةً فَاقْبِضْنِي إِلَيْكَ غَيْرَ مَفْتُونٍ
رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ.
رَبَّنَا لا تُزِغْ قُلُوْبَنَا بَعْدَ إِذْ هَدَيْتَنَا، وَهَبْ لَنَا مِنْ لَدُنْكَ رَحْمَةً، إِنَّكَ أَنْتَ الوَهَّابُ.
رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ.
عِبَادَ اللهِ :إِنَّ اللهَ يَأْمُرُ بِالْعَدْلِ وَالإِحْسَانِ وَإِيْتَاءِ ذِي القُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ