Naskah Khutbah Jumat Bahasa Jawa Dewan Dakwah BantulEdisi 050/Tahun II/2022
Ingin mendapatkan materi Khutbah Jumat?
🟢 Group WhatsApp 4️⃣ : https://chat.whatsapp.com/HuyMTmy9wVn2vdG1HRQMSw
🔵 Naskah lengkap dari awal bisa dibuka di Channel Telegram : https://t.me/khutbah_DDII_Bantul
Qolbun Salim
Dening : Ust Luthfi Makarim
Khutbah I
إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهُ، وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ.
أَشْهَدُ أَنَّ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ
اَللَّهُمَّ صَلِّ وَسَلِّمْ عَلَى نَبِيِّنَا وَرَسُوْلِنَا مُحَمَّدٍ صَلَّى ا للهُ عَلَيْهِ وَسَلَّمَ وَعَلَى آلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ
يَا أَيُّهَا الَّذِينَ آَمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
يَا أَيُّهَا الَّذِينَ آَمَنُوا اتَّقُوا اللَّهَ وَقُولُوا قَوْلًا سَدِيدًا ، يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا
قَالَ اللهُ تَعَالَى فِي الْقُرْآنِ الْعَظِيْمِ:
يَا أَيُّهَا النَّاسُ اعْبُدُواْ رَبَّكُمُ الَّذِي خَلَقَكُمْ وَالَّذِينَ مِن قَبْلِكُمْ لَعَلَّكُمْ تَتَّقُونَ ﴿٢١﴾
Ma’asyiral muslimin rahimakumullah,
Saestunipun wonten perkawis ageng lan sanget wigatos ing salebeting gesang kita menika ingkang supados dipun tengenaken, inggih menika nggulawenthah kesaenanipun ati. Ndamel amrih tansah resik (suci) lan nenuntun amrih tansah tundhuk midherek ing piwucaling agami.
Atining manungsa dipun ibarataken kadosdene ratu tumrap sedaya peranganing raga. Sedaya ngelmu lan raos ingkang ngebaki ing ati bakal ‘printah’ ing peranganing raga obah lan tumindak. Saenipun ati bakal njalari kesaenan ing perangan badan sanesipun, mekaten ugi cacat utawi risaking ati bakal nuwuhaken risakipun amal tumindak raga.
Ing satunggaling hadits, saking sahabat An-Nu’man bin Basyir r.a., kanjeng Nabi Muhammad SAW paring sabda:
أَلاَ وَإِنَّ فِي الجَسَدِ مُضْغَةً إِذَا صَلَحَتْ صَلَحَ الجَسَدُ كُلُّهُ، وَإِذَا فَسَدَتْ فَسَدَ الجَسَدُ كُلُّهُ؛ أَلاَ وَهِيَ القَلْبُ
“Mangerti-o, satemene ing sajroning jasad ono saprengkel daging. Yen dheweke becik, mangka bakal dadi becik uga jasad iku. Dene yen dheweke rusak, mangka dadi rusak uga jasad iku. Saprengkel daging iku jenenge ati.” (HR. al-Bukhari lan Muslim)
Kados mekaten jarwanipun, kenging menapa wonten tiyang ingkang sacara gelar tata lair ketingal kinormat, ayu utawi bagus; malah asalipun saking golongan priyayi ingkang dipun anggep mulya, nanging nggadhahi patrap awon, risak. Tumindakipun nistha, ucapanipun kasar lan asring ndamel sakit ing raos tiyang sanes. Menika sedaya minangka pertandha bilih atinipun ing kahanan ingkang awon, kedunungan ‘penyakit’ utawi sampun risak.
Ma’asyiral muslimin rahimakumullah,
Saestunipun Allah SWT mboten bakal mriksani (mbiji) ing pacakan gelar tata lair lan kathahing bandha donya manungsa, nanging mriksani batin manungsa, inggih isinipun ati lan amal tumindakipun.
Ing satunggaling hadits saking sahabat Abu Hurairah r.a., Rasulullah shallallahu ‘alaihi wa sallam paring sabda:
إِنَّ اللهَ لَا يَنْظُرُ إِلَى صُوَرِكُمْ وَأَمْوَالِكُمْ وَلَكِنْ يَنْظُرُ إِلَى قُلُوبِكُمْ وَأَعْمَالِكُمْ
“Satemene Allah ora mriksani ing wujuding badan lan arta bandha-nira. Nanging, Allah mriksani ing sajroning ati lan amal tumindak-ira.” (HR. Muslim)
Ing bab sanes, kalbu (ati) minangka perangan badan ingkang gampil sanget ngalami owah-owahan kahanan. Ati menika ringkih lan gampil dipun pengaruhi. Perkawis menika kadosdene ingkang dipun ngendika-aken Rasulullah SAW:
إِنَّ قُلُوبَ بَنِي آدَمَ بَيْنَ أَصْبِعَيْنِ مِنْ أَصَابِعِ الرَّحْمَنِ يُقَلِّبُهَا كَيْفَ يَشَاءُ
“Satemene atine Bani Adam iku dumunung ing antarane driji loro saka driji panguwasane Allah. Panjenengane gampang wae mbolak-mbalik-ake miturut kersane.” (HR. Muslim, saka sahabat Abdullah bin Amr bin Ash r.a.)
Ma’asyiral muslimin rahimakumullah,
Atining manungsa menika asring dipun pengaruhi perkawis awon (negative) ingkang bakal ngrisak sipat resik (bening) lan ikhlasipun ing salebeting pangibahan dhumateng Allah. Kadangkala wonten tiyang ingkang padintenan sampun tekun ngibadah, semangat lan ketingal nggadhahi iman ingkang kiyat. Nanging piyambakipun nganggep tiyang sanes menika remeh lan kathah kekiranganipun. Sahingga nalika manggihi kirangipun tiyang sanes menika kanthi gampil ‘ngritik’ lan katindak-aken langsung tanpa tedheng aling-aling, ingakng njalari tiyang sanes tuwuh raos isin lan wiring.
Wonten maleh wujud raos ‘sengit’ utawi “ghil” ingkang katujok-aken dhateng pribadhi utawi kelompok tiyang tertemtu. Bab menika dipun jalari saking pemanggih bilih solah bawa lan tumindakipun klentu, lan kedah dipun candheg, nanging caranipun mboten wicaksana. Malah asring lampah kasar lan mboten ngremenaken. Perkawis menika kelampah jalaran sifat utawi akhlak ingkang awon, kadosdene: takabur, hasad (dengki). Utawi kirang mangertos kadospundi sopan santunipun ukhuwan dhuateng sesami sedherek ingkang nunggal iman (muslim).
Ma’asyiral muslimin rahimakumullah,
Ing perkawis sanes, kita mesthi emut, kados pundi sejarah dumadosipun umat manungsa sepisanan (Adam) iingkang lampahipun ngakibat-aken iblis nampi laknat?
Dipun riwayataken, rumiyin Iblis menika dados kawulanipun Allah ingkang paling taat lan sregep ngibadah dhumateng Allah. Nanging jalaran rumaos langkung sae, pramila piyambakipun nolak dhawuhipun Allah kangge ngurmat ing nabi Adam. Akhiripun iblis dipun laknat dening Allah bakal mapan ing neraka. Ingkang mekaten ndadosaken raos ndhem-dnheman lan sengit si-Iblis dhuateng manungsa, lan gadhah tekad bakal mbales kanthi nyasaraken manungsa ngagem sawernaning lampah.
Kita perlu waspada ing salebeting gesnag menika, sampun ngantos ati kita dipun kuwaosi dening hawa nafsu ingkang bakal ngrusak akhlak; kadosdene risakipun iblis ingkang nampi laknat menika.
Kanjeng Nabi Ibrahim As nate nyuwun dhumateng Allah amrih mbenjang ing akhirat mboten dipun bangkitaken ing kahanan ingkang ino (nistha):
وَلَا تُخْزِنِى يَوْمَ يُبْعَثُونَ يَوْمَ لَا يَنفَعُ مَالٌ وَلَا بَنُونَ إِلَّا مَنْ أَتَى ٱللَّهَ بِقَلْبٍ سَلِيمٍ
“Lan mugi Paduka Allah mboten ndamel ino ing kawula ing wontenipun dinten manungsa dipun bangkitaken (saking kubur), inggih nalika sedaya arta bandha lan anak jaler sampun mboten puguna, kejawi tumrap toying ingkang marak sowan ing Padyka allah kanthi ati ingkang resik.” (surat Asy-Syu’ara ayat 87-89)
Ma’asyiral muslimin rahimakumullah,,
Qolbun salim utawi ati ingkang resik, inggih meika satunggaling kahanan ati ingkang tebih saking sipat awon, nafsu nistha, akhlak ino. Lan ati ingkang resik inggih ati ingkang kebak raos ikhlas dhumateng Allah. Lega lilonglampahi gesang sesarengan kaliyan tiyang ingkang nunnggal iman, kanthi sesaya sipat winates lan kekiranganipun. Sabar lan asih tresna nalika paring pemut utawi nasehat, sebab sedaya namung kagemngibadah lan kepengin ngupadi ridhanipun Allah ta’ala. Nalika ati ing salebeting kahanan mekaten, pramila sampun diseut westani ‘ati ingkang resik’, ati ingkang slamet, utawi qolbun salim.
Pramila kanjeng Nabi SAW ndonga dhumateng Allah amrih pinraingan ati ingkang resik (qolbun salim) menika:
وَأَسْأَلُكَ قَلْبًا سَلِيمًا
“Kawula nyuwun dhuateng Paduka wujud ati ingkang resik.”
Malah kita dipun paring piwucal kanthi satunggaling dinga amrih saget uwal saking raos sengit dhumateng tiyang sanes, linangkung dhumateng sesame tiyang iman ingkang langkung rumiyin nggadhahi kathah kesaenan:
رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلّاً لِّلَّذِينَ آمَنُوا رَبَّنَا إِنَّكَ رَؤُوفٌ رَّحِيمٌ
“Dhuh Gusti Allah, mugi paring pangapunten ing kawula lan sedherek-sedherek kawula ingkang sampun langkung rumiyin anggenipun iman tinimbang kawula, lan mugi Paduka mboten ndadosaken wontenipun raos sengit (dengki) ing anah kawula dhumateng tiyang-tiyang iman. Dhuh gusti Allah, saestu Paduka Dzat ingkang Maha Welas lan Asih “. (Qs. Al Hasyr: 10)
Ma’asyiral muslimin rahimakumullah,,
Saestunipun Allah SWT sampun njanjek-aken suwarga naming kagem tiyang iman ingkang atinipun resik saking sedaya wujud raos sengit (dengki) dhumateng sesami tiyang.
إِنَّ الْمُتَّقِينَ فِي جَنَّاتٍ وَعُيُونٍ ﴿٤٥﴾ ادْخُلُوهَا بِسَلاَمٍ آمِنِينَ ﴿٤٦﴾ وَنَزَعْنَا مَا فِي صُدُورِهِم مِّنْ غِلٍّ إِخْوَاناً عَلَى سُرُرٍ مُّتَقَابِلِينَ ﴿٤٧﴾
“Satemene wong-wong kang padha takwa iku mapan ing suwarga kang wujud taman-taman endah, lan ing cedhake banyu tuk kang mili. (Wong-wong mau padha nampa pakurmatan kanthi ucapan): Mlebu-o ing sajroning suwarga kanthi rasa kabungahan lan katentreman” lan Ingsun Allah sirna-ake rasa sengit (ndhem-ndheman) kang dumunung ing atine wog-wong mau, dene dheweke rumangsa padha paseduluran kanthi lungguh adhep-adhepan ing sak ndhuwuri dipan-dipan.” (Qs. Al Hijr : 45-47)
Menopo-to kita saget nggayuh ati ingkang resik utawi Qolbun salim menika?
Mekaten khutbah siang menika, mugi manfaat kagem kita. Amiin.
بَارَكَ اللهُ لِي وَلَكُمْ فِي الْقُرْآنِ الْعَظِيْمِ. وَنَفَعَنِي وَاِيِّاكُمْ بِمَا فِيْهِ مِنَ الآيَاتِ وَالذِّكْرِ الْحَكِيْمِ. وَتَقَبَّلَ الله مِنِّي وَمِنْكُمْ تِلاوَتَهُ اِنَّهُ هُوَاالسَّمِيْعُ الْعَلِيْمُ
Khutbah II :
اَلْحَمْدُ للهِ رَبِّ اْلعَالَمِيْن، وَالعَاقِبَةُ لِلْمُتَّقِيْنَ، وَلاَ عُدْوَانَ إِلاَّ عَلَى الظَّالِمِيْنَ، وَنَشْهَدُ أَنْ لَا إِلَهَ إِلَّا اللَّهُ وَحْدَهُ لاَ شَرِيْكَ لَهُ وَلِيُّ الصَّالِحِيْنَ
وَنَشْهَدُ أَنَّ مُحَمَّدًا عَبْدُهُ وَرَسُولُهُ إِمَامُ اْلأَنْبِيَاءِ وَالْمُرْسَلِيْنَ، وَأَفْضَلُ خَلْقِ اللهِ أَجْمَعِيْنَ، صَلَوَاتُ اللهِ وَسَلاَمُهُ عَلَيْهِ، وَعَلَى آلِهِ وَصَحْبِهِ وَالتَّابِعِيْنَ لَهُمْ بِإِحْسَانٍ إِلَى يَوْمِ الدِّيْنَ.
اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ
اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ سَمِيْعٌ قَرِيْبٌ
اَللَّهُمَّ أَرِنَا الْحَقَّ حَقًّا وَارْزُقْنَا اتِّبَاعَهُ، وَأَرِنَا الْبَاطِلَ باَطِلاً وَارْزُقْنَا اجْتِنَابَهُ .اَللَّهُمَّ رَبَّنَا تَـقَـبَّلْ مِنَّا صَلاَتَنَا وَصِيَا مَنَا وَرُكُوْ عَنَا وَسُجُوْدَنَا وَقُعُوْدَنَا وَتَضَرُّعَنَا وَتَخَشُّوْعَنَا وَزَكَاتَنَا وَتَعَبُّدَنَا وَتَمِّمْ تَقْصِيْرَنَا يَا اَلله يَا رَبَّ الْعَا لَمِيْنَ
اللَّهُمَّ اجْعَلْ جَمْعَنَا هَذَا جَمْعًا مَرْحُوْمًا، وَاجْعَلْ تَفَرُّقَنَا مِنْ بَعْدِهِ تَفَرُّقًا مَعْصُوْمًا، وَلا تَدَعْ فِيْنَا وَلا مَعَنَا شَقِيًّا وَلا مَحْرُوْمًا.
اللَّهُمَّ إِنَّا نَسْأَلُكَ الْهُدَى وَالتُّقَى وَالعَفَافَ وَالغِنَى.
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا.
رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ.
سُبْحَانَ رَبِّكَ رَبِّ الْعِزَّةِ عَمَّا يَصِفُوْنَ، وَسَلاَمٌ عَلَى الْمُرْسَلِيْنَ وَالْحَمْدُ لِلَّهِ رَبِّ الْعَالَمِينَ