Naskah Khutbah Jumat BAHASA JAWA Dewan Dakwah BantulEdisi 046/Tahun II/2022
Ingin mendapatkan materi Khutbah Jumat?
🟢 Group WhatsApp 4️⃣ : https://chat.whatsapp.com/HuyMTmy9wVn2vdG1HRQMSw
🔵 Naskah lengkap dari awal bisa dibuka di Channel Telegram : https://t.me/khutbah_DDII_Bantul
💻 Naskah lengkap dari awal : https://drive.google.com/drive/folders/11ZcffhlMqe-KdNXEshz1UUOhQ4Ik132l?usp=sharing
Dedalane Nggayuh Ikhlas
Dening : Ust Saiful Bahri, S.Ag
Khutbah I
اْلحَمْدُ لِلَّهِ رَبِّ الْعَالَمِيْنَ، وَبِهِ نَسْتَعِيْنُ عَلَى أُمُوْرِ الدُّنْيَا وَالدِّيْنِ، أَشْهَدُ أَنْ لاَإِلهَ إِلاَّاللَّهُ وَحْدَهُ لاَشَرِيْكَ لَهُ وأَشْهَدُ أَنَّ مُحَمَّدًا عَبْدُهُ وَرَسُوْلُهُ.
اللَّهُمَّ صَلِّ عَلَى مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ، أَمَّا بَعْدُ: فَيَا عِبَادَ اللَّهِ أُوْصِيْكُمْ وَنَفْسِيْ بِتَقْوَى اللَّهِ
وَقَالَ اللَّهُ تَعَالَى فِيْ كِتَابِهِ الْكَرِيْمِ: يَآأَيُّهَا الَّذِيْنَ ءَامَنُوْا اتَّقُوْا اللَّهَ حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْنَ
قُلْ إِنَّمَا أَنَا بَشَرٌ مِثْلُكُمْ يُوحَىٰ إِلَيَّ أَنَّمَا إِلَٰهُكُمْ إِلَٰهٌ وَاحِدٌ ۖ فَمَنْ كَانَ يَرْجُو لِقَاءَ رَبِّهِ فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا
Ma’asyiral muslimin rahimakumullah,
Saestunipun gesang menika kanthi sedaya wujud lampah tumindak kita minnagka pangibadahan, jalaran kita dipun cipta minangka titah supados ngumawula dhumateng Allah, kados dhawuh pangendikanipun ing al-Qur’an:
وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ
“Lan Ingsun (Allah) ora nyipta jin lan manungsa kejaba mung supaya dheweke nyembah ngumawula marang Ingsun.” (Qs Adz Dzariyat: 56)
Ing salebeting pangibadahan menika supados namung mligi kagem Allah kanthi ikhlas, mboten dipun campur kanthi maksud sanes.
وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ وَيُقِيمُوا الصَّلَاةَ وَيُؤْتُوا الزَّكَاةَ وَذَلِكَ دِينُ الْقَيِّمَةِ
“Lan umat manungsa ora didhawuhi kejaba mung supaya padha ngumawula ngibadah marang Allah kanthi tulus midherek ing Panjenengane sajroning agama kang bener, lan supaya dheweke njejegake shalat mbayar zakat, lan kang mengkono iku minangka agama kang jejeg (bener).” (QS. Al-Bayyinah [98]: 5).
Ma’asyiral muslimin rahimakumullah,
Agami Islam menika dipun bangun kanthi dhedhasar nge-trap-aken pangibadahan ingkang minangka tujuan pokok umat manungsa dipun cipta ing ndonya. Dene hakikat ibadah menika mboten wonten kejawi yen dipun lambari raos ikhlas.
Menggah jarwanipun Ikhlas inggih menika:
اَلْإِخْلاَصُ هُوَ تَجْرِيْدُ قَصْدِ التَّقَرُّبِ اِلَى اللهِ تَعَالَى عَنْ جَمِيْعِ الشَّوَاهِبِ
Ikhlas inggih menika nyawiji ing sedya kangge nyaket dhumateng Allah ta’âlâ nyingkiri saking perkawis sanes ingkang saget ndamel campur (ngregeti).
Awit saking menika, ikhlas nglenggahi perkawis pokok ing sedaya amal tumindak padintenan kita. Ikhlas, nyakup maknanipun ngibadah, utawi ngamal tumindak namung ngajeng-ajeng ridhanipun Allah. Kados dhawuhipun:
وَمَن يَفْعَلْ ذَلِكَ ابْتِغَآءَ مَرْضَاتِ اللهِ فَسَوْفَ نُؤْتِيهِ أَجْرًا عَظِيمًا
“Lan sapa wong kang tumindak mengkono jalaran ngupadi ridhane Allah, mangka ing tembe Ingsun Allah bakal paring piwales ganjaran kang agung.” (QS An-Nisa’ [4]: 114).
Ing perkawis aqidah, ikhlas maknanipun resik utawi tebih saking lampah syirik. Kados dhawuh ing al-Qur’an:
قُلْ إِنَّمَا أَنَا بَشَرٌ مِثْلُكُمْ يُوحَىٰ إِلَيَّ أَنَّمَا إِلَٰهُكُمْ إِلَٰهٌ وَاحِدٌ ۖ فَمَنْ كَانَ يَرْجُو لِقَاءَ رَبِّهِ فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا
“Ucapno, “Satemene aku iki mung manungsa kaya dene kowe kabeh, kang nampa wahyu: Menawa satemene sesembahanira iku Rabb (Allah) kang mung Sawiji.” Sapa wong kang ngarep-arep bisa sowan ing Panjenengane, mangka prayoga padha nindakno amal shaleh lan ojo nggawe tetandhingan sawiji wae ing pangibadahan tumrap Panjenengane iku.” (QS Al-Kahfi [18]: 110).
Ma’asyiral muslimin rahimakumullah,
Raos ikhlas menika perlu dipun latih, kawiwitan saking masang niyat ing salebeting manah saben badhe tumindak. Sebab niyat ingkang klentu bakal njalari amalipun salah dunung, lan mboten badhe pikantuk piwales ganjaran saking Allah swt.
Dalam hadits dari Umar bin Khathab r.a. yang diriwayatkan oleh Imam Bukhari dan Muslim, Nabi Shallallahu ‘Alaihi Wasallam bersabda:
إِنَّمَا الأَعْمَالُ بِالنِّيَّاتِ، وَإِنَّمَا لِكُلِّ امْرِئٍ مَا نَوَى
“Satemene amal-amal iku gumantung ing niyate. Lan saben wong bakal nampa kasil miturut apa kang diniyatake.”
Al-Hafizh Ibnu Rajab rahimahullah nerangaken, “Makna al-a’malu bin niyat inggih menika amal tumindak bakal dados sae utawi awon, tipun tampi utawi dipun tolak, pikantuk ganjaran utawi malah dosa, sedaya menika gumantung ing niyat. Kanthi mekaten, hadits menika njelasaken bab hukum syar’iat, inggih menika sae utawi awonipun amal tumindak menika gumantung ing sae lan awonipun niyat.”
Ma’asyiral muslimin rahimakumullah,
Para ulama kathah paring nasehat ing kados pundi hakikatipun ikhlas menika. Ing antawisipun wonten ingkang ngendika, “Wong kang ikhlas yaiku bisa nyimpen wewadi amal kabecikane kayadene dheweke bisa nyimpen wewadi ing tumindake kang ala.”
Fudhail bin Iyadh matur, “Nilar amal tumindak jalaran tiyang menika minangka riya’, dene ngamal jalaran wonten tiyang sanes menika dados syirik. Lan ikhlas inggih menika yen Allah mitulungi saget uwal saking lampah kekalehipun.”
Imam Al Ghazali ngendika, “Sedaya tiyang bakal sirna, kejawi tiyang ingkang nggadhahi ngelmu. Tiyang ingkang gadhah ngelmu ugi bakal sirna, kejawi tiyang ingkang ngamal (kanthi ngelmunipun). Lan tiyang ingkang ngamal ugi bakal sirna (tanpa piguna), kejawi tiyang ingkang ikhlas.”
Muhammad bin Ali At-Tirmidzi ngendika, “Kabegjan ing akhirat menika mboten jalaran kathahipun amalan. Saestunipun kabegjan ing akhirat menika kanthi ngikhlas-aken amalan lan tansah nambahi kesaenanipun.”
Ma’asyiral muslimin rahimakumullah,
Wonten sawetawis patuladhan ing bab lampah ikhlas:
Ikhlas kados nalikanipun Khalid bin Walid dipun copot saking kalenggahan panglima perang dening Khalifah Umar bin Khattab, jalaran kuwatir menawi dados ‘kultus individu’ (saking umat dhumateng piyambakipun. Khalid tetep istiqomah ndherek perang ing satengahing pasukan, tanpa perduli dhateng owah-owahaning kalenggahanipun. Nalika dipun suwuni priksa, kenging menapa – kok taksih purun dnherek perang kamangka sampun dipun copot jabatanipun? Piyambakipun njawab: Aku melu perang ora jalaran Umar, nanging jalaran sesembahane Umar (yaiku Allah)”
Wonten riwayat ingkang nyebataken, bilih buyutipun kanjeng Nabi Muhammad saw ingkang sesilih Ali bin Husain bin Ali, remen paring sedekah dhumateng masyarakat kanthi mbagi sekarung roti ing wanci ndalu, tanpa wonten tiyang sanes ingkang mangertosi. Masyarakat nembe mangertos nalikanipun piyambakipun seda kapundhut ing Gusti Allah. Jalaran, sasampunipun seda kanyatan mboten wonten malih sedekah ingkang biasanipun dipun tampi dening masyarakatipun.
Ma’asyiral muslimin rahimakumullah,
Kados pundi caranipun kita nggayuh sipat ikhlas menika? Wonten sawetawis lampah gampil kagem nglatih raos ikhlas ing salebeting ngamal, inggih menika :
Sepisan, ngamal kanthi sesidheman (Rahasia)
Sampun ngantos sedaya amal tumindak kita dipun mangertosi dening tiyang sanes. Amalan fardhu biasanipun tiyag sanes gampil priksa lan mangertos. Nanging amalan sunat, wonten ingkang tiyang sanes saget mengartose, nanging ugi wonten ingkang perlu lan kedah kita umpet-aken minangka wewadi kita dhumateng Allah. Tiyang ingkang ikhlas menika badhe pikantuk raos marem, bingah lan remen kanthi ndamel wadi (rahasia) amalipun. Tansaya kathah amalan ingkang dipun sidhem-aken pramila langkung caket dhumateng raos ikhlas.
Kaping kalih, ajeg salebeting tumindak kesaenan, nalika piyambakan utawi sesarengan tiyang sanes
Tiyang ikhlas menika tansah yakin bilih amalipun tansah dipun priksani dening Allah, menapa nalika ing papa sepi pinuju piyambakan utawi papan rame kathah tiyang sanes. Tiyang ingkang ngamal sae namung nalika wonten tiyang sanes ateges tumindakipun naming kangge pados ‘alem’ utawi pambijining tiyang. Suwalikipun, nalika piyambakan amal tumindakipun ‘minimalis’ lan mboten nggambaraken akhlak luhuripun minangka tiyang Islam.
Kaping tiga, mboten kepingin dipun alem, lan mboten kuwatir dipun clathu
Kita perlu nglatih dhiri nggadhahi watak ‘ndableg’ saking aleman utawi dipun ino tiyang sanes. Tumrap tiyang ingkang mboten ikhlas, menawi dioun alem badhe ndamel tansaya semangat, nanginng yen mboten bakal ndamel aras-arasen (memeng). Dene yen dipun ino, bakal ndamel ‘mutung’ utawi kagol. Tumrap tiyang ikhlas, sedaya menika mboten bakal ngowahi amal ing manah lan tumindakipun.
Malah, aleman menika asring linangkung mbebayani tinimbang ucapan ngino. Jalaran, kanthi dipun alem badhe ndadosaken tiyang gampil kejrumus lan kesupen, nggadhahi sipat takabur lan ngremehaken tiyang sanes. Kamangka saestunipun kaluwihan ingkang dipun gadhahi namung sakedhik, dene kekirangan, sipat ringkih utawi cacatipun langkung kathah.
Suwalikipun yen tiyang dipun ino, kadhang justru bakal pikantuk manfaat kangge ningali kekirangan utawi ringkihing pribadhi, lajeng saget dados lantaran kangge nulad salira (evaluasi diri).
Kaping sekawan, sampun ngantos kepengin dipun subya-subya jalaran rumaos nggadhahi kaluwihan utawi sumbangsih ingkang ageng
Kadhang kala tiyang kepengin dados tiyang igkang istiewa, pigin dipun kurmati utawi basanipun “pingin dianggep” jalaran sampun gadhah sumbangsih tertemtu utawi kaluwihan ingkang mboten dipun gadhahi tiyang sanes.
Kita ngibadah menika naming kangge pados ridhanipun Allah, pramila kita sampun ngantos serakah kangge pikantuk pambiji utawi alemipun saking tiyang sanes.
Saestunipun, tiyang sanes ngalem lan ngurmati ing kita menika jalaran wonten kalih perkawis. Sepisan: jalaran Allah taksih nutupi sipat aib, cacat utawi dosa maksiyat kita, sahingga mboten dipun mangertosi tiyang sanes. Kaping kalih, Allah taksih paring ujian nikmat ingkang awujud : arta bandha, gelar, pangkat, jabatan, popularitas, pacakan praupan, sahingga kita taksih saget ketingal sae.
Mekaten atur khutbah ing siang menika mugi ndadosaken kita saget nglatih dhiri nggayuh sipat ikhlas salebeting ngamal. Amiin.
بَارَكَ اللَّهُ لِيْ وَلَكُمْ فِيْ الْقُرْآنِ الْعَظِيْمِ وَنَفَعَنِيْ وَإِيَّاكُمْ بِمَا فِيْهِ مِنَ اْلأَيَاتِ وَذِكْرِ الْحَكِيْمِ وَتَقَبَّلَ مِنِّيْ وَمِنْكُمْ تِلاَوَتُهُ إِنَّهُ هُوَ السَّمِيْعُ الْعَلِيْمُ وَقُلْ رَّبِّ اغْفِرْ وَارْحَمْ وَأَنْتَ خَيْرُ الرَّاحِمِيْنَ
Khutbah II
الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ
لَقَدْ جَاءَتْ رُسُلُ رَبِّنَا بِالْحَقِّ وَنُودُوا أَنْ تِلْكُمُ الْجَنَّةُ أُورِثْتُمُوهَا بِمَا كُنْتُمْ تَعْمَلُونَ
أَشْهَدُ أَن لاَّ إِلَهَ إِلاَّ الله وَحْدَهُ لَا شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ صَلَّى اللهُ عَلَيْهِ وَعَلَى آلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنَ
يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
الَّلهُمَّ صَلِّ وَسَلِّمْ وَبَارِكْ عَلَى نَبِيِّنَا مُحَمَّدٍ وَعَلَى آلِهِ وَعَلَى خُلَفَائِهِ الرَّاشِدِيْنَ الْمَهْدِيِّيْنَ وَأَصْحَابِهِ أَجْمَعِيْنَ وَمَنْ سَارَ عَلَى نَهْجِهِمْ وَطَرِيْقَتِهِمْ إِلَى يَوْمِ الدِّيْنِ.
اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ
اَللَّهُمَّ رَبَّنَا اغْفِرْ لَنَا ذُنُوبَنَا وَإِسْرَافَنَا فِي أَمْرِنَا وَثَبِّتْ أَقْدَامَنَا وَانْصُرْنَا عَلَى الْقَوْمِ الْكَافِرِينَ
اَلَّلهُمَّ أَصْلِحْ لَنَا دِيْنَنَا الَّذِي هُوَ عِصْمَةُ أَمْرِنَا وَ أَصْلِحْ لَناَ دُنْيَانَا الَّتِي فِيْهَا مَعَاشُنَا وَأَصْلِحْ لَنَا آخِرَتَنَا الَّتِي فِيْهَا مَعَادُنَا وَاجْعَلِ الْحَيَاةَ زِيَادَةً لَنَا فِي كُلِّ خَيْرٍ وَاجْعَلِ الْمَوْتَ رَاحَةً لَنَا مِنْ كُلِّ شَرٍّ.
رَبَّنَا لاَ تُؤَاخِذْنَآإِن نَّسِينَآ أَوْ أَخْطَأْنَا رَبَّنَا وَلاَ تَحْمِلْ عَلَيْنَآإِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَالاَطَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ.
والحمد لله رب العالمين