Naskah Khutbah Jumat BAHASA JAWA Dewan Dakwah BantulEdisi 032/Tahun II/2022
Ingin mendapatkan materi Khutbah Jumat?
🟢 Group WhatsApp 4️⃣ : https://chat.whatsapp.com/HuyMTmy9wVn2vdG1HRQMSw
🔵 Naskah lengkap dari awal bisa dibuka di Channel Telegram : https://t.me/khutbah_DDII_Bantul
💻 Naskah lengkap dari awal : https://drive.google.com/drive/folders/11ZcffhlMqe-KdNXEshz1UUOhQ4Ik132l?usp=sharing
WASPODO ING LAKU KHIANAT
Dening : Ust. Salim Himamuddin
Khutbah I
اَلْحَمْدُ ِللهِ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَكَفَى بِاللَّهِ شَهِيداً. أَشْهَدُ أَنْ لاَ إِلهَ إِلَّا اللهُ وَحْدَهُ لاَ شَرِيْكَ لَهُ. وَأَشْهَدُ أَنّ مُحَمّدًا عَبْدُهُ وَرَسُوْلُهُ لاَ نَبِيَّ بَعْدَهُ.
اَللهُمَّ صَلِّ وَسَلّمْ عَلٰى سَيِّدِنَا مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن.
عِبَادَ اللهِ أُوْصِيْكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ. قَالَ الله تَعَالَى أَعُوْذُ بِاللهِ مِنَ الشَّيْطَانِ الرَّجِيْمِ. يَاأَيّهَا الّذَيْنَ آمَنُوْا اتّقُوا اللهَ حَقّ تُقَاتِهِ وَلاَ تَمُوْتُنَّ إِلاّ وَأَنْتُمْ مُسْلِمُوْنَ
يَاأَيُّهَا الَّذِينَ ءَامَنُوا لَا تَخُونُوا اللَّهَ وَالرَّسُولَ وَتَخُونُوا أَمَانَاتِكُمْ وَأَنْتُمْ تَعْلَمُون
Ma’asyiral muslimin rahimakumullah
Ing saperangan piwucaling agami Islam lan minangka tujuan pokok agami inggih menika kangge nggayuh mawujudipun akhlakul karimah utawi bebuden ingkang luhur. Kados dhawuh pangendikanipun Rasulullah SAW:
إِنَّمَا بُعِثْتُ لأُتَمِّمَ مَكَارِمَ الأَخْلاقِ
“Satemene ingsun diutus ora liya kejaba kanggo nyampurna-ake akhlak kang luhur.” (HR. Al-Baihaqi).
Jejeging tatanan gesang ing satengahing masyarakat gumantung ing wontenipun raos tanggung jawab lan pitados ing antawisipun anggota masyarakat.
Wekdal akhir menika saestu ndamel raos prihatin, wonten prastawa ingkang ndadosaken risakipun raos pitados ing satengahing masyarakat, keranten timbulipun lampah khianat, laku cidra, nylinthut utawi nyalahgina-aken wewenang kalenggahan lan jabatan.
Ing jagading pendidikan wonten kasus khianat dhateng amanah, jalaran wonten guru (minangka pendidik) ingkang samesthinipun saget dados patuladhan kangge “digugu” lan “ditiru” – justru nindak-aken lampah ‘ngrucah’ dhateng siswa (santri)-nipun. Tiyang menika sampun ngrisak lan ndamel ajur ‘masa depan’ – ipun.
Wonten ugi lembaga sosial ingkang nyalahgina-aken dana santunan sosial kagem dhuafa, justru namung kagem nuruti kepentingan pribadi lan kelompok. Dene prastawa pugkasa, wontenipun panguwaos ingkang dipun agem nindhes andhahan; kanthi ngarang cerito – ingkang ndamel kados pihak andhahanipun tumindak lepat lan pantes kangge nampu paukuman ingkang murwat. Sampun laku khianat, dipun tambahi tindak aniaya lan fitnah. Sebab asring dumados, satunggaling lampah dosa bakal nuwuhaken lampah dosa sanesipun.
Ma’asyiral muslimin rahimakumullah
Kahanan ingkang mekaten ndadosaken masyarakat nganggep: bilih samenika lampah khianat sampun ngambra-ambra, sahingga angel sanget kangge pitados dhumateng tiyang sanes. Saestu bab menika minangka swasana ingkang ndamel prihatin ingkang ageng. Ing salebeting negari ingkang sampun mardhika lan aman kemawon, kanyatan kathah pihak ingkang tumindak khianat. Mangka kadospundi saumpami kahanan negari menika nembe ngadhepi perang nglawan mengsah. Sepinten kathahipun pihak ingkang bakal tumindak khianat?
Nanging kita sampun sami sumerep, bilih tumindak awon kasebat mboten lumampah dangu; sebab akhiripun kebongkar lan kacandheg. Sedaya rancangan, skenario utawi rekadaya dados lebur. Allah ta’ala paring isyarat ing bab menika:
وَمَكَرُواْ وَمَكَرَ اللّهُ وَاللّهُ خَيْرُ الْمَاكِرِينَ ﴿٥٤﴾
“Dheweke nggawe paeka, lan Allah mbales paeka-ne. Dene Allah minangka sabecik-becike dzat kang mbales paeka.” (Qs. Ali Imran: 54)
Ibarat pepatah ingkang nyebat-aken: “sepandai-pandai tupai melompat, akhirnya jatuh juga.” Kita sami sumerep, kadospundi tiyang ingkang tumindak khianat menika sampun kesandhung ing masalah ingkang dipun tindakaken piyambak. Kamangka sedaya sampun dipun petang kanthi memet lan ringkes.
Ma’asyiral muslimin rahimakumullah
Kita kedah emut, bilih lampah khianat minangka saperangan tandha saking sifat tiyang munafik, kadosdene ngendikanipun Nabi SAW:
آيَة الْمُنَافِق ثَلَاثٌ إِذَا حَدَّثَ كَذَبَ وَإِذَا وَعَدَ أَخْلَفَ وَإِذَا اُؤْتُمِنَ خَانَ
“Tandha-tandha wong munafik ana telu (3), yaiku (1) nalika kandha dheweke ‘goroh’, (2) nalika janji, dheweke mblenjani, lan (3) nalika diwenehi amanah (tanggungjawab) dheweke khianat. (HR. Bukhari lan Muslim)
Malah, asring perkawis menika dipun tindak-aken dening tiyang ingkang ketingalipun minangka tiyang sae, gadhah kapinteran, utawi kalenggahan ingkang kinurmat ing masyarakat. Tiyang menika nggina-aken kalenggahanipun kangge ‘maeka’ masyarakat; bab menika kadosdene pangendikanipun kanjeng Nabi ing hadits sanes:
إِنَّ أَخْوَفَ مَا أَخَافُ عَلَيْكُمْ بَعْدِيْ كُلُّ مُنَافِقٍ عَلِيمُ اللِّسَانِ
“Yekti perkara kang paling aku kuwatirake tumrap sira kabeh sapungkurku yaiku anane wong munafiq kang pinter ngomong.” (Imam ath-Thabrani)
Ma’asyiral muslimin rahimakumullah
Kathahing perkawis ingkang dumados ing masyarakat (kados ingkang sampun kita aturaken) sampun minangka bukti ing bab menika. Kathah masyarakat kita rumaos kapusan, dipun paeka. Kita kedah saestu waspada ! Lan kita mangertos, kados pundi mirisipun kahanan sarwa risak ingkang dipun tuwuhaken saking laku khianat menika. Na’udzubillahi min dzalik..
Ing bab menika Allah sampun paring pemut dumateng tiyang iman amrih tansah jejeg ing salebeting golongan tiyang ingkang leres:
يَاأَيُّهَا الَّذِينَ ءَامَنُوا لَا تَخُونُوا اللَّهَ وَالرَّسُولَ وَتَخُونُوا أَمَانَاتِكُمْ وَأَنْتُمْ تَعْلَمُون
“He wong-wong kang iman, siro ojo laku khianat marang Allah lan Rasul; lan siro ojo laku khianat marang amanat-amanat kang dipercaya-ake tumrap siro, dene siro padha mangerti. .” (Qs. Al- Anfal 28)
Ing bab sanes, kita kedah ngatos-atos, sampun ngantos sifat munafik ingkang mekaten dumunung ing dhiri kita. Sebab Allah sampun paring pemut kanthi tegas lan wanter sanget:
اِنَّ الْمُنٰفِقِيْنَ فِى الدَّرْكِ الْاَسْفَلِ مِنَ النَّارِۚ وَلَنْ تَجِدَ لَهُمْ نَصِيْرًاۙ
“Yekti, wong-wong munafik iku (dipapanake) ing tingkatan kang paling ngisor saka neraka. Lan siro ora bakal nemu anane panulung tumrap dheweke.” (Qs. An-Nisa : 145)
Mekaten khutbah ing siang menika, mugi-mugi negari kita menika tansah dipun ayomi dening Allah SWT, sarta saget uwal saking laku khianat, menapa-to kangge kepentingan pribadi, kelompok utawi kepentingan sanes ingkang ngrisak. Amiin.
بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ قَوْلِيْ هَذَا وَأَسْتَغْفِرُ اللهَ لِيْ وَلَكُمْ وَلِسَائِرِ الْمُسْلِمِيْنَ مِنْ كُلِّ ذَنْبٍ فَاسْتَغْفِرُوْهُ إِنَّهُ هُوَ الْغَفُوْرُ الرَّحِيْمُ
Khutbah II
اَلْحَمْدُ لِلّهِ رَبِّ اْلعَالَمِيْنَ، وَاْلعَاقِبَةُ لِلْمُتَّقِيْنَ، وَلاَ عُدْوَانَ إِلَّا عَلىَ الظَّالِمِيْنَ. أَشْهَدُ أَنْ لَا إِلهَ إِلاَّ اللهُ وَحْدَهُ لَا شَرِيْكَ لَهُ، الملِكُ اْلحَقُّ اْلُمبِيْنُ، وَأَشْهَدُ أَنَّ مُحمَّدًا عَبْدُهُ وَرَسُوْلُهُ، اْلَمبْعُوْثُ رَحْمَةً لِلْعَالمِيْنَ.
فَيَاأَيُّهاَالْإِخْوَانُ، أُوْصِيْكُمْ وَإِيَايَ بِتَقْوَى اللهِ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُوْنَ.
إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا.
اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، وَبَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، فِي العَالَمِيْنَ إِنَّكَ حَمِيْدٌ مَجِيْدٌ،
اللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدُّعَاءِ.
اللَّهُمَّ إِنَّا نَسْأَلُكَ الْهُدَى وَالتُّقَى وَالعَفَافَ وَالغِنَى.
اَللَّهُمَّ أَصْلِحْ لَنَا دِيننَا اَلَّذِي هُوَ عِصْمَةُ أَمْرِنَا وَأَصْلِحْ لَنَا دُنْيَا نَا اَلَّتِي فِيهَا مَعَاشنَا وَأَصْلِحْ لَنَا آخِرَتَنَا اَلَّتِي إِلَيْهَا مَعَادنَا وَاجْعَلْ اَلْحَيَاةَ زِيَادَةً لَنَا فِي كُلِّ خَيْرٍ وَاجْعَلْ اَلْمَوْتَ رَاحَةً لَنَا مِنْ كُلِّ شَرٍّ.
رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ.
رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ.
عِبَادَ اللهِ :
إِنَّ اللهَ يَأْمُرُ بِالْعَدْلِ وَالإِحْسَانِ وَإِيْتَاءِ ذِي القُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ