MEMUNGSUHAN ABADI HAQ LAN BATHIL
– Khutbah Jumat Bahasa Jawa

Naskah Khutbah Jumat BAHASA JAWA Dewan Dakwah BantulEdisi 005/Tahun III/2023

Ingin mendapatkan materi Khutbah Jumat?

🟢 Group WhatsApp 3️⃣ : https://chat.whatsapp.com/LLH6iduekXrCVt4tsszX7I

🔵 Naskah lengkap dari awal bisa dibuka di Channel Telegram : https://t.me/khutbah_DDII_Bantul

💵 Rekening Donasi Dakwah :
Bank Syariah Indonesi 899 0000 997
atas nama : Dewan Dakwah Bantul

MEMUNGSUHAN ABADI HAQ LAN BATHIL
Dening: Ust Muhammad Habibi

Khutbah I

اَلْحَمْدُ لِلَّهِ الَّذِيْ أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَكَفَى بِاللَّهِ شَهِيداً
أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمِّدًا عَبْدُهُ وَرَسُوْلُهُ
اَللهُمَّ صَلِّ وَسَلّمْ عَلٰى سَيِّدِنَا مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن.
اَمَّا بَعْدُ، فَيَا عِبَادَ اللهِ، اُوْصِيْكُمْ وَاَيَّايَ بِتَقْوَى اللهِ وَطَاعَتِهِ لَعَلَّكُمْ تُفْلِحُوْنَ.
يَا أَيُّهَا الَّذِينَ آَمَنُوا اتَّقُوا اللَّهَ وَقُولُوا قَوْلًا سَدِيدًا ، يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا

Jamaah sidang Jum’at ingkang dipun rahmati Allah,
Sesrepan ing perkawis piwucal Islam minangka agami ingkang hak (leres) lan margining kawilujengan ingkang mboten wonten sanesipun, kedah kita tanem kanthi kiyat ing salebeting manah; bab menika sampun dipun wedhar dening Allah SWT ing pangendikanipun:

إِنَّ الدِّينَ عِندَ اللّهِ الإِسْلاَمُ ﴿١٩﴾
“Satemen agama (kang diridhai) ing ngersane Allah iku mung Islam. (Qs. Ali Imran: 19)

Salajengipum dipun tambah pangendikan ing ayat sanesipun:
وَمَن يَبْتَغِ غَيْرَ الإِسْلاَمِ دِيناً فَلَن يُقْبَلَ مِنْهُ وَهُوَ فِي الآخِرَةِ مِنَ الْخَاسِرِينَ ﴿٨٥﴾
“Sopo wong kang golek (milih) agama saliyane Islam, mangka babar pisan ora bakal tinampa (agama iku), lan dheweke ing akhirat kalebu wong kang rugi.” (Qs. Ali Imran: 85)

Jamaah sidang Jum’at ingkang dipun rahmati Allah,
Ing salebeting gesang menika, wontenipun perkawis ingkang haq (bebener) bakal ngadhepi wontenipun perkawis bathil (lepat) ing pihak sanes. Menika sampun dados sunnatullah, ingkang nggadhahi piguna kangge ngetingalaken ajinipun perkawis ingkang haq (bebener) dipun bandingaken kaliyan perkawis bathil : kados pundi manfaat, akhir tembe lan akibatipun tumrap gesangipun umat manungsa.

Allah Ta’ala paring firman ing surat Al-Furqan : 31
وَكَذَلِكَ جَعَلْنَا لِكُلِّ نَبِيٍّ عَدُوّاً مِّنَ الْمُجْرِمِينَ وَكَفَى بِرَبِّكَ هَادِياً وَنَصِيراً ﴿٣١﴾
“Mengkono iku, tumrap saben nabi, wis Ingsun dadek-ake ana mungsuh saka wog kang tumindak dosa. Nanging wis cukup Allah pangeranira minangka dzat kamg paring pituduh lan pitulung.”

Lampahing manungsa ingkang tansah tumuju dhateng sifat bathil menika dipun wedhar kanthi gamblang dening Allah Ta’ala:
ذَلِكَ بِأَنَّ الَّذِينَ كَفَرُوا اتَّبَعُوا الْبَاطِلَ وَأَنَّ الَّذِينَ آمَنُوا اتَّبَعُوا الْحَقَّ مِن رَّبِّهِمْ كَذَلِكَ يَضْرِبُ اللَّهُ لِلنَّاسِ أَمْثَالَهُمْ ﴿٣﴾
“Kang mengkono iku, jalaran satemene wong kafir iku tansah nuruti kang bathil (luput, sasar) lan wong iman padha midherek ing bebener saka Allah pangerane. Mengkono iku Allah nggawe praumpaman tumrap umat manungsa.” [Muhammad: 3]

Jamaah sidang Jum’at ingkang dipun rahmati Allah,
Menapa kemawon reka dayanipun tiyang kafir kangge nglawan, mengsahi bebener (al-Haq) saestunipun Allah Ta’ala tetep ngersa-aken bakal ndamel menang (unggul) agami Islam ing atasipun sedaya agami sane sing ndonya menika. Allah paring dhawuh :

يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ ﴿٣٢﴾
“Wong-wong padha nduweni karep “nyupet” (mateni) cahya (agamane) Allah kanthi ucapan lisane, nanging Allah nyegah, malah ngersa-ake bakal nyampurna-ake cahyane, senadyan wong kafir padha orang seneng.”

هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ ﴿٣٣﴾
“Panjenengane allah kang wis ngutus Rasul kanthi pituduh (Al-Qur’an) lan agama kang bener amrih diunggulake tumrap sakabehing agama, senadyan wong-wong musyrik ora seneng.” (Qs. At-Taubah ayat 32-33)

Jamaah sidang Jum’at ingkang dipun rahmati Allah,
Kita minangka umat Islam perlu mangertosi hakekat bebener (al-haq) lan bathil (perkawis lepat) inggih menika:

Sepisan, Al-Haq menika sumberipun namung setunggal, inggih menika Allah Ta’ala. Allah Ta’ala paring piwucal bilih bebener (al-Haq) menika sumberipun namung saking Allah Ta’ala.

وَقُلِ الْحَقُّ مِن رَّبِّكُمْ فَمَن شَاء فَلْيُؤْمِن وَمَن شَاء فَلْيَكْفُرْ
“Lan kandhakno (Muhammad), “Bebener itu tumekane saka Allah pangeranira,. Sopo wong kang gelem, mangka padha iman-o; dene wong maneh wong kang gelem, padha kafir-o.” [Al-Kahfi: 29]

الْحَقُّ مِن رَّبِّكَ فَلاَ تَكُونَنَّ مِنَ الْمُمْتَرِينَ ﴿١٤٧﴾
Bebener iku saka pangeranira, mangka ojo pisan-pisan siro (Muhammad) klebu golongane wong kang mamang (ragu). [Al-Baqarah: 147]

Jamaah sidang Jum’at ingkang dipun rahmati Allah,
Kaping kalih, Al-Haq utawi bebener menika mesthi menang, dene perkawis bathil (lepat) mesthi kawon lan musna. Kathah ayat Al-Qur’an ingkang njlentrehaken bab menika., antawisipun:

وَيُرِيدُ اللّهُ أَن يُحِقَّ الحَقَّ بِكَلِمَاتِهِ وَيَقْطَعَ دَابِرَ الْكَافِرِينَ ﴿٧﴾ لِيُحِقَّ الْحَقَّ وَيُبْطِلَ الْبَاطِلَ وَلَوْ كَرِهَ الْمُجْرِمُونَ ﴿٨﴾
“Lan Allah bakal mbenerake perkara kang haq kanthi ayat-ayat kuasane lan nyirna-ake wong kafir tumpes tekan oyot, amrih Allah nambah bakoh kang haq (Islam) lan nyirna-ake kang bathil (syirik) senadyan wong-wong kang laku dosa (musyrik) padha ora seneng.” (Qs. Al-Anfal: 7-8)

وَقُلْ جَاء الْحَقُّ وَزَهَقَ الْبَاطِلُ إِنَّ الْبَاطِلَ كَانَ زَهُوقاً ﴿٨١﴾
“Lan kandhakno, “Bebener (al-Haq) wis teka, lan perkara bathil wis sirna.” Satemene perkara kang bathil iku mesthi sirna”. (Qs. Al-Isra’: 81)

Senadyan tiyang ingkang tumindak bathil mennika tansah nggina-aken mawerni-werni rancangan ingkang paling sae, nanging tetep mboten bakal mampu nggungguli utawi ngawonaken rancangan utawi kersanipun Allah, minangka dzat ingkang nyepeng panguwaos ing alam ndonya menika.

وَمَكَرُواْ وَمَكَرَ اللّهُ وَاللّهُ خَيْرُ الْمَاكِرِينَ ﴿٥٤﴾
“Wong-wong padha nggawe paeko, lan Allah mbales paekane wong-wong mau. Lan Allah minangka dzat kang sabecik-becike mbales paeko.” (Qs. Ali Imran: 54)

Jamaah sidang Jum’at ingkang dipun rahmati Allah,
Kathah conto lampah bathil ingkang ketibglipun sampun dipun rancang kanthi titis lan rapi, kados tumindak korupsi, rajapati, lan sawernaning lampah culika (durjana); nanging akhiripun kawiyak wewadinipun. Kados tetembungan : “sopo gawe bakal nganggo, sopo nandur bakal ngundhuh.”

Mekaten ugi tumindaking tyang ingkang sengit lan ngino ing piwucal agami Islam kanthi ngobong kitab suci Al-Qur’an, kados ingkang kedadosan wekdal kapengker. Pramila mboten bakal ndamel bathi kagem pelaku-nipun, nanging justru nuwuhaken grengsengipun kagem mbela Islam, lan ugi raos ‘penasaran’ tumrap tiyang non-Islam kangge mangertosi isi Al-Quran. Lan bab menika justru dados pintu pambuka dhatengipun hidayah manggihaken iman.

Kita perlu emut bilih memengsahan haq lan batil menika dumados ‘langgeng’ (sepanjang masa), pramila perlu dipun tanem minangka sesrepan tumrap para putra wayah (generasi penerus) amrih sedaya tansah nindak-aken kawaspadan. Sampun ngantos kelampah para putra menika kalimput lan kajrumus nderek nyenguyung ing barisan lampah bathil (lepat).

Mekaten khutbah ing siang menika mugi manfaat.

بَارَكَ اللهُ لِي وَلَكُمْ فىِ اْلقُرأنِ اْلعَظِيْمِ، وَنَفَعَنِي وَإِيَاكُمْ بِمَافِيْهِ مِنَ الاٰيَاتِ وَالذِّكْرَ اْلحَكِيْمِ، وَ تَقَبَّلَ مِنيِّ وَ مِنْكُمْ تِلاَوَتَهُ إِنَّهُ هُوَ الَسمِيْعُ اْلعَلِيْمُ

Khutbah II

اَلْحَمْدُ ِللهِ وَكَفٰى، وَسَلاَمٌ عَلٰى عِبَادِهِ الَّذِيْنَ اصْطَفٰى. أَشْهَدُ أَنْ لاَ إِلهَ إِلَّا اللهُ وَحْدَهُ لاَ شَرِيْكَ لَهُ. وَأَشْهَدُ أَنّ مُحَمّدًا عَبْدُهُ وَرَسُوْلُهُ لاَ نَبِيَّ بَعْدَهُ.
اَللهُمَّ صَلِّ وَسَلّمْ عَلٰى سَيِّدِنَا مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن
أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ
إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا.
اَللّهُمَّ صَلِّ وَ سَلِّمْ عَلَى سَيِّدِنَا وَ حَبِيْبِنَا مُحَمَّدٍ وَّعَلَى اَلِه وَ سَائِرِ الصَّحَابَةِ وَ التَّابِعِيْنَ وَمَنْ تَبِعَهُمْ بِاِحْسَانِ اِلَى يَوْمِ الدِّيْنِ
اللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدُّعَاءِ.
اَللَّهُمَّ أَصْلِحْ لَنَا دِيننَا اَلَّذِي هُوَ عِصْمَةُ أَمْرِنَا وَأَصْلِحْ لَنَا دُنْيَا نَا اَلَّتِي فِيهَا مَعَاشنَا وَأَصْلِحْ لَنَا آخِرَتَنَا اَلَّتِي إِلَيْهَا مَعَادنَا وَاجْعَلْ اَلْحَيَاةَ زِيَادَةً لَنَا فِي كُلِّ خَيْرٍ وَاجْعَلْ اَلْمَوْتَ رَاحَةً لَنَا مِنْ كُلِّ شَرٍّ.
رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ.
رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ.