Naskah Khutbah Jumat BAHASA JAWA Dewan Dakwah BantulEdisi 025/Tahun III/2023
Ingin mendapatkan materi Khutbah Jumat?
🟢 Group WhatsApp 2️⃣ : https://chat.whatsapp.com/JwOZ6ZelLUx5BTam0cYhFn
🔵 Naskah lengkap dari awal bisa dibuka di Channel Telegram : https://t.me/khutbah_DDII_Bantul
AMALAN WULAN DZULHIJJAH
Dening : Ust. Malik Saifudin
Khutbah I
الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ. اَشْهَدُ اَنْ لاَ اِلهَ اِلاَّ اللهُ وَحْدَهُ لاَ شَرِيْكَ لَهُ وَاَشْهَدُ اَنَّ مُحَمَّدًا عَبْدُهُ وَرَسُوْلُهُ. وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ
اُوْصِيْكُمْ وَاَيَّايَ بِتَقْوَى اللهِ وَطَاعَتِهِ لَعَلَّكُمْ تُفْلِحُوْنَ. يَآ أَيُّهَا الَّذِيْنَ آَمَنُوا اتَّقُواْ اللهَ وَقُولُواْ قَوْلاً سَدِيْدَا, يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُو بَكُمْ وَمَنْ يُطِعِ اللهَ وَرَسُولَهُ فَقَدْ فَازَ فَوْزًا عَظِيْمَا
وَأَذِّن فِى ٱلنَّاسِ بِٱلْحَجِّ يَأْتُوكَ رِجَالًا وَعَلَىٰ كُلِّ ضَامِرٍ يَأْتِينَ مِن كُلِّ فَجٍّ عَمِيقٍ
Ma’asyiral muslimin rahimakumullah
Wekdal menika kita sampun mlebet ing wulan Dzulhijjah, ingkang minangka salah satunggaling “wulan haram” utawi ingkang dipun mulya-aken (suci). hikmah-ipun haram peperangan ing wulan kasebat amrih umat Islam saget nindak-aken ibadah haji kanthi sampurna, sarta nggayuh kautaman lan kamulyaning ibadah-ibadah sanesipun.
Sasanesipun ibadah haji minangka rukun Islam ingkang kaping gangsal, taksih kathah amalan ibadah ingkang saget kita tindak-aken ing wulan Dzulhijjah, lan nggadhahi kathah keistimewaan. Linangkung menawi nindak-aken ngibadah saking awal-awal wulan Dzulhijjah ngantos dumugi dinten Tasyrik ingkang kalebet rerangkenipun ibadah Hari Raya Idul Adha. Rasulullah SAW paring sabda:
مَا مِنْ أَيَّامٍ أَحَبَّ إِلَى اللّٰهِ أَنْ يُتَعَبَّدَ لَهُ فِيْهَا مِنْ عَشْرِ ذِي الْحِجَّةِ يَعْدِلُ صِيَامُ كُلِّ يَوْمٍ مِنْهَا بِصِيَامِ سَنَةٍ وَقِيَامُ كُلِّ لَيْلَةٍ مِنْهَا بِقِيَامِ لَيْلَةِ الْقَدْرِ
“Ora ono dina-dina kang luwih ditresnani dening Allah kanggo nindakake ngibdah kejaba sepuluh dina sepisanan ing wulan Dzulhijjah, sedina puasa ing wulan iku sebanding kelawan nindakake puasa setaun. Sewengi nindakake shalat lail sebanding kelawan shalat ing wengine Lailatul Qadar” (HR At-Tirmidzi).
Ma’asyiral muslimin rahimakumullah
Saking hadits menika kita saget mengertos bilih dipun sunnah-aken tumrap kita nindakaken puasa ing sedasa dinten sepisanan kanthi mapinten-pinten kautamanipun. Syekh Zakaria al-Anshari ing kitab Asnâ al-Mathâlib njlentreh-aken bilih ing tanggal 1 dumugi 7 Dzulhijjah dipun sunnah-aken puasa kagem uat Islam ingkang nindakaken ibadah haji utawi mboten. Dene tanggal 8 (dinten Tarwiyyah) lan 9 (dinten ‘Arafah) namung dipun sunnah-aken kagem umat Islam ingkang mboten nglampahi ibadah haji. Ing satunggaling Hadits ingkang dipun riwayataken dening Imam Muslim dipun sebataken:
صِيَامُ يَوْمِ عَرَفَةَ أَحْتَسِبُ عَلَى اللهِ أَنْ يُكَفِّرَ السَّنَةَ الَّتِي قَبْلَهُ وَالسَّنَةَ الَّتِي بَعْدَهُ
“Puasa Arafah (9 Dzulhijjah) bisa nebus dosa setaun kang wis kepungkur lan setaun kang bakal teka.”
Sasanesipun ibadah puasa, mlebet ing sedasa dinten Dzulhijjah, kita ugi dipun dhawuh-aken amrih ngathah-ngathah-aken ibadah sanes kadosdene : dzikir, sedekah, maos Al-Qur’an, lan mawerni amalan sunnah sanesipun.
Ma’asyiral muslimin rahimakumullah
Dene amalan utami ingkang khusus dipun tindak-aken ing wulan Dzulhijjah menika wonten tiga, inggih menika : shalat Idul Adha, Qurban, lan Haji. Shalat Idul Adha minangka “hari raya” tumrap sedaya seluruh umat Islam, sae menika ingkang nindak-aken ibadah haji utawi mboten tindak haji. Sasampunipun shalat jamaah shalat Idul Adha, umat Islam nindak-aken ibadah penyembelihan hewan Qurban lan andum kabingahan kanthi mbagi-mbagi daging Qurban.
Ibadah Qurban menika minangka wujud syukur awit kathahipun nikmat ingkang kaparingaken saking Allah dhumateng kita, kados dhawuh firmanipun Allah ing al-Qur’an:,
إِنَّآ أَعۡطَيۡنَٰكَ ٱلۡكَوۡثَرَ ١ فَصَلِّ لِرَبِّكَ وَٱنۡحَرۡ ٢ إِنَّ شَانِئَكَ هُوَ ٱلۡأَبۡتَرُ ٣
“Satemene Ingsun Allah wis paring nugraha nikmat marang sira kanthi nikmat kang akeh banget. Awit saka iku, prayoga sira ngadegna shalat krana Allah pangeranira lan nindak-na korban. Satemene wong kang padha nyengiti ing sira iku klaebu golongane wong kang bakal sirna.” (Qs. Al Kautsar: 1-3)
Ma’asyiral muslimin rahimakumullah
Mekaten kathah nikmat menika, sahingga kita mboten bakal kuwawi ngetang wilanganipun.
وَإِن تَعُدُّواْ نِعْمَةَ اللّهِ لاَ تُحْصُوهَا إِنَّ اللّهَ لَغَفُورٌ رَّحِيمٌ
“Lan yen sira kepengin ngetung ni`mat peparinge Allah, yekti sira ora bakal bisa ngetung sepira akehe wilangane. Satemene Allah Maha Paring pangaupra lan Maha Welas asih.” (Qs. An Nahl: 18)
Pramila kurban minangka tandha kesyukuran awit nikmat-nikmat peparingipun Allah, kados pemutipun Allah:
وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ
“Lan (elinga), nalia allah pangeranira wis ngendika : “Satemene yen sira padha bisa syukur, yekti Ingsun allah bakal paring tambah (nimat) tumrap sira, dene yen sira padha kufur (se’lak) marang nimat-Ingsun, mangka satemene azab pasiksaning-Sun Allah iku banget abote”. (Qs. Ibrahim: 7)
Ma’asyiral muslimin rahimakumullah
Tumrap kita ingkang dereng pinaringan kesempatan kagem nindakaken kurban, pramila sanget sae menawi wiwir samenika cecawis wiwit wekdal ingkang dangu, inggih kanthi cara nabung (nyelengi) utawi cara sanes kangge minangkani dhawuh timbalanipun Allah menika.
Imam Abu Hanifah nyebataken ing saweneh hadits Abu Hurairah, bilih kanjeng Nabi SAW paring sabda:
مَنْ وَجَدَ سَعَةً لِأَنْ يُضَحِّيَ فَلَمْ يُضَحِّ فَلَا يَحْضُرْ مُصَلَّانَا
“Sopo wong kang wis mampu kurban, nanging dheweke ora nindak-ake, mangka dheweke ojo nyedhak (nekani) ing papan shalat ingsun iki”. (HR. al-Baihaqi).Penyembelihan Qurban saget dipun leksana-aken dumugi akhiripun dinten tasyrik; sebab mbok-bilih ing saat shalat Idul Adha dereng kagungan rejeki, kanyatan rejekinipun nembe mlempak tanpa dipun nyono ing dinten pungkasan dinten tasyrik. Pramila ing wekdal kasebat kita saget nindak-aken kurban.
Ma’asyiral muslimin rahimakumullah
Wondene ibadah haji, minangka panyampurna rukun Islam. Samesthinipun kita sedaya nggadhahi pepenginan sageta nindak-aken. Kita ndedonga, mugi-mugi para jamaah haji pinaringan kekiyatan lan pangayoman saking Allah SWT sahingga saget nindak-aken rerangkenipun rukun lan wajib haji; sarta saget nggayuh predikat utawi derajat haji ingkang mabrur. Rasulullah SAW paring sabda:
وَالْحَجُّ الْمَبْرُورُ لَيْسَ لَهُ جَزَاءٌ إِلَّا الْجَنَّةُ
“lan haji mabrur ora ono liya piwalese kejaba suwarga“. (Muttafaq ‘alaih)
Lan tumrap kita ingkang dereng piiraringan kesempatan nindak-aken timbalan agung menika, samangke enggal kuwawi sowan tindak ziyaroh ing tanah suci Mekkah al Mukarramah. Dipun awiti kanthi masang niat, lajeng cecawis ing sawernaning syaratipun. In sya’Alloh, margi ingkang gampil bakal kita panggihi kangge ngupadi ridhanipun Allah SWT menika . A-miin.
Mekaten mapinten amalan ingkang saget kita lampahi ing wulan Dzulhijjah menika minangka wujud syiar lan tanda takwa dhumateng Allah SWT.
ذَلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ
“Mengkono (dhawuheAllah). Lan sopo wong kang padha ngagungake syiar-syiar Allah, mangka yekti iku tuwuh saka ati kang takwa.” (Qs. Al Hajj: 32)
Mekaten atur khutbah Jumat siang menika, mugi-mugi manfaat, saget njurung lan ndamel grengseng ing kita kagem ngamalaken kathahing fadhilah ibadah ing wulan Dzulhijjah. A-miin..
أَقُوْلُ قَوْلِيْ هٰذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ
Khutbah II
الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ لَقَدْ جَاءَتْ رُسُلُ رَبِّنَا بِالْحَقِّ وَنُودُوا أَنْ تِلْكُمُ الْجَنَّةُ أُورِثْتُمُوهَا بِمَا كُنْتُمْ تَعْمَلُونَ
أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّداً عَبْدُهُ وَرَسُوْلُهُ. اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن
أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ
اِنَّ اللهَ وَمَلاَئِكَتَهُ يُصَلُّوْنَ عَلىَ النَّبِىْ يَاَ يُّهَاالَّذِيْنَ آمَنُوْاصَلُّوْاعَلَيْهِ وَسَلِّمُوْا تَسْلِيْمًا
اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ. اللهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ وَالمؤْمِنَاتِ الأَحْيَاءِ مِنْهُمْ وَالأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعْوَةِ
اللَّهُمَّ إِنَّا نَعُوذُ بِكَ مِنَ البَرَصِ ، وَالجُنُونِ ، والجُذَامِ ، وَسَيِّيءِ الأسْقَامِ .رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
اللَّهُمَّ إنَّا نَسْأَلُكَ الهُدَى ، والتُّقَى ، والعَفَافَ ، والغِنَى
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ. وَآخِرُ دَعْوَانَا أَنِ الْحَمْدُ لله رَبِّ الْعَالَمِيْنَ